ରାଜ୍ୟ ମୁଣ୍ଡରେ ପସ୍କୋ ଅଠା ବୋଳିଲା କେନ୍ଦ୍ର ! ଇସ୍ପାତମନ୍ତ୍ରୀଙ୍କ ବୟାନ, ଜମି ଯୋଗାଇପାରିଲେନି ରାଜ୍ୟ ସରକାର, ଫେରିଗଲା ପସ୍କୋ ଓ ମିତଲ୍
କନକ ବ୍ୟୁରୋ: ପସ୍କୋ ଓ ମିତଲ୍ ଭଳି ଶିଳ୍ପସଂସ୍ଥା ଓଡ଼ିଶାରୁ ଚାଲିଯିବା ପ୍ରସଙ୍ଗରେ ରାଜ୍ୟ ସରକାରଙ୍କୁ ଦୋଷଦେଲା କେନ୍ଦ୍ର । ଓଡ଼ିଶା ଗସ୍ତରେ ଥିବା କେନ୍ଦ୍ର ଇସ୍ପାତ ମନ୍ତ୍ରୀ ଚୌଧୁରୀ ବୀରେନ୍ଦ୍ର ସିଂ ଏକ ସାମ୍ବାଦିକ ସମ୍ମିଳନୀରେ ଏଭଳି ବୟାନ ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସାମ୍ବାଦିକଙ୍କ ପ୍ରଶ୍ନର ଉତ୍ତର ରଖି ସେ କହିଛନ୍ତି ଯେ, ଜମି ଅଧିଗ୍ରହଣ ସମସ୍ୟା କାରଣରୁ ସବୁଠାରୁ ବଡ଼ ବିଦେଶୀ ପୁଞ୍ଜି ନିବେଶ ଯୋଜନା ରଖିଥିବା ପସ୍କୋ ଭଳି ଶିଳ୍ପସଂସ୍ଥା ଓଡ଼ିଶାରେ ପ୍ରକଳ୍ପ ପ୍ରତିଷ୍ଠା କରିବା ସମ୍ଭବ ହେଲାନାହିଁ । ମୋଦି ସରକାର କ୍ଷମତାକୁ ଆସିବା ପରେ ଜମି ଅଧିଗ୍ରହଣ ସଂଶୋଧନ ବିଲ୍ ଆଣିଥିଲେ । ହେଲେ ରାଜ୍ୟସଭାରେ ସଂଖ୍ୟା କମ୍ ଥିବାରୁ ଏଥିରୁ ଓହରିବାକୁ ପଡିଥିଲା ।
ସେପଟେ ଜମି ଅଧିଗ୍ରହଣ ପାଇଁ ପ୍ରତିବାଦ ହେଉଛି ରାଜ୍ୟ ସରକାରଙ୍କ ଦାୟିତ୍ୱ । ତେଣୁ ପ୍ରକଳ୍ପ ପ୍ରତିଷ୍ଠା ପାଇଁ ଜମି ଅଧିଗ୍ରହଣ ଦାୟିତ୍ୱ ରାଜ୍ୟ ସରକାରଙ୍କର ବୋଲି କହି ଓଡ଼ିଶା ସରକାରଙ୍କ ଉପରକୁ ଦୋଷ ଠେଲିଛନ୍ତି କେନ୍ଦ୍ରମନ୍ତ୍ରୀ । ଏପରିକି ପସ୍କୋ ଓ ମିତଲ୍ ପ୍ରସଙ୍ଗରେ କଣ ହେଲା ତାହା ଆପଣମାନେ ଭଲଭାବେ ଜାଣିଛନ୍ତି ବୋଲି ସାମ୍ବାଦିକମାନଙ୍କୁ କହିଛନ୍ତି କେନ୍ଦ୍ର ଇସ୍ପାତମନ୍ତ୍ରୀ ଚୌଧୁରୀ ବିରେନ୍ଦ୍ର ସିଂ ।