କନକ ବ୍ୟୁରୋ : ସାଧାରଣ ନିର୍ବାଚନ ଯେତେ ପାଖେଇ ଆସୁଛି ସାଧାରଣ ଲୋକଙ୍କୁ ରାଜନୈତିକ ଦଳଗୁଡିର ଲୋଭନୀୟ ପ୍ରତିଶ୍ରୃତି ଦେଉଛନ୍ତି । ଏବେ ଆସାମ ସରକାର ରାଜ୍ୟର ଲୋକଙ୍କ ପାଇଁ ଲୋଭନୀୟ ପ୍ରତିଶ୍ରୁତି ଦେଇଛନ୍ତି । ଘୋଷଣା ଅନୁସାରେ, ଏଣିକି ବାହାଘର ହେଲେ ମିଳିବ ସୁନା । ବାହାଘର ବେଳେ ୧୧.୬୬ ଗ୍ରାମ୍ ତଥା ଏକ ତୋଳା ସୁନା ଦେବେ ସରକାର । ଅର୍ଥାତ୍ ବିବାୟ ସମୟରେ କନ୍ୟାଙ୍କୁ ୩୮ ହଜାର ଟଙ୍କାର ସୁନା ଦେବେ ଆସାମ ସରକାର ।
Kanak News is now on WhatsApp
Join and get latest news updates delivered to you via WhatsApp
ଯେଉଁ ପରିବାରର ବାର୍ଷିକ ଆୟ ୫ ଲକ୍ଷରୁ କମ ଥିବ ସେମାନଙ୍କୁ ଏହି ସୁବିଧା ମିଳିବ । ପ୍ରତ୍ୟେକ ପରିବାରକୁ ମିଳିବ ଗୋଟିଏ ତୋଳା ଅର୍ଥାତ ୧୦ ଗ୍ରାମ ସୁନା । ଆସାମରେ ବର୍ତ୍ତମାନ ବିଜେପି ସରକାର କ୍ଷମତାସୀନ ଅଛନ୍ତି । ରାଜ୍ୟ ବଜେଟ ଉପସ୍ଥାପନ ବେଳେ ବିଧାନସଭାରେ ଏହି ଲୋଭନୀୟ ଘୋଷଣା କରିଛନ୍ତି ଅର୍ଥମନ୍ତ୍ରୀ ହେମନ୍ତ ବିଶ୍ୱ ଶର୍ମା ।
ଏହାବ୍ୟତୀତ ଗରିବଙ୍କୁ ଏକ ଟଙ୍କାରେ ଏକ କିଲୋ ଚାଉଳ ଦିଆଯିବ ବୋଲି ଘୋଷଣା କରିଛନ୍ତି ଆସାମ ସରକାର । ଆଉ ଏହାଦ୍ୱାରା ୫୩ ଲକ୍ଷ ପରିବାର ଉପକୃତ ହେବେ । ସୂଚନାଯୋଗ୍ୟ ଗତକାଲି ଆସାମର ଅର୍ଥମନ୍ତ୍ରୀ ହେମନ୍ତ ବିଶ୍ୱ ଶର୍ମା ୨୦୧୯-୨୦ ବଜେଟ ଉପସ୍ତାପିତ କରିଛନ୍ତି ।