ସର୍ଜିକାଲ୍ ଷ୍ଟ୍ରାଇକକୁ ନେଇ ରାଜନୀତି ! କଂଗ୍ରେସକୁ ମୋଦିଙ୍କ ଟାର୍ଗେଟ, କହିଲେ ୟୁପିଏ ସରକାର ସମୟରେ ସେନା ପାଖରେ ନଥିଲା ଅସ୍ତ୍ରଶସ୍ତ୍ର ।
୨୦୧୯ ନିର୍ବାଚନ ଯେତିକି ପାଖେଇ ପାଖେଇ ଆସୁଛି, ରାଜନୈତିକ ଦଳ ଗୁଡିକ ମଧ୍ୟରେ କାଦୁଅଫିଙ୍ଗା ରାଜନୀତି ସେତିକି ବଢିବାରେ ଲାଗିଛି । ଗତକାଲି ରାଷ୍ଟ୍ରପତିଙ୍କ ଅଭିଭାଷଣ ଉଫରେ ଚର୍ଚ୍ଚା କରିବା ସମୟରେ କଂଗ୍ରେସକୁ କଡା ସମାଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପୂର୍ବରୁ ସର୍ଜିକାଲ ଷ୍ଟ୍ରାଇକକୁ ନେଇ କଂଗ୍ରେସ କହିଥିଲା ଯେ, ୟୁପିଏ ସରକାର ସମୟରେ ମଧ୍ୟ ଅନେକ ସର୍ଜିକାଲ ଷ୍ଟ୍ରାଇକ ହୋଇଥିଲା । ମୋଦି ଏହାକୁ କାଉଣ୍ଟର କରିବା ସହ କହିଛନ୍ତି ଯେ, କଂଗ୍ରେସ କେଉଁ ମୁହଁରେ ସର୍ଜିକାଲ ଷ୍ଟ୍ରାଇକର କଥା କହୁଛି । ୟୁପିଏ ସରକାର ସମୟରେ ଦେଶର ଅବସ୍ଥା ଏପରି ଥିଲା ଯେ, ସେନା ପାଖରେ ଆବଶ୍ୟକ ଅନୁଯାୟୀ, ଅସ୍ତ୍ରଶସ୍ତ୍ର ନଥିଲା । ଯବାନ ମାନଙ୍କର ମନୋବଳ ସବୁବେଳେ ନିରାଶ ହୋଇରହୁଥିଲା । ସେମାନଙ୍କୁ ଆଦେଶ ଦେବା ପାଇଁ କେହି ନଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ନିର୍ବାଚନୀ ବର୍ଷରେ ସର୍ଜିକାଲ ଷ୍ଟ୍ରାଇକକୁ ନିଜ ପ୍ରଚାର ଇସ୍ତାହାରରେ ସାମିଲ କରି ବିଜେପି ଲୋକଙ୍କ ଭୋଟ ହାତେଇବାକୁ ପ୍ରୟାସ କରୁଥିବା କଂଗ୍ରେସ ପକ୍ଷରୁ କୁହାଯାଉଥିବା ବେଳେ, ଏହାକୁ ନେଇ କଂଗ୍ରେସକୁ ମୋଦି କଡା ସମାଲୋଚନା କରିଛନ୍ତି । ସେ କହିଛନ୍ତି, ଭାରତୀୟ ସେନାକୁ ଶକ୍ତିଶାଳୀ କରିବା ପାଇଁ କଂଗ୍ରେସ ସରକାର ପକ୍ଷରୁ କେବେହେଲେ ଉଦ୍ୟମ କରାଯାଇନାହିଁ । ଏପରିକି ସେନା ମାନଙ୍କର ଜରୁରୀ ଆବଶ୍ୟକତାକୁ ମଧ୍ୟ କଂଗ୍ରେସ ଅଣଦେଖା କରିଥିଲା । ଯେଉଁଥିପାଇଁ କଂଗ୍ରେସକୁ ଦେଶ କେବେ କ୍ଷମା କରିବନାହିଁ ବୋଲି ମୋଦି କହିଛନ୍ତି ।