ମୋଦିଙ୍କ ପାଇଁ ଭୋଟ୍ ମାଗିଲେ ମା’ ! ଜାଣନ୍ତୁ ଏହି ଭାଇରାଲ୍ ଫଟୋ ପଛର ସତ ।

44

ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରତିଦିନ କୌଣସି ନା କୌଣସି ମାମଲାକୁ ନେଇ ଚର୍ଚ୍ଚାରେ ଥାନ୍ତି । ସେ ରାଜନୀତି ହେଉ କିମ୍ବା ବ୍ୟକ୍ତିଗତ ମାମଲା,ଦେଶର ପ୍ରମୁଖ ଭାବରେ ସେ ସବୁବେଳେ ଚର୍ଚ୍ଚାରେ ଥାନ୍ତି । ୨୦୧୪ ମସିହାରେ ଭାରତର ଶାସନଭାର ସମ୍ଭାଳିବା ପଛର କାହାଣୀକୁ ଜନତା ଅବା କେମିତି ଭୁଲିପାରିବେ । କେମିତି ଜଣେ ଚା’ ବିକ୍ରି କରୁଥିବା ପିଲା ପରିଣତ ବୟସରେ ଦେଶର ପ୍ରମୁଖ ହେବାର ସୌଭାଗ୍ୟ ଅର୍ଜନ କଲା ଏବଂ ପ୍ରଧାନମନ୍ତ୍ରୀ ହେବା ପଛର କାହାଣୀ ଲୋକଙ୍କୁ ସେତେବେଳେ ଖୁବ୍ ଉତ୍ସାହିତ କରିଥିଲା । ୨୦୧୬ ମସିହା ନଭେମ୍ବର ୮ ତାରିଖରେ ମୋଦି ଯେତେବେଳେ ବିମୁଦ୍ରୀକରଣର ଘୋଷଣା କରିଥିଲେ ଏହାର କିଛି ଦିନ ପରେ ତାଙ୍କ ମା’ ହୀରାବେନଙ୍କୁ ବ୍ୟାଙ୍କ ସମ୍ମୁଖରେ ଲମ୍ବା ଧାଡିରେ ଠିଆ ହୋଇ ଟଙ୍କା ଆଣିବାର ମଧ୍ୟ ଦେଖାଦେଇଥିଲା । ସେତେବେଳର ପ୍ରମୁଖ ଖବର କହିବାକୁ ଗଲେ ଏହି ଖବର ଥିଲା ।

କେବଳ ଏତିକି ନୁହେଁ ପ୍ରଥମଥର କରି ନିଜ ପ୍ରଧାନମନ୍ତ୍ରୀ ପୁଅକୁ ଭେଟିବାକୁ ଆସିଥିବା ମା’ହୀରାବେନଙ୍କ ଫଟୋ ସେତେବେଳେ ସୋସିଆଲ୍ ମିଡିଆରେ ମଧ୍ୟ ଖୁବ୍ ଭାଇରାଲ୍ ହେଉଥିଲା । ମା’ ପୁଅ ଦୁହିଁଙ୍କ ଫଟୋ ସେତେବେଳେ ପ୍ରତିଟି ଖବରକାଗଜର ମୁଖ୍ୟ ସ୍ତମ୍ଭରେ ସ୍ଥାନ ପାଇଥିଲା । ପୁଅ ନରେନ୍ଦ୍ରଙ୍କ ପାଖରେ ମା’ ହୀରାବେନ୍ ରହୁନଥିବା ବେଳେ ସେ ଗୁଜୁରାଟରେ ରୁହନ୍ତି । ତେବେ ଏଭଳି କିଛି ଖବର ପ୍ରଚାର ହେଲେ ବିରୋଧିନେତା ଏହାକୁ ଲୋକଙ୍କୁ ଭାବୁକ କରିବା ପାଇଁ ମୋଦିଙ୍କ ଚାଲ୍ ବୋଲି କହିଥାନ୍ତି । ତେବେ ଆଜି ଆମେ ଆପଣଙ୍କୁ ଏଭଳି ଖବର ଦେବା କାରଣ ବର୍ତ୍ତମାନ ପୁଣିଥରେ ସୋସିଆଲ୍ ମିଡିଆରେ ମୋଦି ଏବଂ ତାଙ୍କ ମା’ ଙ୍କୁ ନେଇ ଖବର ଜୋର୍ ଧରିଛି ।

