କଏଦୀଙ୍କ ପାଇଁ ବିଳାସପୂର୍ଣ୍ଣ ବ୍ୟବସ୍ଥା : ଏହି ଜେଲ୍ ରେ କଏଦୀଙ୍କୁ ମିଳୁଛି 1BHK ଫ୍ଲାଟ୍ ସହ ଆହୁରି ଅନେକ ସୁବିଧା , ଜାଣନ୍ତୁ କ’ଣ
ଜେଲ୍ ବିଷୟରେ ଶୁଣିଲେ ଆମ ସମସ୍ତଙ୍କ ମନରେ ଏମିତି ଏକ ଦୃଶ୍ୟ ଆସେ, ଯେଉଁଠି କଏଦୀଙ୍କୁ ଛେଳି ମେଣ୍ଢା ଭଳି ରଖାଯାଉଥିବ କିମ୍ବା କଏଦୀ ହିସାବରେ ତାଙ୍କୁ ସୁବିଧା ଦିଆଯାଉଥିବ । ଜେଲ ବିଷୟରେ ଆମ ମନରେ ଏଭଳି ଧାରଣା ଆସେ । କିନ୍ତୁ ଜେଲର ଏହି ପରିକଳ୍ପନା ମଧ୍ୟରେ ଧାର୍ମିକ ନଗରୀ ବକ୍ସରରେ ଏମିତି ଏକ ଜେଲ ଅଛି, ଯେଉଁଠି କଏଦୀଙ୍କୁ ଟିକିଏ ବି ଅନୁଭବ ହୋଇନଥାଏ କି ସେମାନେ ଜେଲ୍ ରେ ଅଛନ୍ତି । ଜେଲ୍ ରେ ନା କେବଳ ନିଜର ପରିଜନଙ୍କ ସହିତ ରହିବା ପାଇଁ ଫ୍ଲାଟ ଦିଆଯାଇଥାଏ, ବରଂ ସେଇଠି ତାଙ୍କୁ ସମସ୍ତ ସୁବିଧା ମିଳିଥାଏ, ଯାହା ଜଣେ ସାଧାରଣ ବ୍ୟକ୍ତି ଜେଲ୍ ବାହାରେ ପାଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟ ଆଇନ ସେବା ପ୍ରାଧିକରଣ ସଂପୂର୍ଣ୍ଣ ବିହାର ଜେଲରେ ବନ୍ଦ ଥିବା ସେହି କଏଦୀଙ୍କୁ ସୁବିଧା ଦେବା ପାଇଁ ଚୟନ କରିଥାଏ, ଯେଉଁମାନେ ପେଶାଗତ ଅପରାଧୀ ନଥିବେ, କୈାଣସି ସାଂଘାତିକ ଅପରାଧରେ ଦଣ୍ଡ ଭୋଗିନଥିବେ । ପ୍ରାଧିକରଣ ଦ୍ୱାରା ଗଠିତ ବୋର୍ଡ ସମସ୍ତ ଯାଂଚ କରିବା ପରେ କଏଦୀଙ୍କୁ ବାଛିଥାଏ । ସବୁଠାରୁ ଶେଷରେ ପୁଲିସ ଅଧିକ୍ଷକଙ୍କ ଅନୁମୋଦନ କ୍ରମେ କଏଦୀ ନିଜ ପରିବାରର ୪ ଜଣ ସଦସ୍ୟଙ୍କ ସହିତ ମୁକ୍ତ କାରଗାର ଭିତରେ ନିର୍ମିତ ଫ୍ଲାଟରେ ରହିପାରିବେ ।
କଏଦୀଙ୍କ ପାଇଁ ୧୦୨ ୱାନ ବିଏଚକେ ଫ୍ଲାଟ୍ : ବକ୍ସର ମୁକ୍ତ କାରାଗାରରେ କଏଦୀଙ୍କ ରହିବା ପାଇଁ ୧୦୨ଟି ଫ୍ଲାଟ ନିର୍ମାଣ କରାଯାଇଛି । କିନ୍ତୁ ବର୍ତ୍ତମାନ କେବଳ ୫୦ କଏଦୀ ହିଁ ମୁକ୍ତ କାରାଗାରରେ ନିଜର ୪ ପରିଜନଙ୍କ ସହ ରହୁଛନ୍ତି । ସେଥିପାଇଁ ତାଙ୍କୁ ଜେଲରେ ରହିବା ଭଳି ଲାଗୁନି । ଗତ ୨ ବର୍ଷରେ ବହୁତ ସାରା କଏଦୀ ଏଠାରୁ ନିଜ ଦଣ୍ଡ ପୁରା କରିସାରିଛନ୍ତି । କିନ୍ତୁ ସେମାନେ ଯେତେବେଳେ ମୁକ୍ତ କାରାଗାରରେ ରହିଲେ ଖୁସି ଖୁସି ଜୀବନ ଅତିବାହିତ କଲେ । ଏହା ସହ କଏଦୀଙ୍କୁ ଏଠି ସପ୍ତାହର ୭ ଦିନ ପ୍ରତିଦିନ ଅଲଗା ଅଲଗା ମେନ୍ୟୁ ହିସାବରେ ଭୋଜନ ଦିଆଯାଇଥାଏ । ବୃଦ୍ଧ କଏଦୀଙ୍କ ପାଇଁ ପ୍ରତିଦିନ ଜେଲ ପ୍ରଶାସନ ଅଧା ଲିଟର କ୍ଷୀର ର ବ୍ୟବସ୍ଥା କରାଏ ।