୧୦ ପ୍ରତିଶତ ବୃଦ୍ଧି ପାଇବ ପ୍ରାକୃତିକ ଗ୍ୟାସ୍ ର ଦାମ୍ ! ମହଙ୍ଗା ହେବ ସିଏନଜି ଏବଂ ପିଏନଜି ।
ଗ୍ୟାସ୍ ଉତ୍ପାଦକ କମ୍ପାନୀମାନଙ୍କୁ ବଢାଇବା ପାଇଁ କେନ୍ଦ୍ର ସରକାରଙ୍କ ତରଫରୁ ୧ ଏପ୍ରେଲ୍ ୨୦୧୯ ରେ ଘରୋଇ ପରିଯୋଜନା ଅନ୍ତର୍ଗତ ପ୍ରାକୃତିକ ଗ୍ୟାସ୍ ର ଦାମ୍ ରେ ବୃଦ୍ଧି କରାଯାଇପାରେ । ଗ୍ୟାସ୍ ର ଦାମକୁ ୧୦ ପ୍ରତିଶତ ବଢାଇ ୩.୭୨ ଡଲାର ପ୍ରତି ଏମଏମବିଟିୟୁ କରାଯାଇପାରେ । ଯଦି ଏଭଳି ହେଲା ତେବେ ତେଲର ରେଟ୍ ବଢିଯିବ । ଏହା ପୂର୍ବରୁ ସରକାର ଅକ୍ଟୋବର ୧ , ୨୦୧୮ ତାରିଖରେ ପ୍ରାକୃତିକ ଗ୍ୟାସକୁ ଘରୋଇ ଉତ୍ପାଦକରେ ଦିଆଯାଉଥିବା ଦାମକୁ ୩.୦୬ ଡଲାର ପ୍ରତି ଏମଏମବିଟିୟୁରୁ ବଢାଇ ୩.୩୬ ଡଲାର ପ୍ରତି କରିଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହି ମାମଲାରେ ଜଡିତ ଥିବା ଓଏନଜିସି ଏବଂ ରିଲାଏନ୍ସ ଇଣ୍ଡଷ୍ଟ୍ରି ଭଳି ଗ୍ୟାସ୍ ଉତ୍ପାଦକ କମ୍ପାନୀଙ୍କ ଲାଭ ବଢିଯିବ । ସୂତ୍ର ଅନୁସାରେ , କଠିନ କ୍ଷେତ୍ରରୁ ଉତ୍ପାଦିତ ହେଉଥିବା ଗ୍ୟାସ୍ ଦର ବି ବଢି ୯ ଡଲାର ପ୍ରତି ଏମଏମବିଟିୟୁ ହୋଇଯିବ । ଏହା ୭.୬୭ ଡଲାର ଏମଏମବିଟିୟୁ ହୋଇଯାଇଛି । ଯଦି ଏଭଳି ହୁଏ ତେବେ ଗ୍ୟାସର ୪ ର୍ଥ ବାର ଗ୍ୟାସ୍ ରେ ବୃଦ୍ଧି ହେବ ।
ପ୍ରତି ୬ ମାସରେ ବଢେ ଦାମ୍ : ପ୍ରାକୃତିକ ଗ୍ୟାସ୍ ର ଦାମ୍ ପ୍ରତି ୬ ମାସରେ ବଢିଥାଏ । ଯାହା ୧ ଏପ୍ରିଲ୍ କିମ୍ବା ୧ ଅକ୍ଟୋବର ପର୍ଯ୍ୟନ୍ତ ନିର୍ଦ୍ଧାରିତ କରାଯାଏ । ଏଥିପାଇଁ ପ୍ରାକୃତିକ ଗ୍ୟାସର ଦାମ୍ ଗ୍ୟାସ୍ ବିକ୍ରି କରୁଥିବା ଆମେରିକା,ଋଷ୍ ଏବଂ କାନାଡା ଭଳି ଦେଶରେ ଗ୍ୟାସ୍ ବିକ୍ରି କେନ୍ଦ୍ରରେ ନିର୍ଦ୍ଧାରିତ କରାଯାଏ ।