କନକ ବ୍ୟୁରୋ : ପ୍ରଶାସନିକ ସଂସ୍କାରକୁ ଗୋଟିଏ ଗୋଷ୍ଠୀ କର୍ମଚାରୀଙ୍କ ପ୍ରତିବାଦ । ବିଭିନ୍ନ ବିଭାଗରେ ନିର୍ଦ୍ଦେଶାଳୟ ମିଶିବାକୁ ନେଇ ପ୍ରତିବାଦ କରିଛନ୍ତି ଲୋକସଭା ଭବନର କର୍ମଚାରୀ । ଆଜି ଏ ନେଇ ପଂଚାୟତ ବିଭାଗ ସମ୍ମୁଖରେ ପ୍ରତିବାଦ ହୋଇଛି । ମୁଖ୍ୟଶାସନ ସଚିବ ଭାବେ ଅସିତ ତ୍ରିପାଠୀ ଦାୟିତ୍ୱ ନେବା ପରେ ପ୍ରାଶାସନିକ ସଂସ୍କାର ପାଇଁ ନିଷ୍ପତି ହୋଇଛି । ଶାସନ ଢାଂଚା ବଦଳିବାକୁ ସ୍ଥିର ହୋଇଛି । ତିନିଥାକିଆ ବ୍ୟବସ୍ଥା ବଦଳରେ ଦୁଇ ଥାକିଆ ବ୍ୟବସ୍ଥା କରିବାକୁ ନିଷ୍ପତି ହୋଇଥିଲା । ଗୋଟିଏ ଛାତ ତଳେ ସଚିବ ଓ ନିର୍ଦ୍ଦେଶକ କାମ କରିବାକୁ ନିଷ୍ପତି ହୋଇଥିଲା । ଏହାକୁ ଗୋଟିଏ ଗୋଷ୍ଠୀ ପ୍ରତିବାଦ କରିଥିବାବେଳେ ଆଉ ଏକ ଗୋଷ୍ଠୀ ସମର୍ଥନ କରୁଛନ୍ତି । ଏହାକୁ ନେଇ ଆଜି କର୍ମଚାରୀ ସମନ୍ୱୟ ସମିତିର ବୈଠକ ବି ବସିଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ମୁଖ୍ୟଶାସନ ସଚିବଭାବେ ଅସିତ କୁମାର ତ୍ରିପାଠୀ ଦାୟିତ୍ବ ନେବା ପରେ ମୁଖ୍ୟମନ୍ତ୍ରୀଙ୍କ ଅନୁମୋଦନରେ ପ୍ରଥମ ସଂସ୍କାର ଆଣିଛନ୍ତି । ରାଜ୍ୟ ପ୍ରଶାସନ କାର୍ଯ୍ୟାନ୍ବୟନରେ ବଡ଼ ଧରଣର ପରିବର୍ତନ କରାଯାଇଛି । ଦୀର୍ଘ ବର୍ଷ ଧରି ଚାଲିଥିବା ପାରମ୍ପରିକ ଢାଞ୍ଚାକୁ ସରକାର ବଦଳାଇ ଦେଇଛନ୍ତି । ଏଣିକି ପ୍ରଶାସନିକ ବିଭାଗ ଓ ନିର୍ଦ୍ଦେଶାଳୟ ଗୋଟିଏ ଛାତ ତଳେ କାମ କରିବେ । ଆଜି ଏ ନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ବିଧିବଦ୍ଧ ସଂକଳ୍ପ ଜାରି ହୋଇଛି । ଏହା ଫଳରେ ସରକାରୀ କାର୍ଯ୍ୟ ସହଜ ହେବା ସହ ନିଷ୍ପତ୍ତି ପ୍ରକ୍ରିୟା ତ୍ବରାନ୍ବିତ ହେବ ବୋଲି ସରକାର ଆଶା ରଖିଛନ୍ତି ।