କୁନ୍ଦୁଲି ଗଣଦୁଷ୍କର୍ମକୁ ନେଇ ଜୋରଧରିଲା ରାଜନୀତି । ଦୁଷ୍କର୍ମ ପୀଡିତାଙ୍କ ସଂପର୍କୀୟଙ୍କୁ ନେଇ ରାଜଧାନୀରେ ଆନ୍ଦୋଳନରେ ବସିଲା କଂଗ୍ରେସ
କନକ ବ୍ୟୁରୋ : କୁନ୍ଦୁଲି ଗଣଦୁଷ୍କର୍ମ ଘଟଣାକୁ ନେଇ ସରଗରମ ହୋଇଛି ରାଜ୍ୟ ରାଜନୀତି । ଆଉ ଏହି ପ୍ରସଙ୍ଗକୁ ନେଇ ଏକାଠି ହୋଇଛି କଂଗ୍ରେସ । ଘଟଣାର ୨୫ ଦିନ ପରେ ବି ପୋଲିସ ହାତ ଖାଲି ଥିବାରୁ କଂଗ୍ରେସ ଲୋଡିଛି ରାଜ୍ୟପାଳଙ୍କ ହସ୍ତକ୍ଷେପ । ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକ ଓ ଅନ୍ୟ ଆଗଧାଡିର ନେତାଙ୍କ ସହ ରାଜଭବନ ଆଗରେ ଗର୍ଜିଛନ୍ତି ପିସିସି ସଭାପତି ପ୍ରସାଦ ହରିଚନ୍ଦନ ।
Kanak News is now on WhatsApp
Join and get latest news updates delivered to you via WhatsApp
ଏହା ଏକ ଏମିତି ଘଟଣା ଯାହାର ସମାଧାନ କିପରି ହେବ ତାହା ନା ପୋଲିସ ନା ସରକାର କେହି ଠଉରାଇ ପାରୁଛନ୍ତି । ଗୋଟିଏ ପଟେ ପୀଡିତା କହୁଛନ୍ତି, ତାଙ୍କୁ ଦୁଷ୍କର୍ମ କରିଛନ୍ତି ସୁରକ୍ଷାକର୍ମୀ, ଏପଟେ ପୋଲିସ କହୁଛି ଦୁଷ୍କର୍ମ ଘଟଣାରେ ସୁରକ୍ଷାକର୍ମୀ ସାମିଲ ନାହାନ୍ତି । ଅନ୍ୟପଟେ ସୁରକ୍ଷାକର୍ମୀ ଏଭଳି କୁକର୍ମ କରିଥିବା ନେଇ ବିଜେଡି ଅନସୂଚିତ ଜାତି ସେଲ ଆବାହକ ବିଷ୍ଣୁ ଦାସ ଅଭିଯୋଗ ଆଣିଥିଲେ । ଏବଂ ପୋଲିସ ତଦନ୍ତ ଉପରେ ଏବେ ବି ପ୍ରଶ୍ନ ଉଠାଇଛନ୍ତି । ବିଜେପି ମଧ୍ୟ ଏହି ଘଟଣାରେ ଶାସକ ଦଳର ନେତାଙ୍କୁ ଘେରିଛି ।କୁନ୍ଦୁଲି ଘଟଣାକୁ ନେଇ ରହସ୍ୟ ବଢୁଥିବା ବେଳେ ଏପଟେ ରାଜନୀତିର ପାରା ବଢୁଛି । ଆଉ ଏଥି ସହ ତାଳ ଦେଇ ପୋଲିସ ଓ ସରକାରର ମୁଣ୍ଡ ବଥା ବି ବଢୁଛି ।