କମିବ ଏଲପିଜି ଦର ! କେନ୍ଦ୍ର ସରକାରଙ୍କ ନିଷ୍ପତ୍ତି, ଜାଣନ୍ତୁ କ’ଣ ରହିବ ରନ୍ଧନଗ୍ୟାସର ମୂଲ୍ୟ ।
ଅନ୍ତରାଷ୍ଟ୍ରୀୟ ବଜାରରେ ଏଲପିଜି ଦର ହ୍ରାସ ଏବଂ ଆମେରିକୀୟ ଡଲାର ଏବଂ ଟଙ୍କା ବିନିମୟ ଦର ଦୃଢ ହୋଇଥିବା କାରଣରୁ ୧ ଫେବୃୟାରୀ ୨୦୧୯ ସୁଦ୍ଧା ଭୁବନେଶ୍ୱରରେ ଅଣ-ରିହାତି ଏଲପିଜି ଦର ସିଲିଣ୍ଡର ପିଛା ଟ.୩୦.୫୦ ହ୍ରାସ ଘଟିବାର ଅନୁମାନ କରାଯାଉଛି । ତଦନୁସାରେ, ଘରୋଇ ଏଲପିଜିର ଉପଭୋକ୍ତାଙ୍କ ଦ୍ୱାରା ଅଗ୍ରିମ ନଗଦ କାରବାରରେ ମଧ୍ୟ ସିଲିଣ୍ଡର ପିଛା ଟ ୩୦.୫୦/ ହ୍ରାସ ଘଟିବ । ଘରୋଇ ଏଲପିଜି ଉପଭୋକ୍ତାଙ୍କୁ ବର୍ତ୍ତମାନ ସିଲିଣ୍ଡର ପିଛା ଟ.୭୧୬.୫୦ ବଦଳରେ ଟ.୬୮୬.୦୦ ଅଗ୍ରିମ ପୈଠ କରିବାକୁ ପଡ଼ିବ ।
Kanak News is now on WhatsApp
Join and get latest news updates delivered to you via WhatsApp
ଘରୋଇ ଏଲପିଜି ସିଲିଣ୍ଡର ଦରରେ ସରକାରଙ୍କ ଦ୍ୱାରା ରିହାତି ଦିଆଯାଉଥିବାରୁ, ଉପଭୋକ୍ତାଙ୍କୁ ରିହାତି ଉପରେ ପ୍ରଭାବୀ ମୂଲ୍ୟରେ ସିଲିଣ୍ଡର ପିଛା ଟ.୧.୪୯ ହ୍ରାସ ଘଟିବ (୨୦୧୯ ଜାନୁୟାରୀ ମାସରେ ଟ.୫୦୫.୮୩ ରୁ ଫେବୃୟାରୀ ମାସ ମଧ୍ୟରେ ଟ୫୦୪.୩୪ ) । ଅଣ-ରିହାତିଯୁକ୍ତ ଏଲପିଜି ଦରରେ ହ୍ରାସ କାରଣରୁ ଜିଏସଟିର ପ୍ରଭାବରେ ହ୍ରାସ ଘଟିଛି । କେନ୍ଦ୍ର ସରକାରଙ୍କ ତରଫରୁ ଦିଆଯାଉଥିବା ରିହାତି (ଟ.୧୮୧.୬୬/ସିଲିଣ୍ଡର ପିଛା) ଏବଂ ଗ୍ୟାସ ରିଫିଲ ଓ ବିତରଣ ପରେ ଏଲପିଜି ଉପଭୋକ୍ତାଙ୍କ ବ୍ୟାଙ୍କ ଆକାଉଣ୍ଟକୁ ସ୍ଥାନାନ୍ତରିତ କରାଯାଉଛି ।