ଫସିଗଲେ ପ୍ରିୟଙ୍କା ! ଆୟକର ବିଭାଗ ଜାଲରେ ବଲିଉଡର ଦେଶୀଗର୍ଲ
ବଲିଉଡରୁ ହଲିଉଡ ଯାଏ ସଫଳତାର ଯାତ୍ରା ବଜାୟ ରଖିଥିବା ଅଭିନେତ୍ରୀ ପ୍ରିୟଙ୍କା ଚୋପ୍ରା ପୁଣି ଏକ ବିବାଦ ଘେରରେ ଫସିଯାଇଛନ୍ତି । ଏବେ କିନ୍ତୁ ତାଙ୍କର କୌଣସି ଲୁକ୍ସ କିମ୍ବା ପ୍ରୋଜେକ୍ଟକୁ ନେଇ ନୁହେଁ ବରଂ ଟିକସ ମାମଲାରେ ଫସିଛନ୍ତି ପ୍ରିୟଙ୍କା । କେତେକ ବିଳାସପୂର୍ଣ୍ଣ ତଥା ମହଙ୍ଗା ସାମଗ୍ରୀକୁ ନେଇ ଆୟକର ବିଭାଗ ପ୍ରିୟଙ୍କାଙ୍କୁ ଘେରିଛନ୍ତି ବୋଲି ଶୁଣାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ଭବ୍ୟ ସାମଗ୍ରୀଗୁଡିକ ସେ କିଣିନାହାନ୍ତି, ବରଂ ଉପହାର ଭାବେ ପାଇଛନ୍ତି ବୋଲି ପ୍ରିୟଙ୍କା ଦାବି କରିଛନ୍ତି । କିନ୍ତୁ ଆୟକର ବିଭାଗ କହିବା ଅନୁଯାୟୀ ପ୍ରିୟଙ୍କାଙ୍କୁ ଭାରତୀୟ ଆଇନ ଅନୁଯାୟୀ ଉପହାରରେ ମିଳିଥିବା ଜିନିଷର ଟିକସ ମଧ୍ୟ ଭରିବାକୁ ପଡିବ । ନିଜ ଉପରେ ଲାଗିଥିବା ଏହି ଅଭିଯୋଗକୁ ପ୍ରିୟଙ୍କା ଖଣ୍ଡନ କରିଛନ୍ତି । ସେ କହିଛନ୍ତି ଯେ, ତାଙ୍କୁ ଏହି ବିଳାସପୂର୍ଣ୍ଣ କାର ଏବଂ ଭବ୍ୟ ଘଡ଼ି ଉପହାର ଭାବେ ମିଳିଛି ।
ଏଭୟଲଭିଏମଏଚ-ଟ୍ୟାଗ ଘଂଟାର ମୂଲ୍ୟ ପାଖାପାଖି ୪୦ ଲକ୍ଷ ଟଙ୍କା ହୋଇଥିବାବେଳେ ଟୋୟୋଟା ଫ୍ରିଅସ କାରର ଦାମ ୨୭ ଲକ୍ଷ ଟଙ୍କା । ଏହି ଦୁଇଟି ଜିନିଷ ତାଙ୍କୁ ଏକ କମ୍ପାନୀ ତରଫରୁ ଉପହାର ମିଳିଛି । ନିଜର ବ୍ୟକ୍ତିଗତ ଆୟରେ ସାମିଲ କରିନାହନ୍ତି । ଏଣୁ ସେଗୁଡିକର ଟ୍ୟାକ୍ସ ଦେଇନାହାନ୍ତି ବୋଲି ପ୍ରିୟଙ୍କା କହିଛନ୍ତି । ପ୍ରିୟଙ୍କାଙ୍କ କଥାକୁ ଇନକମ ଟ୍ୟାକ୍ସ ଆପିଲେଟ ଟ୍ରିବ୍ୟୁନାଲ ଖଣ୍ଡନ କରିଛି । ଏହି ଦୁଇଟି ଯାକ ଜିନିଷ ଇନକମ ଟ୍ୟାକ୍ସ ଅଧୀନରେ ଆସୁଛି । ଉକ୍ତ ସାମଗ୍ରୀ ଉପରେ ମଧ୍ୟ ପ୍ରିୟଙ୍କାଙ୍କୁ ଟିକସ ଦେବାକୁ ପଡ଼ିବ ବୋଲି ବିଭାଗ କହିଛି ।