ବିଶ୍ୱକପ୍ କ୍ରିକେଟ୍ ୨୦୧୯ । ଘୋଷଣା ହେଲା ପୁରସ୍କାର ରାଶି, ବିଶ୍ୱକପ ଇତିହାସର ସବୁଠାରୁ ବ୍ୟୟ ବହୁଳ ଟୁର୍ଣ୍ଣାମେଣ୍ଟ ହେବ ଚଳିତ ବିଶ୍ୱକପ ।
କନକ ବ୍ୟୁରୋ: ବଢୁଛି ଉତ୍କଣ୍ଠା ବଢୁଛି କ୍ରେଜ୍ । କାରଣ ଚଳିତ ପୁରୁଷ ବିଶ୍ୱକପ କ୍ରିକେଟ ଟୁର୍ଣ୍ଣାମେଣ୍ଟ ଇତିହାସର ସବୁଠାରୁ ବ୍ୟୟ ବହୁଳ ଟୁର୍ଣ୍ଣାମେଣ୍ଟ ହେବାକୁ ଯାଉଛି । ପ୍ରଥମ କରି ବିଶ୍ୱକପ କ୍ରିକେଟ୍ ଇତିହାସରେ ଚଳିତ ଥର ୧୦ ମିଲିୟନ ଡ଼ଲାର ଟଙ୍କା ଅର୍ଥାତ୍ ଭାରତୀୟ ମୂଦ୍ରାରେ ୭୦ କୋଟି ୧୧ ଲକ୍ଷ ୫୦ ହଜାର ପୁରସ୍କାର ରାଶି ପ୍ରଦାନ କରାଯିବ । ତେବେ ବିଶ୍ୱକପ୍ ବିଜେତା ଦଳକୁ ୪ ମିଲିୟନ ଡ଼ଲାର ଅର୍ଥାତ୍ ୨୮ କୋଟି ୪ ଲକ୍ଷ ୭୬ ହଜାର ଟଙ୍କା ପୁରସ୍କାର ଅର୍ଥ ମିଳିବ । ସେହଭଳି ରନର୍ସ ଅପ୍ ଦଳକୁ ୨ ମିଲିୟନ ଡଲାର ଅର୍ଥାତ୍ ୧୪ କୋଟି ୩ ଲକ୍ଷ ୧ ହଜାର ଟଙ୍କା ପ୍ରଦାନ କରାଯିବ । ସେହିପରି ସେମି ଫାଇନାଲରେ ପରାଜିତ ହୋଇଥିବା ୨ ଟି ଦଳକୁ ୮ ଶହ ହଜାର ଡଲାର ଲେଖାଏଁ ପ୍ରଦାନ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ବିଶ୍ୱକପ୍ ଲିଗ୍ ଷ୍ଟେଜ ମ୍ୟାଚର ପ୍ରତି ବିଜେତା ଦଳକୁ ୪୦ ହଜାର ଡ଼ଲାର ମିଳିବାକୁ ଥିବାବେଳେ ଲିଗ୍ ଷ୍ଟେଜରୁ କ୍ୟାଲିଫାୟ କରିଥିବା ୬ଟି ଦଳକୁ ୧ ଲକ୍ଷ ଡଲାର ଲେଖାଏଁ ମିଳିବ ବୋଲି ଆଇସିସି ତରଫରୁ ଘୋଷଣା କରାଯାଇଛି । ତେବେ ବର୍ତ୍ତମାନ ପ୍ରତି ଦଳର ନଜର ଏବେ ବିଶ୍ୱକପ୍ ଟ୍ରଫି ଉପରେ ରହିଛି । ବିଶ୍ୱବିଜେତା ହେବା ପାଇଁ ଏବେଠୁ ପ୍ରସ୍ତୁତ ହେଉଛି ରଣନୀତି । ମୋଟ ୧୦ଟି ବିଶ୍ୱକପରେ ଭାଗ ନେଉଥିବା ବେଳେ ପ୍ରତି ଦଳ ଅନ୍ୟ ଦଳ ବିପକ୍ଷରେ ଥରେ ଲେଖାଏଁ ମୈଦାନକୁ ଓହ୍ଲାଇବ । ଏଭଳି ସ୍ଥିତିରେ ବିଶ୍ୱକପର ପ୍ରତି ମ୍ୟାଚ ଉପରେ ବିଭିନ୍ନ ଟିମର ନଜର ରହିବ । ଆଉ ପ୍ରତ୍ୟେକ ଟିମ ଉପରେ ଆଇସିସିର ନଜର ରହିବ ।