ଫଳାଫଳ ପୂର୍ବରୁ ଗଣତନ୍ତ୍ରର ସୁରକ୍ଷା ନେଇ ପୂର୍ବତନ ରାଷ୍ଟ୍ରପତିଙ୍କ ବଡ ବୟାନ । କହିଲେ, ଜନତାଙ୍କ ଭରସା ନଭାଙ୍ଗନ୍ତୁ ନିର୍ବାଚନ ଆୟୋଗ ।
କନକ ବ୍ୟୁରୋ : ଶେଷ ହୋଇସାରିଛି ୧୯ ଯୁଦ୍ଧର ଲଢେଇ, ସାମ୍ନାକୁ ଆସିସାରିଛି ଏକଜିଟ୍ ପୋଲ୍ ରିପୋର୍ଟ । ନିର୍ବାଚନ ଫଳାଫଳ ବାହାରିବାକୁ ଆଉ ମାତ୍ର ୪୮ ଘଣ୍ଟାର ସମୟ ବାକି ରହିଛି । ସମୟର କଣ୍ଟା ଯେତିକି ଆଗଉଛି, ନେତାଙ୍କ ହୃଦସ୍ପନ୍ଦନ୍ ସେତିକି ବଢିବାରେ ଲାଗିଛି । ଆଉ ଫଳାଫଳ ଆସିବା ଆଗରୁ ଇଭିଏମର ସୁରକ୍ଷା ନେଇ ଚାଲିଛି ଜୋରଦାର ଚର୍ଚ୍ଚା । ଇଭିଏମକୁ ନେଇ ଆସୁଥିବା ଖବର ଉପରେ ଚିନ୍ତା ପ୍ରକଟ କରିଛନ୍ତି ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ ।
Kanak News is now on WhatsApp
Join and get latest news updates delivered to you via WhatsApp
ଇଭିଏମ୍ ସୁରକ୍ଷା ପ୍ରସଙ୍ଗରେ ପ୍ରତିକ୍ରିୟା ରଖି ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ କହିଛନ୍ତି, ଇଭିଏମର ସୁରକ୍ଷା କରିବା ନିର୍ବାଚନ ଆୟୋଗଙ୍କ ଗୁରୁତ୍ୱପୂର୍ଣ୍ଣ ଦାୟିତ୍ୱ ଅଟେ । ଏଥିପାଇଁ ଜନତାଙ୍କ ଭରସାକୁ ନିର୍ବାଚନ ଆୟୋଗ ନଭାଙ୍ଗିବା ଦରକାର । ଟ୍ୱିଟରରେ ଏକ ବୟାନ ଜାରି କରିଛନ୍ତି ପ୍ରଣବ ମୁଖାର୍ଜୀ ଲେଖିଛନ୍ତି, ଗଣତନ୍ତ୍ରରେ ଜନତାଙ୍କ ନିର୍ଣ୍ଣୟ ଉପରେ କୌଣସି ପ୍ରକାର ସଙ୍କଟ ନଆସିବା ଦରକାର । ଆଉ ଇଭିଏମର ସୁରକ୍ଷା ପ୍ରସଙ୍ଗରେ ଯେଉଁ ସବୁ ଅଭିଯୋଗ ଆସୁଛି, ତାହା ଉପରେ ମଧ୍ୟ ନିର୍ବାଚନ ଆୟୋଗ ଗୁରୁତ୍ୱରୋପ କରିବା ଆବଶ୍ୟକ ।
Please read my statement below.#CitizenMukherjee pic.twitter.com/UFXkbv06Ol
— Pranab Mukherjee (@CitiznMukherjee) May 21, 2019
ସେପଟେ ଲୋକସଭା ନିର୍ବାଚନ ଫଳାଫଳ ଆସିବା ପୂର୍ବରୁ ଇଭିଏମକୁ ନେଇ ପୁଣି ପ୍ରଶ୍ନ ଉଠାଇବା ଆରମ୍ଭ କରିଛନ୍ତି ବିରୋଧୀ । କିଛି ମାମଲା ଏପରି ରହିଛି ଯାହାକୁ ନେଇ ବିରୋଧୀ ଦଳ ନିର୍ବାଚନ କମିଶନଙ୍କୁ ଘେରିଛନ୍ତି । ତେବେ ନିର୍ବାଚନ ଫଳାଫଳ ଆସିବାକୁ ଆଉ ମାତ୍ର ୪୮ ଘଣ୍ଟା ସମୟ ବାକି ରହିଥିବା ବେଳେ ଇଭିଏମକୁ ନେଇ ଜୋର ଧରିଛି ରାଜନୀତି ।