୨୦୧୯ରେ ବିଜେପି ପାଇଁ ଲଢ଼ିପାରନ୍ତି ପ୍ରଣବ ! ଆରଏସଏସ କାର୍ଯ୍ୟକ୍ରମରେ ପ୍ରଣବଙ୍କ ଯୋଗଦାନକୁ ନେଇ ସରଗରମ କେନ୍ଦ୍ର ରାଜନୀତି ।
ପୂର୍ବତନ ରାଷ୍ଟ୍ରପତି ପ୍ରଣବ ମୂଖାର୍ଜୀ ଗତ କିଛି ଦିନ ତଳେ ଆର.ଏସ.ଏସ କାର୍ଯ୍ୟକ୍ରମରେ ଯୋଗଦେଇଥିଲେ । ଏହାକୁ ନେଇ ଏବେ ବିଭିନ୍ନ ରାଜନୈତିକ ଦଳମାନେ ପ୍ରଣବଙ୍କୁ ବିଜେପି ସହିତ ଟାର୍ଗେଟ କରିବାକୁ ଲାଗିଛନ୍ତି । ପ୍ରଣବଙ୍କୁ ଆର.ଏସ.ଏସ କାର୍ଯ୍ୟକ୍ରମରେ ଯୋଗଦେବାକୁ ନେଇ ବିଜେପିର ପୂର୍ବତନ ସାଥୀ ଦଳ ଶିବସେନା ବଖାଣିଛନ୍ତି ଏହା ପଛର କାରଣ । ଶିିବସେନା ପ୍ରଣବଙ୍କ ଯୋଗଦାନକୁ ୨୦୧୯ ସାଧାରଣ ନିର୍ବାଚନ ସହିତ ଯୋଡି କହିଛି ଯେ, ଆର.ଏସ.ଏସ ନିଜର କାର୍ଯ୍ୟକ୍ରମରେ ପ୍ରଣବ ମୁଖାର୍ଜୀଙ୍କୁ ଆମନ୍ତ୍ରଣ କରି ୨୦୧୯ ନିର୍ବାଚନୀ ପାଇଁ ଖସଡା ପ୍ରସ୍ତୁତ କରିଛି ବିଜେପି । କାରଣ ଯଦି ୨୦୧୯ ଲୋକସଭା ନିର୍ବାଚନରେ ବିଜେପିକୁ ବହୁମତ ନ ମିଳେ ତେବେ ପ୍ରଣବ ମୁଖାର୍ଜୀଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀକରି କାର୍ଡ ଖେଳିବ ବିଜେପି ବୋଲି ଶିବସେନାର ସମ୍ବାଦ ପତ୍ରିକା ‘ସାମନା’ରେ ଉଲ୍ଲେଖ କରିଛି ଦଳ ।
Kanak News is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ ଆର.ଏସ.ଏସକୁ ଟାର୍ଗେଟ କରି ଶିବସେନା କହିଛି, ଶିବସେନାର ପୂର୍ବତନ ମୁଖ୍ୟ ନେତା ବାଲ୍ ଠାକରେଙ୍କୁ କେବେ ବି ଆମନ୍ତ୍ରିତ କରି ନାହିଁ ବରଂ ମୁସଲମାନ ଭାଇ ଭଣଣୀଙ୍କୁ ଖୁସି କରିବା ପାଇଁ ଉଦ୍ୟମ କରିଛି ସଂଘ । କଂଗ୍ରେସ ନେତା ପ୍ରଣବ ମୁଖାର୍ଜୀଙ୍କୁ ସଂଘର କାର୍ଯ୍ୟକ୍ରମରେ ଯୋଗଦେବାକୁ ଆମନ୍ତ୍ରଣ କରିବା ପଛରେ ଦିଲ୍ଲୀରେ ରଣନୀତି ପ୍ରସ୍ତୁତ ହେଉଥିବା କହିଛି ଶିବସେନା । ଏପରିକି ୨୦୧୯ ନିର୍ବାଚନ ପାଇଁ ଏଜେଣ୍ଡା ପ୍ରସ୍ତୁତ କରୁଛି ବିଜେପି ବୋଲି ନିଜର ସମ୍ବାଦ ପତ୍ରିକା ‘ସାମନା’ରେ ଉଲ୍ଲେଖ କରିଛି । ଏହାପଛର କାରଣ ହେଉଛି , ତ୍ରିଶଙ୍କୁ ଲୋକସଭା ନିର୍ବାଚନ ମଣ୍ଡଳୀରେ ଯଦି ବିଜେପିକୁ ସହଯୋଗୀ ନ ମିଳେ ତେବେ ପ୍ରଣବ ମୁଖାର୍ଜୀଙ୍କ ନାଁ ମନୋନୀତ କରିବ ବିଜେପି ବୋଲି ପୂର୍ବାନୁମାନ କରିଛି ଶିବସେନା ।
ଗତ କିଛି ଦିନ ତଳେ ବିଜେପି ଉପରେ ଅସନ୍ତୁଷ୍ଟ ଥିବା ଶିବସେନାକୁ ମନାଇବା ପାଇଁ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଶିବସେନାର ମୁଖ୍ୟ ଉଦ୍ଧବ ଠାକରେଙ୍କୁ ଭେଟିଥିଲେ । କିନ୍ତୁ ଶାହାଙ୍କ ଗୋଟି ଚାଳନାର କିଛି ପ୍ରଭାବ ପଡି ନଥିଲା ବିଜେପିର ପୂର୍ବତନ ସାଥୀ ଦଳ ଶିବସେନା ଉପରେ । ଏପରିକି ଶାହାଙ୍କ ସାକ୍ଷାତକୁ ନାଟକ ବୋଲି କହି ସମାଲୋଚନା କରିଥିଲେ ଠାକରେ । ଗତକିଛି ଦିନ ତଳେ ପାଲଗଡ ଲୋକସଭା ଉପ-ନିର୍ବାଚନରେ ବିଜୟୀ ବିଜେପି ପ୍ରାର୍ଥୀକୁ ଶିବସେନାର ପ୍ରାର୍ଥୀ କଡା ଟକ୍କର ଦେଇଥିଲେ । କିନ୍ତୁ ଶାହା ଆଉ ଠାକେରଙ୍କ ସାକ୍ଷାତ ପରେ ଶିବସେନା ତାର ଆଭିମୂଖ୍ୟ ସ୍ପଷ୍ଟ କରିଦେଇଛି । ତେବେ ପୂର୍ବତନ ରାଷ୍ଟ୍ରପତି ବା କଂଗ୍ରେସର ଜଣେ ପୁରୁଖା ନେତା ପ୍ରଣବ ମୁଖାର୍ଜୀଙ୍କୁ ବିଜେପିର ପ୍ରଧାନମନ୍ତ୍ରୀ ପ୍ରାର୍ଥୀ ନେଇ ଭବିଷ୍ୟବାଣୀ କରିଛି ଶିବସେନା । ଯାହାକୁ ନେଇ ଏବେ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି ।