ମେଘନାଦ ପାଚେରୀରେ ସେବାୟତଙ୍କ ପୋଷ୍ଟର ! କାଲିର ରଥଯାତ୍ରା ସମନ୍ୱୟ ବୈଠକରେ ଯୋଗ ନ ଦେବାକୁ ଆହ୍ୱାନ
କନକ ବ୍ୟୁରୋ : ସେବାୟତ-ପ୍ରଶାସନ ବୈଠକରେ ନୀଳାଦ୍ରୀବିଜେ ବିଶୃଂଖଳା ପ୍ରସଂଗକୁ ଏଡାଇ ଦିଆଯାଇଥିବାରୁ ଏହାକୁ ବିରୋଧ କରାଯାଇଛି । ଆଉ ଏହାକୁ ବିରୋଧ କରି ମେଘନାଦ ପାଚେରୀରେ ସେବାୟତମାନେ ପୋଷ୍ଟର ମାରିଛନ୍ତି । ଆସନ୍ତା କାଲି ହେବାକୁ ଥିବା ତୃତୀୟ ରଥଯାତ୍ରା ସମନ୍ୱୟ ବୈଠକରେ ଯୋଗ ନ ଦେବାକୁ ପୋଷ୍ଟର ମାଧ୍ୟମରେ ସେବାୟତଙ୍କୁ ଆହ୍ୱାନ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପୋଷ୍ଟରରେ କୁହାଯାଇଛି ଯେ, ସେବାୟତ ସମାଜର ନାର୍ଯ୍ୟ ଦାବି ହାସଲ ପାଇଁ ହାତରେ ହାତ ମିଶାଇବାକୁ ସମୟ ଆସିଛି । ଆଗାମୀ ଦିନରେ ସେବାୟତ ସମାଜର ଡଙ୍ଗା ବୁଡାଇବା ପାଇଁ ନୌକାର ନାଉରୀ ନ ହୁଅନ୍ତୁ । ପୋଷ୍ଟରରେ ଲେଖାହୋଇଛି ଯେ ଶ୍ରୀ ଜଗନ୍ନାଥ ସେବାୟତ ସମ୍ମୀଳନୀ ଏକ ମାଧ୍ୟମ ମାତ୍ର । ଏହାଛଡା ନିଜ ଦାବିକୁ ସମର୍ଥନ କରିବାକୁ ସେବାୟତମାନଙ୍କୁ କୁହାଯାଇଛି ।