ଅଧ୍ୟକ୍ଷ ପଦ ପାଇଁ ପ୍ରିୟଙ୍କା ଗାନ୍ଧୀ ହିଁ ଫିଟ୍ : କଂଗ୍ରେସର ବରିଷ୍ଠ ନେତାଙ୍କ ଯୁକ୍ତି ଭିତରେ ଅନିଶ୍ଚିତତା ଭିତରେ ଦଳର ଭବିଷ୍ୟତ
କନକ ବ୍ୟୁରୋ : କଂଗ୍ରେସ ଅଧ୍ୟକ୍ଷ ପଦ ପାଇଁ ପ୍ରିୟଙ୍କା ଗାନ୍ଧୀ ଉପଯୁକ୍ତ । ରାହୁଲ ଗାନ୍ଧୀଙ୍କ ଇସ୍ତଫା ପରେ ଭଉଣୀ ପ୍ରିୟଙ୍କା ଗାନ୍ଧୀ ହିଁ କଂଗ୍ରେସ କମାଣ ସମ୍ଭାଳିବା ପାଇଁ ପୁରାପୁରି ଫିଟ୍ । ତାଙ୍କ ପାଖରେ ସମସ୍ତଙ୍କୁ ଏକଜୁଟ କରିବା କ୍ଷମତା ରହିଛି । ପ୍ରିୟଙ୍କା ଅଧ୍ୟକ୍ଷ ପଦ ସମ୍ଭାଳିଲେ ସାରା ଦେଶରେ କାର୍ଯ୍ୟକର୍ତ୍ତାଙ୍କ ମଧ୍ୟରେ ଉତ୍ସାହ ସଂଚାରିତ ହେବ ବୋଲି କହିଛନ୍ତି ବରିଷ୍ଠ କଂଗ୍ରେସ ନେତା କର୍ଣ୍ଣ ସିଂହ । କଂଗ୍ରେସର ନେତୃତ୍ୱ ମାମଲାରେ ଶୀଘ୍ର ନିର୍ଣ୍ଣୟ ନହେଲେ କଂଗ୍ରେସକୁ କ୍ଷତି ପହଞ୍ଚିବ । ଦେଶର ସବୁଠାରୁ ପୁରୁଣା ଦଳ ନେତୃତ୍ୱ ବିହୀନ ରହିବା ଦଳ ପାଇଁ ଶୁଭଙ୍କର ନୁହେଁ । ଗୋଟିଏ ପଟେ ପ୍ରିୟଙ୍କା ଗାନ୍ଧୀ ଅଧ୍ୟକ୍ଷ ହେବେ ନାହିଁ ବୋଲି ସ୍ପଷ୍ଟ କରିସାରିଛନ୍ତି । ଏପରିସ୍ଥଳେ ଅଧ୍ୟକ୍ଷ ପଦ ପାଇଁ ତାଙ୍କୁ ନେଇ ଆଲୋଚନା କଂଗ୍ରେସର ଆଗାମୀ ଭବିଷ୍ୟତ ନେଇ ପ୍ରଶ୍ନବାଚୀ ସୃଷ୍ଟି କରୁଛି ।
Kanak News is now on WhatsApp
Join and get latest news updates delivered to you via WhatsApp
ଗାନ୍ଧୀ ପରିବାରର ନିକଟତମ ସହଯୋଗୀ ତଥା ୫୦ ବର୍ଷରୁ ଅଧିକ କଂଗ୍ରେସ ଦଳରେ ରହିଥିବା ନେତା କର୍ଣ୍ଣ ସିଂହ କହିଛନ୍ତି ଦଳକକୁ ନେତୃତ୍ୱ ବିହୀନ ଛାଡ଼ିବା ଠିକ୍ ନୁହେଁ । ସେପଟେ କିଏ ହେବ କଂଗ୍ରେସ ସଭାପତ, ଏହାର ଚର୍ଚ୍ଚା ଓ ଆକଳନ ଜାରି ରହିଥିବା ବେଳେ ଅଗଷ୍ଟ ୧୦ରେ ବସୁଛି କଂଗ୍ରେସ କାର୍ଯ୍ୟକାରିଣୀ କମିଟିର ବୈଠକ । ଏଥିରେ ଦଳର କାର୍ଯ୍ୟକାରୀ ସଭାପତି ନିଯୁକ୍ତି ବିଷୟରେ ମାନସ ମଂଥନ ହେବ । ଏବେ ବି କଂଗ୍ରେସର ସଭାପତି ପଦ ଖାଲିପଡ଼ିଛି । ସାଧାରଣ ନିର୍ବାଚନରେ ପରାଜୟ ପରେ କଂଗ୍ରେସ ସଭାପତି ପଦରୁ ରାହୁଲ ଗାନ୍ଧୀ ଇସ୍ତଫା ଦେଇଥିଲେ ।
ସଭାପତି ପଦ ଦୌଡ଼ରେ ସେ ନାହାନ୍ତି ବୋଲି ପ୍ରିୟଙ୍କା ଗାନ୍ଧୀ ସ୍ପଷ୍ଟ କରିସାରିଛନ୍ତି । ସଭାପତି ପଦ ନେଇ ତାଙ୍କ ନାମ ନନେବାକୁ ପ୍ରିୟଙ୍କା କଂଗ୍ରେସ ନେତାମାନଙ୍କୁ କହିସାରିଛନ୍ତି । ପୂର୍ବରୁ ରାହୁଲ ମଧ୍ୟ ସ୍ପଷ୍ଟ କରିସାରିଛନ୍ତି ଯେ, କଂଗ୍ରେସ ସଭାପତି ପଦ ପାଇଁ ଏଥର ଗାନ୍ଧୀ ପରିବାରରୁ କେହି ରହିବେ ନାହିଁ । ସେପଟେ ଜଣେ ଯୁବନେତାଙ୍କୁ ଦଳର କମାଣ ହସ୍ତାନ୍ତର ହେବା ନେଇ ଦାବି ବଢ଼ିଛି ।