ରାଷ୍ଟ୍ରପତି ନିର୍ବାଚନ ପାଇଁ ଭୋଟିଂ ଆରମ୍ଭ ! ଅପରାହ୍ନ ୫ଟା ଯାଏଁ ଚାଲିବ ମତଦାନ
କନକ ବ୍ୟୁରୋ: ରାଷ୍ଟ୍ରପତି ନିର୍ବାଚନ ପାଇଁ ଭୋଟିଂ ଆରମ୍ଭ ହୋଇଛି । ରାଷ୍ଟ୍ରପତି ନିର୍ବାଚନରେ ଏନଡିଏ ପ୍ରାର୍ଥୀ ରାମନାଥ କୋବିନ୍ଦ ଓ ବିରୋଧୀ ଦଳଙ୍କ ପ୍ରାର୍ଥୀ ମୀରା କୁମାରଙ୍କ ମଧ୍ୟରେ ମୁକାବିଲା ହେଉଛି । ସବୁ ରାଜ୍ୟର ବିଧାନସଭାରେ ସକାଳ ୧୦ ଟାରୁ ମତଦାନ ଆରମ୍ଭ ହୋଇଛି । ସଂଧ୍ୟା ୫ଟା ଯାଏଁ ମତଦାନ ଗ୍ରହଣ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ସାଂସଦ ଭବନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ଭୋଟ୍ ଦେଇଛନ୍ତି । ଏହି ନିର୍ବାଚନରେ ସବୁଜ ଓ ଗୋଲାପୀ ରଙ୍ଗର ୨ଟି ବାଲଟ୍ ପେପର ବ୍ୟବହାର କରାଯାଉଛି । ସବୁଜ ରଙ୍ଗର ବାଲଟ୍ ପେପରରେ ସାଂସଦ ଓ ଗୋଲାପୀ ରଙ୍ଗର ବାଲଟ୍ ପେପରରେ ବିଧାୟକମାନେ ଭୋଟ୍ ଦେଉଛନ୍ତି ।
ସେହିପରି, ରାଷ୍ଟ୍ରପତି ନିର୍ବାଚନ ପାଇଁ ଓଡ଼ିଶା ବିଧାନସଭାରେ ମଧ୍ୟ ଭୋଟିଂ ଆରମ୍ଭ ହୋଇଛି । ବିଧାନସଭାର ୫୪ନମ୍ବର ପ୍ରକୋଷ୍ଠରେ ମତଦାନ ଜାରି ରହିଛି । ଆଜି ପ୍ରଥମେ ବିରୋଧୀ ଦଳ ନେତା ନରସିଂହ ମିଶ୍ର ରାଷ୍ଟ୍ରପତି ଚୟନ ପାଇଁ ଭୋଟ୍ ଦେଇଛନ୍ତି । ଏହାପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ମତଦାନ କରିଛନ୍ତି । ଅପରାହ୍ନ ୫ଟା ଯାଏଁ ମତଦାନ ଜାରି ରହିବ ।