ସୋସିଆଲ୍ ମିଡିଆରେ ଏକ ଫଟୋ ଘୁରିବୁଲୁଛି ଯେଉଁଥିରେ ହୀରାବେନ୍ ନିଜ ପୁଅ ନରେନ୍ଦ୍ର ମୋଦିଙ୍କୁ ଭୋଟ୍ ଦେବା ପାଇଁ ଲୋକଙ୍କୁ ପଚରାଯାଉଥିବାର ଦେଖାଦେଇଛି । ତେବେ ଏହି ଘଟଣା ପଛରେ କେତେ ସତ୍ୟତା ଅଛି ଏହାକୁ ନେଇ ଜାଞ୍ଚ୍ ହେବା ପରେ ଜଣାପଡିଲା ଯେ ଏହା ସମ୍ପୁର୍ଣ୍ଣ ରୂପେ ମିଥ୍ୟା ଖବର । ତେବେ ଏହି ଫଟୋ ଭାଇରାଲ୍ ହେବା ପରେ ଲୋକେ ଏହାକୁ ନେଇ ନିଜ ନିଜ ମତାମତ ଦେଇଥିଲେ । “ନରେନ୍ଦ୍ର ମୋଦି ହ୍ୱାଟସଆପ୍ ଗ୍ରୁପ୍” ନାମକ ଏକ ଗ୍ରୁପରେ ଏଭଳି ଫଟୋକୁ ସେୟାର୍ କରାଯାଇଥିଲା । କିଛି ଲୋକ ଏଥିରେ ମୋଦିଙ୍କୁ କଟାକ୍ଷ କରି କହିଥିଲେ ଯେ ଭୋଟ୍ ପାଇଁ ମୋଦି ମା’ଙ୍କୁ ମଧ୍ୟ ରାଜନୀତିକୁ ଆଣିବାକୁ ପଛାଇଲେ ନାହିଁ ।

ତେବେ ଏହି ଭାଇରାଲ୍ ଫେକ୍ ଫଟୋର ଅସଲି ଫଟୋକୁ ୨୦୧୪ ମସିହାରେ ନିଆଯାଇଥିଲା । ସେତେବେଳେ ମୋଦି ପ୍ରଧାନମନ୍ତ୍ରୀ ଶପଥ ଗ୍ରହଣ କରିସାରିଥିଲେ ଏବଂ ପଡୋଶୀ ରାଷ୍ଟ୍ର ପାକିସ୍ତାନରୁ ପ୍ରଧାନମନ୍ତ୍ରୀ ନୱାଜ୍ ଶରିଫ୍ ହୀରାବେନଙ୍କ ପାଇଁ ଶାଢି ଉପହାରରେ ପଠାଇଥିଲେ । ତେବେ ଏଥିରେ ହୀରାବେନ ଏକ ସବୁଜ ରଙ୍ଗର ବାକ୍ସ ଧରିଥିବା ବେଳେ ଏଥିରେ ପାକିସ୍ଥାନ ତରଫରୁ ପଠାଯାଇଥିବାର ପ୍ରମାଣ ମଧ୍ୟ ରହିଛି । ତେବେ ପ୍ରଧାନମନ୍ତ୍ରୀ ମୋଦିଙ୍କ ଶପଥ ଗ୍ରହଣ ଉତ୍ସବରେ ପାକିସ୍ତାନ ପ୍ରଧାନମନ୍ତ୍ରୀ ନୱାଜ୍ ଶରିଫ୍ ମଧ୍ୟ ସାମିଲ ହୋଇଥିଲେ ।

ଉତ୍ସବ ଶେଷରେ ମୋଦି ଶରିଫଙ୍କୁ ଏକ ନାଲି ରଙ୍ଗର ବାକ୍ସ ଦେଇଥିଲେ ଯେଉଁଥିରେ ତାଙ୍କ ମା’ଙ୍କ ପାଇଁ ଏକ ଉତ୍ତରୀୟକୁ ସେ ଉପହାରରେ ଦେଇଥିଲେ । ଏହାର କିଛି ଦିନ ପରେ ଶରିଫ୍ ହୀରାବେନଙ୍କ ପାଇଁ ଶାଢି ପଠାଇଥିଲେ ଏବଂ ଏହି ଫଟୋକୁ ଫଟୋ ସୁଟ୍ କରି ସୋସିଆଲ୍ ମିଡିଆରେ ଛଡା ଯାଇଥିଲା ।