ସାବଧାନ ! ଏଣିକି ସୋସିଆଲ୍ ମିଡିଆରେ ଅଶ୍ଲୀଳ ଫଟୋ,ଭିଡିଓ କିମ୍ବା ମନ୍ତବ୍ୟ ପୋଷ୍ଟ କଲେ ମିଳିବ ଦଣ୍ଡ ।
ବର୍ତ୍ତମାନ ଡିଜିଟାଲ୍ ମିଡିଆରେ ମହିଳାଙ୍କ ଶାରୀରିକ ଗଠନ, ପୋଷାକ ଏବଂ ତାଙ୍କୁ ନେଇ କୁହାଯାଉଥିବା ଅଶ୍ଲୀଳ କଥା ବା ମନ୍ତବ୍ୟ ଏବେ ଅଧିକ ବଢିଯାଇଛି । କେବଳ ଏତିକି ନୁହଁ ବିଭିନ୍ନ ଅଶ୍ଲୀଳ ଫଟୋ ଏବଂ ଭିଡିଓ ମଧ୍ୟ ପୋଷ୍ଟ କରାଯାଇ ବିଭିନ୍ନ ମନ୍ତବ୍ୟ ଦିଆଯାଉଛି । ତେବେ ହ୍ୱାଟସଆପ୍ ଏବଂ ସ୍କାଇପ ଭଳି କିଛି ସୋସିଆଲ୍ ମିଡିଆରେ ଏଭଳି କଥା ଅଧିକ ଶୁଣିବାକୁ ମିଳେ । ଯାହାକୁ ନେଇ ଏବେ ଏକ ବଡ ପଦକ୍ଷେପ ନିଆଯାଇଛି । ଏହି ପଦକ୍ଷେପ କ’ଣ ଆସନ୍ତୁ ଜାଣିବା ।
Kanak News is now on WhatsApp
Join and get latest news updates delivered to you via WhatsApp
ହ୍ୱାଟସଆପ୍ ଏବଂ ସ୍କାଇପ୍ ଭଳି ଡିଜିଟାଲ୍ ମିଡିଆରେ ମହିଳାଙ୍କ ଅଶ୍ଲୀଳ ଫଟୋ,ଭିଡିଓ କିମ୍ବା ମନ୍ତବ୍ୟ କରିବା ବେଆଇନ୍ ଏବଂ ଦଣ୍ଡନୀୟ ହୋଇପାରେ । ମହିଳା ଏବଂ ଶିଶୁ ବିକାଶ ମନ୍ତ୍ରାଳୟ ଏହି ପ୍ରସ୍ତାବକୁ ସଂଶୋଧିତ ଆଇନରେ ରଖିଛି । ଡିଜିଟାଲ୍ ମିଡିଆରେ ମହିଳାଙ୍କ ଅଶ୍ଲୀଳ ଚିତ୍ରଣକୁ ନେଇ ଏହି ଆଇନ୍ ଲାଗୁ ହେବ ବୋଲି ଶୁଣିବାକୁ ମିଳୁଛି । ୧୯୮୬ ମସିହାରେ ଏହି ଆଇନ୍ ଅନୁଷ୍ଠିତ ହୋଇଥିଲା ।
ଏଭଳି ପରିବର୍ତ୍ତନ ରାଷ୍ଟ୍ରୀୟ ମହିଳା ଆୟୋଗର ସୁପାରିସ ଏବଂ ସଂସଦୀୟ ସ୍ଥାୟୀ କମିଟିର ଟିପ୍ପଣୀକୁ ଆଧାରକୁ ନେଇ କରାଯାଇଛି । ନୂଆ ଟେକ୍ନିକକୁ ଧ୍ୟାନରେ ରଖି ଏଭଳି ପ୍ରସ୍ତାବ ନିଆଯାଇଛି ।