କନକ ବ୍ୟୁରୋ : ଟ୍ୱେଣ୍ଟି ଟ୍ୱେଣ୍ଟି କ୍ରିକେଟ୍ ମହାକୁମ୍ଭ ଆଇପିଏଲ ପାଇଁ ପ୍ରସ୍ତୁତି ପର୍ବ ଆରମ୍ଭ ହୋଇଛି । ଫେବୃୟାରୀ ୨୦ରେ ବାଂଗାଲୋରରେ ହେବାକୁ ଥିବା ଆଇପିଏଲ ନିଲାମୀ ପାଇଁ ଖେଳାଳି ମାନଙ୍କ ପ୍ରାରମ୍ଭିକ ମୂଲ୍ୟ ନିର୍ଣ୍ଣୟ କରାଯାଇଛି । ଭାରତୀୟ ବୋଲର ଇଶାନ୍ତ ଶର୍ମାଙ୍କ ସମେତ ୭ ଜଣ ଖେଳାଳୀଙ୍କ ବେସ ପ୍ରାଇସ ୨ କୋଟି ଟଙ୍କା ରଖାଯାଇଛି । ଇଶାନ୍ତଙ୍କ ଛଡା ଇଂଲଣ୍ଡର ବେନ ଷ୍ଟେକସ, କ୍ରିସ ୱକ୍ସ ଓ ଇୟନ ମୋର୍ଗାନଙ୍କୁ ମଧ୍ୟ ଏହି ମୂଲ୍ୟ ମଧ୍ୟରେ ରଖାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଫେବୃୟାରୀ ୨୦ ରେ ହେବାକୁ ଥିବା ଏହି ନିଲାମୀରେ ମୋଟ ୭୯୯ ଜଣ ଖେଳାଳିଙ୍କ ତାଲିକା ସାମନାକୁ ଆସିଛି । ଏଥିରେ ୮ଟି ଦେଶର ୧୬୦ ଜଣ ପୁରୁଣା ଖେଳାଳି ସାମିଲ ହୋଇଛନ୍ତି । ସେହିପରି ଭାରତ, ଦକ୍ଷିଣ ଆଫ୍ରିକା, ଅଷ୍ଟ୍ରେଲିଆ, ନ୍ୟୁଜିଲାଣ୍ଡ ଓ ଶ୍ରୀଲଙ୍କାର ୩୬୯ ଜଣ ନୁଆ ଖେଳାଳି ସାମିଲ ହୋଇଛନ୍ତି । ଆଇପିଏଲ ସିଜିନ ୧୦, ଏପ୍ରିଲ ୫ରୁ ଆରମ୍ଭ ହେବ । ନିୟମ ମୁତାବକ ଏହି ସିଜିନରେ ଗୋଟିଏ ଟିମରେ ସର୍ବାଧିକ ୨୭ ଜଣ ଖେଳାଳି ସାମିଲ ହୋଇପାରନ୍ତି । ଯେଉଁମାନଙ୍କ ମଧ୍ୟରେ ସର୍ବାଧିକ ୯ ଜଣ ଖେଳାଳି ଖେଳିପାରିବେ ।