୪ ଓଡିଆ ମହିଳା ହକି ଖେଳାଳୀଙ୍କୁ ପୁରସ୍କାର ! ୧ କୋଟି ଟଙ୍କା ଲେଖାଏଁ ଦେବାକୁ ଘୋଷଣା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
୪ଜଣ ମହିଳା ହକି ଖେଳାଳୀଙ୍କ ପାଇଁ ପୁରସ୍କାର ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ୪ଜଣ ଓଡିଆ ହକି ଖେଳାଳୀଙ୍କୁ ୧ କୋଟି ଟଙ୍କା ଲେଖାଏଁ ଦେବା ପାଇଁ ମୁଖ୍ୟମନ୍ତ୍ରୀ ଘୋଷଣା କରିଛନ୍ତି । ଏହି ଖେଳାଳୀମାନେ ହେଉଛନ୍ତି ଲିଲିମା ମିଞ୍ଜ, ନମିତା ଟପ୍ପୋ, ଦିପଗ୍ରେସ୍, ସୁନିତା ଲାକ୍ରା । ଏସୀୟ କ୍ରୀଡାରେ ହକିରୁ ଭାରତକୁ ରୌପ୍ୟ ପଦକ ମିଳିଥିଲା । ତେବେ ଓଡିଶା ପକ୍ଷରୁ ଭାରତ ପାଇଁ ଖେଳି ଦେଶ ଏବଂ ରାଜ୍ୟର ନାଁ ରଖିଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ପୁରସ୍କାର ରାଶି ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏସୀୟ କ୍ରୀଡାରେ ରୌପ୍ୟ ପଦକ ବିଜେତା ମହିଳା ହକି ଦଳକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅଭିନନ୍ଦନ ମଧ୍ୟ ଜଣାଇଛନ୍ତି । ଏହା ସହ ସେମାନଙ୍କ ପାଇଁ ୧ କୋଟି ଟଙ୍କା ଲେଖାଏଁ ପୁରସ୍କାର ଘୋଷଣା କରିଛନ୍ତି । ଏବଂ ପଦକ ହାସଲ କରିଥିବା ଖେଳାଳୀମାନଙ୍କର କୋଚମାନଙ୍କୁ ମଧ୍ୟ ପୁରସ୍କୃତ କରାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ଖେଳାଳୀ ପାଉଥିବା ରାଶିର ୨୦ ପ୍ରତିଶତ ପୁରସ୍କାର ରାଶି ହିସାବରେ ଦିଆଯିବ । ରାଜ୍ୟ ସରକାର ଉକ୍ତ ଅର୍ଥକୁ କୋଚ ମାନଙ୍କୁ ପ୍ରଦାନ କରିବେ । ତେବେ ସୂଚନା ଅନୁଯାୟୀ ୨୦ ବର୍ଷ ପରେ ଭାରତୀୟ ମହିଳା ହକି ଦଳ ଏସୀୟ କ୍ରୀଡାରେ ଫାଇନାଲରେ ପ୍ରବେଶ କରିଥିଲା । ତେବେ ଫାଇନାଲରେ ଦଳ ପରାଜିତ ହେବାରୁ ରୌପ୍ୟ ପଦକରେ ସନ୍ତୁଷ୍ଟ ହେବାକୁ ପଡିଥିଲା ।