ଜଗା-ବଳିଆଙ୍କୁ ନେଇ ଆଶା ଆଉ ଆଶଙ୍କା ! ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା କହିଲେ, ୨ରୁ ୩ଦିନ ଭିତରେ ଆଇସିୟୁରୁ ବାହାରିବ ଜଗା
କନକ ବ୍ୟୁରୋ : ଧୀରେ ଧୀରେ ସୁସ୍ଥ ହେଉଛି ଜଗା । ଆଉ ଦୁଇ-ତିନି ଦିନ ପରେ ଜଗାକୁ ଆଇସିୟୁରୁ ସାଧାରଣ ୱାର୍ଡକୁ ସ୍ଥାନାନ୍ତର କରାଯିବ । ତେବେ ବଳିଆର ସ୍ୱାସ୍ଥ୍ୟ ଅବସ୍ଥାକୁ ନେଇ ଚିନ୍ତା ରହିଛି । ଜଗା ଦେହରେ ଶୀଘ୍ର ଉନ୍ନତି ପରିଲକ୍ଷିତ ହୋଇଥିବା ବେଳେ ବଳିଆ ପାଇଁ ଆଉ କିଛି ଦିନ ଲାଗିପାରେ ବୋଲି ଆକଳନ କରୁଛନ୍ତି ଡାକ୍ତର । ଆଜି ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା ଦିଲ୍ଲୀ ଯାଇ ଜଗା ବଳିଆଙ୍କ ସ୍ୱାସ୍ଥ୍ୟ ଅବସ୍ଥା ପଚାରି ବୁଝିଛନ୍ତି । ସେପଟେ ଜଗା-ବଳିଆଙ୍କ ମାଆ ଏମ୍ସର ଡାକ୍ତରଙ୍କୁ ଧନ୍ୟବାଦ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଢେଇ ବର୍ଷ ଧରି ଖୁବ ଅସ୍ୱାଭାବିକ ସ୍ଥିତି ଭିତରେ ଜଗା ବଳିଆଙ୍କୁ ପାଳନ କରି ଆସୁଥିବା ମାଆଙ୍କ ମୁହଁରେ ଦିଲ୍ଲୀର ଏମ୍ସ ହସପିଟାଲର ଡାକ୍ତରଙ୍କୁ ହୃଦୟରୁ ଧନ୍ୟବାଦ ଦେଉଛନ୍ତି । ଏକ ଗରିବ ପରିବାରର ମହିଳା ବୋଧହୁଏ କେବେ ବିଶ୍ୱାସ କରିନଥିଲେ ସବୁଠାରୁ ବଡ଼ ହସ୍ପିଟାଲରେ ଦେଶର ବଛା ବଛା ଡାକ୍ତର ତାଙ୍କ ପୁଅକୁ ହୋଇଥିବା ବିଶ୍ୱର ସବୁଠାରୁ ଜଟିଳ ରୋଗର ଚିକିତ୍ସା କରିବେ ।
ଆଜି ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା ଦିଲ୍ଲୀ ଯାଇ ଜଗା ବଳିଆଙ୍କ ସ୍ୱାସ୍ଥ୍ୟ ଅବସ୍ଥା ବୁଝିଛନ୍ତି । ଭଲ ଖବର ହେଉଛି ଆଉ ଦୁଇ-ତିନି ଦିନ ପରେ ଜଗାକୁ ଆଇସିୟୁରୁ ସାଧାରଣ ୱାଡକୁ ସ୍ଥାନାନ୍ତର କରାଯିବ । କାରଣ ଜଗା ଦେହରେ ଉନ୍ନତି ପରିଲକ୍ଷିତ ହେଉଛି । ଡାକ୍ତରଙ୍କ କଥା ବୁଝିପାରୁଛି ଏବଂ ମଝିରେ ମଝିରେ ଗୋଡ ହାତ ବି ହଲାଉଛି ।
ସେପଟେ ବଳିଆର କିନ୍ତୁ ସ୍ୱାସ୍ଥ୍ୟ ଅବସ୍ଥାକୁ ନେଇ ଚିନ୍ତା ରହିଛି । ଜଗା ଦେହରେ ଶୀଘ୍ର ଉନ୍ନତି ପରିଲକ୍ଷିତ ହୋଇଥିବା ବେଳେ ହୁଏତ ବଳିଆ ପାଇଁ କିଛି ସମୟ ଲାଗିପାରେ । ଡାକ୍ତର ଅଶୋକ ମହାପାତ୍ରଙ୍କ ନେତୃତ୍ୱରେ ଦିଲ୍ଲୀ ଏମ୍ସର ଡାକ୍ତରୀ ଦଳ ଏମାନଙ୍କ ଉପରେ ୨୪ ଘଂଟା ନଜର ରଖିଛନ୍ତି ।