୧୫ ଦିନର ଶିଶୁକୁ କିଏ ମାରିଛି । ପୋଷ୍ଟମର୍ଟମ ରିପୋର୍ଟରେ ଆସିଲା ସଂଘାତିକ ତଥ୍ୟ, ଦୋଷ ଲୁଚାଇବା ପାଇଁ ମାଙ୍କଡ ମୁଣ୍ଡରେ ବୋଳାଯାଉଛି କି ଅଠା ?
କନକ ବ୍ୟୁରୋ : ବାଙ୍କୀରେ ୧୫ ଦିନର ନିଖୋଜ ଶିଶୁ ମୃତ୍ୟୁ ଘଟଣାରେ ଆଜି ପୋଷ୍ଟମର୍ଟମ ରିପୋର୍ଟ ଆସିଛି । ଏହି ରିପୋର୍ଟରେ କୁହାଯାଇଛି. ଶିଶୁ ପୁତ୍ର ଦେହରେ ମାଙ୍କଡ ନଖର କୌଣସି କ୍ଷତଚିହ୍ନ ନାହିଁ । ପୋଷ୍ଟମର୍ଟମର ୩୦ ଘଂଟା ପୂର୍ବରୁ ଶ୍ୱାସରୁଦ୍ଧ ହୋଇ ଶିଶୁର ମୃତ୍ୟୁ ଘଟିଥିବା ରିପୋର୍ଟରେ ଲେଖାଯାଇଛି । ରିପୋର୍ଟ ଆସିବା ପରେ ଶିଶୁଟିର ମୃତ୍ୟୁର କାରଣକୁ ନେଇ ସନ୍ଦେହ ଘନୀଭୂତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
୧୫ ଦିନର ଶିଶୁ ପୁତ୍ରକୁ ଖୋଜିଖୋଜି ନୟାନ୍ତ ହେବାପରେ ଅଚାନକ୍ ଘର ବାଡ଼ି ପଟରୁ ମୃତଦେହ ଉଦ୍ଧାର ହେବା ଘଟଣା, ଯେତିକି ସନ୍ଦେହ ସୃଷ୍ଟି କରିଛି, ତାଠୁ ଅଧିକ ଆଶ୍ଚର୍ଯ୍ୟ କରୁଛି ମୃତ ଶିଶୁର ପୋଷ୍ଟମର୍ଟମ ରିପୋର୍ଟ । ପୋଷ୍ଟମର୍ଟମ୍ ରିପୋର୍ଟରେ ରହିଛି ଚାଚଂଲ୍ୟକର ତଥ୍ୟ । ଏଥିରେ କୁହାଯାଇଛି-
-ମୃତ ଶିଶୁ ଦେହରେ ମାଙ୍କଡ଼ ନଖର କୌଣସି ଚିହ୍ନ ନାହିଁ
-ଶ୍ୱାସ ରୁଦ୍ଧ ହେବା ଫଳରେ ଶିଶୁଟିର ମୃତ୍ୟୁ ହୋଇଛି
-ପୋଷ୍ଟମର୍ଟମର ୩୦ ଘଂଟା ପୂର୍ବରୁ ହୋଇଛି ଶିଶୁର ମୃତ୍ୟୁ
ପୋଷ୍ଟମର୍ଟମ ରିପୋର୍ଟରେ ଥିବା ଏହି ସବୁ ତଥ୍ୟ, ଏବେ ବାଙ୍କୀ ତାଳବସ୍ତ ଗାଁର ଶିଶୁର ମୃତ୍ୟୁକୁ ନେଇ ସୃଷ୍ଟି କରିଛି ଅନେକ ପ୍ରଶ୍ନ ? ମାଙ୍କଡ଼ର କାହାଣୀ କହି ଏଭଳି ଏକ ସ୍ପର୍ଶକାତର ଘଟଣାକୁ ବାଟବଣା କରିବାକୁ ଉଦ୍ୟମ କରାଯାଉଛି କି ? ଏମିତିକି ଏନେଇ ପ୍ରଶ୍ନ ଉଠାଇଛନ୍ତି ସ୍ଥାନୀୟ ବାସିନ୍ଦା ।ଅନ୍ୟପଟେ ବାଙ୍କୀ ପୁଲିସ୍ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି । ପୋଷ୍ଟମର୍ଟମ ରିପୋର୍ଟରୁ ଆସିଥିବା ତଥ୍ୟ-ବାଙ୍କୀ ଶିଶୁ ମୃତ୍ୟୁ ଘଟଣାକୁ ଏବେ ଆହୁରି ରସହ୍ୟ ଘେରକୁ ଠେଲି ଦେଇଛି ।