ମାହାଙ୍ଗାରୁ ବିଧାୟକ ପ୍ରାର୍ଥୀ ଭାବେ ଲଢିବାକୁ ଇଚ୍ଛା ପ୍ରକାଶ କଲେ ପ୍ରତାପ ଜେନା ! କହିଲେ, ଦଳ ଯାହା ଦାୟିତ୍ୱ ଦେବ, ତୁଲାଇବି
କନକ ବ୍ୟୁରୋ : ୨୦୧୯ ନିର୍ବାଚନରେ ମାହାଙ୍ଗାରୁ ଲଢିବାକୁ ଚାହୁଁଥିବା କହିଛନ୍ତି ବିଜେଡିର ବରିଷ୍ଠ ନେତା ପ୍ରତାପ ଜେନା । ପୂର୍ବରୁ ମଧ୍ୟ କହିସାରିଛି ମାହାଙ୍ଗା ଛାଡି କୁଆଡେ ଯିବାର ନାହିଁ । ମାହାଙ୍ଗାରୁ ନିର୍ବାଚନ ଲଢିବାକୁ ଚାହେଁ । ମାହାଙ୍ଗା ଛାଡ଼ି ଆଉ କୁଆଡ଼େ ଯିବାକୁ ଚାହୁଁନି । କିନ୍ତୁ ଦଳ କଣ ଚାହିଁବ କି ମୁଖ୍ୟମନ୍ତ୍ରୀ କଣ ଚାହିଁବ ସେ କଥା ଭିନ୍ନ ବୋଲି ପ୍ରତାପ ଜେନା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ବୈଜୟନ୍ତ ପଣ୍ଡା ଗଲା ପରେ ବିଜେଡି ଉପରେ କିଛି ପ୍ରଭାବ ପଡିବନାହିଁ ବୋଲି କହିଛନ୍ତି ପ୍ରତାପ ଜେନା । କେନ୍ଦ୍ରାପଡା ଲୋକସଭା ନିର୍ବାଚନ ମଣ୍ଡଳୀ ଏଭଳି ଏକ ନିର୍ବାଚନ ମଣ୍ଡଳୀ ଯେଉଁଠି ଲୋକେ ବିଜୁ ଜନତା ଦଳର ପ୍ରାର୍ଥୀଙ୍କୁ ଭୋଟ ଦିଅନ୍ତି । କେନ୍ଦ୍ରାପଡା ଲୋକସଭା ନିର୍ବାଚନ ମଣ୍ଡଳୀ ହେଉଛି ବିଜୁ ବାବୁଙ୍କ କର୍ମକ୍ଷେତ୍ର । ନବୀନ ବାବୁଙ୍କ ସରକାର ସମୟର କେନ୍ଦ୍ରାପଡା ଲୋକସଭା ନିର୍ବାଚନ ମଣ୍ଡଳୀ ଅନେକ ଉନ୍ନୟନ୍ନ ମୂଳକ କାର୍ଯ୍ୟ ସମ୍ଭବ ହୋଇପାରିଛି । ବୈଜୟନ୍ତ ବାବୁ କହିଥିଲେ ଗତ ୨୨ ବର୍ଷ ଧରି ବିଜେପିକୁ ଯିବାକୁ ଉଦ୍ୟମ କରୁଥିଲି । ଏବେ ଲୋକଙ୍କ ମନରେ ପ୍ରଶ୍ନ, ବିଜେଡିରେ ଥାଇ ମଧ୍ୟ ବିଜେପିକୁ ଯିବାକୁ ସେ କାହିଁକି ଚାହୁଁଥିଲେ ।