ଟ୍ୱିଟରରେ ଏଣ୍ଟ୍ରି କଲେ ପ୍ରିୟଙ୍କା ଗାନ୍ଧୀ : ୧୦ ଘଣ୍ଟା ଭିତରେ ହେଲେ ୧ଲକ୍ଷରୁ ବି ଅଧିକ ଫଲୋଅର୍ସ
କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ସୋମବାର ଟ୍ୱିଟରରେ ଏଣ୍ଟ୍ରି କରିଛନ୍ତି ଏବଂ ଏହାପରେ ୧୦ ଘଣ୍ଟା ଭିତରେ ହିଁ ତାଙ୍କର ଫଲୋଅର୍ସ ସଂଖ୍ୟା ୧ଲକ୍ଷରୁ ଅଧିକ ହୋଇଯାଇଛି । କଂଗ୍ରେସର ବରିଷ୍ଠ ନେତା ଶଶି ଥରୁର ପ୍ରିୟଙ୍କାଙ୍କୁ ସୋସିଆଲ ମିଡିଆର ନୂଆ ସୁପରଷ୍ଟାର କହିଛନ୍ତି । ଥରୁର ପ୍ରିୟଙ୍କାଙ୍କ ପ୍ରଥମ ଦିନର ଲୋକପ୍ର୍ରିୟତାର ତୁଳନା ସୁପରଷ୍ଟାର ରଜନୀକାନ୍ତ ସହିତ କରିଛନ୍ତି । ସେ କହିଛନ୍ତି କି, ରଜନୀକାନ୍ତ ହିଁ କେବଳ ଏମିତି ଜଣେ ବ୍ୟକ୍ତି ଯାହାଙ୍କ ୨୪ ଘଣ୍ଟାରେ ଟ୍ୱିଟରରେ ୨ଲକ୍ଷ ଫଲୋଅର୍ସ ହୋଇଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଶଶି ଥରୁର କହିଛନ୍ତି କି, ଏପର୍ଯ୍ୟନ୍ତ ପ୍ରିୟଙ୍କା ଗାନ୍ଧୀଙ୍କୁ ଟ୍ୱିଟରକୁ ଆସିବାର ମାତ୍ର ୧୨ ଘଣ୍ଟା ହି ହୋଇଛି ଏବଂ ତାଙ୍କର ୧ଲକ୍ଷ ଫଲୋଅର୍ସ ହୋଇସାରିଲେଣି । ଏମିତି ଜଣାପଡୁଛି କି, ସେ ରଜନୀକାନ୍ତଙ୍କ ପ୍ରତିଦ୍ୱନ୍ଦୀ । ଟ୍ୱିଟରରେ ଆକାଉଣ୍ଟ ଖୋଲିଥିବା ପ୍ରଥମ କଂଗ୍ରେସ ନେତା ଶଶି ଥରୁର ଥିଲେ ଓ ପାର୍ଟି ଅଧ୍ୟକ୍ଷ ରାହୁଲ ଗାନ୍ଧୀଙ୍କ ପରେ ଟ୍ୱିଟରରେ ଲୋକ ତାଙ୍କୁ ବେଶି ଫଲୋ କରନ୍ତି । ପ୍ରିୟଙ୍କା ଗାନ୍ଧୀ ଏପର୍ଯ୍ୟନ୍ତ କୌଣସି ଟ୍ୱିଟ କରିନାହାଁନ୍ତି କିନ୍ତୁ ଏହାପୂର୍ବରୁ ହିଁ ତାଙ୍କ ଫଲୋଅର୍ସଙ୍କ ସଂଖ୍ୟା ୧ଲକ୍ଷ ଟପିସାରିଛି । ପ୍ର୍ରିୟଙ୍କାଙ୍କ ଟ୍ୱିଟର ହ୍ୟାଣ୍ଡଲ ‘ଅପ୍ରିୟଙ୍କା ଗାନ୍ଧୀ’ । ଟ୍ୱିଟରରେ ଏବେ ସେ କଂଗ୍ରେସର ଅଫିସିଆଲ ଟ୍ୱିଟର ହ୍ୟାଣ୍ଡଲ, ରାହୁଲ ଗାନ୍ଧୀ , ଜ୍ୟୋତିରାଦିତ୍ୟ ସିନ୍ଧିଆ, ସଚିନ ପାଇଲଟ୍, ଅଶୋକ ଗେହଲଟ୍ ଓ ରଣଦୀପ ସୂର୍ଯ୍ୟେବାଲା ଓ ଅହମଦ ପଟେଲଙ୍କୁ ଫଲୋ କରୁଛନ୍ତି ।