ମୋଦି ସରକାରଙ୍କ ମନ୍ତ୍ରଣାଳୟରେ ଯୁଗ୍ମ ସଚିବ ପଦ ପାଇଁ ବିଜ୍ଞପ୍ତି ପ୍ରକାଶ : ପ୍ରାଇଭେଟ୍ କର୍ମଚାରୀ ମଧ୍ୟ କରିପାରିବେ ଆବେଦନ
କେନ୍ଦ୍ର ସରକାରଙ୍କ ତରଫରୁ ୧୦ ମନ୍ତ୍ରଣାଳୟରେ ଯୁଗ୍ମ ସଚିବ ପଦ ପାଇଁ ବିଜ୍ଞପ୍ତି ପ୍ରକାଶ ପାଇଛି । ସରକାର ଅମଲାତନ୍ତ୍ରରେ ଲେଟେରାଲ ଏଣ୍ଟ୍ରି ଆରମ୍ଭ କରି ଦେଇସାରିଛନ୍ତି । ଅର୍ଥାତ୍ ପ୍ରାଇଭେଟ୍ କମ୍ପାନୀରେ କାମ କରୁଥିବା କର୍ମଚାରୀ ମଧ୍ୟ ମନ୍ତ୍ରଣାଳୟରେ ଯୁଗ୍ମ ସଚିବ ହୋଇପାରିବେ । ଏହା ଦ୍ୱାରା ମନ୍ତ୍ରଣାଳୟ ଅଧିକ ଅଭିଜ୍ଞତା ସମ୍ପନ୍ନ ଲୋକଙ୍କ ଠାରୁ ଲାଭ ଉଠାଇପାରିବ ।
Kanak News is now on WhatsApp
Join and get latest news updates delivered to you via WhatsApp
ବିଜ୍ଞାପନ ମୁତାବକ, ଲେଟେରାଲ ଏଣ୍ଟ୍ରି ଅଧିନରେ ଥିବା ଯୁଗ୍ମ ସଚିବଙ୍କ କାର୍ଯ୍ୟକାଳ ତିନି ବର୍ଷର ହେବ, ଯଦି କାମ ସନ୍ତୋଷଜନକ ହେବ ତେବେ ତାଙ୍କ କାର୍ଯ୍ୟକାଳକୁ ୫ ବର୍ଷ ପର୍ଯ୍ୟନ୍ତ ବୃଦ୍ଧି କରାଯାଇପାରିବ । ପ୍ରଧାନମନ୍ତ୍ରୀ କାର୍ଯ୍ୟାଳୟରେ ରାଜ୍ୟ ମନ୍ତ୍ରୀ ଜିତେନ୍ଦ୍ର ସିଂହ ପୁରା ମାମଲାରେ କହିଛନ୍ତି ଯେ “ଏହା ସରକାରଙ୍କ ଭଲ ପଦକ୍ଷେପ । ଏହା ସ୍ପଷ୍ଟ ଯେ ଆମେ ସବୁଠାରୁ ଯୋଗ୍ୟ ବ୍ୟକ୍ତିଙ୍କୁ ମନ୍ତ୍ରଣାଳୟକୁ ଆଣିବାକୁ ଚାହୁଁଛୁ ।” ସେଇଠି କଂଗ୍ରେସ ନେତା ପବନ ଖେରା କହିଛନ୍ତି ଯେ, “ଏମିତି କେବେ ହୁଏନି, ନିଷ୍ପତ୍ତି ନେଇ କି ସକାଳେ ଖବରକା ଗଜରେ ବିଜ୍ଞାପନ ଦେଇ ଦେଲେ । ଏମାନଙ୍କୁ ସରକାର ଚଳାଇବା ଆସେନି । ”