ସାରା ଦେଶରେ ହୋଲିର ମାହୋଲ ! ଭାଇଚାରାର ପର୍ବ ପାଇଁ ସମସ୍ତେ ବ୍ୟସ୍ତ, ସାଧାରଣ ଜନତାଙ୍କ ସହ ନେତା ବି ଖେଳିଲେ ହୋଲି

ହୋଲିରେ ମସଗୁଲ ରାଜନେତା 

71
କନକ ବ୍ୟୁରୋ : ସାରା ଦେଶରେ ଏବେ ହୋଲିର ମାହୋଲ । ବର୍ଷକରେ ଥରେ ଏହି ବିଶେଷ ପର୍ବ ଆସୁଥିବା କାରଣରୁ ଲୋକମାନେ ଏହାକୁ ଅପେକ୍ଷା କରିଥାଆନ୍ତି । କାରଣ ସମସ୍ତେ ଏହି ପର୍ବରେ ମସଗୁଲ ଥାଆନ୍ତି ରଙ୍ଗ ଖେଳିବା ପାଇଁ । ଉଭୟ ଉଭୟଙ୍କୁ ରଙ୍ଗ ଲଗାଇ ଶୁଭେଚ୍ଛା ଜ୍ଞାପନ କରନ୍ତି । ତେବେ ଏହି ଗଣପର୍ବରେ ନେତା ବି ନିଜକୁ ସାମିଲ କରିବା ପାଇଁ ପଛାଇ ନାହାନ୍ତି । ତେବେ ରଙ୍କରେ ନିଜକ ହଜାଇ ଦେଇଛନ୍ତି ନେତା । ମିଳିଥିବା ସୂଚନା ଅନୁସାରେ , ଦେଶର ତୁଙ୍ଗ ନେତାମାନେ ଏହାକୁ ବେଶ ଆନନ୍ଦରେ ପାଳନ କରିଥିବା ଦେଖାଯାଇଛି ।

Source: MirchiTech

ଭାରତରେ ହୋଲିର ଧୁମ । ରଙ୍ଗ ଅବିରରେ ରଙ୍ଗୀନ ହୋଇପଡିଛି ସମଗ୍ର ଉତ୍ତର ଭାରତ । ହୋଲି ଏକ ଭାଇଚାରାର ପର୍ବ, ଲୋକଙ୍କ ସହ ଲୋକଙ୍କୁ ଯୋଡିବାର ଉତ୍ସବ । ଆଉ ଏବେ ଦେଶରେ ରହିଛି ନିର୍ବାଚନୀ ମାହୋଲ । ହୋଲି ଖେଳି କର୍ମୀ ସମର୍ଥକ ଓ ଜନତାଙ୍କ ନିକଟତର ହେବାର ଉଦ୍ୟମ କରିଛନ୍ତି ନେତା । ଜାତି, ଧର୍ମ ନିର୍ବିଶେଷରେ ହୋଲିର ରଙ୍ଗରେ ସମସ୍ତେ ରଙ୍ଗେଇ ହୋଇଛନ୍ତି । ରାଜନେତାଙ୍କ ହୋଲି ଖେଳ । ହୋଲିରେ ମସଗୁଲ ରାଜନେତା । ଗୋରଖପୁରରେ ଆରଏସଏସ ପକ୍ଷରୁ ଧୁମଧାମରେ ହୋଲି ପାଳନ କରାଯାଇଛି । ଏଥିରେ ସାମିଲ ହୋଇଥିଲେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ହଜାର ହଜାର ସଂଘର କର୍ମକର୍ତା ଓ ଜନତାଙ୍କ ଗହଣରେ ହୋଲି ପାଳିଛନ୍ତି ଯୋଗୀ । ଏହି ଅବସରରେ ସେ ଦେଶକୁ ହୋଲିର ଶୁଭକାମନା ଜଣାଇଛନ୍ତି ।

Source: post.jagran.com

ସେହିପରି କେନ୍ଦ୍ରମନ୍ତ୍ରୀ ମୁକ୍ତାର ଅବାସ ନକଭୀଙ୍କ ବାସଭବନରେ ହୋଲିର ମସ୍ତି ଦେଖିବାକୁ ମିଳିଛି । ରଙ୍ଗ ବେରଙ୍ଗର ଅବିର ବୋଳି କର୍ମୀ ତାଙ୍କୁ ଶୁଭେଚ୍ଛା ଜଣାଇଥିବା ବେଳେ ସେ ମଧ୍ୟ ହୋଲିର ଶୁଭକାମନା ଜଣାଇଛନ୍ତି । ବିଜେପିର ରାଷ୍ଟ୍ରୀୟ ମହାସଚିବ କୈଳାସ ବିଜୟୀବର୍ଗୀୟ ମଧ୍ୟ ହୋଲିର ରଙ୍ଗରେ ରଙ୍ଗୀନ ହୋଇଛନ୍ତି । ରଙ୍ଗ ବେରଙ୍ଗର ଫଗୁର ଆସ୍ତରଣ ଯୋଗୁଁ କୈଳାସଙ୍କୁ ଚିହ୍ନିବା ମୁସ୍କିଲ ହୋଇପଡିଛି । ସେପଟେ ମଥୁରା ବୃନ୍ଦାବନରେ ହୋଲି ପାଳିଛନ୍ତି ଅଭିନେତ୍ରୀ ହେମାମାଳିନୀ ।ଦ୍ୱାରାକାଦେଶ ମନ୍ଦିରରେ ଦେଶ ବିଦେଶରୁ ଆସିଥିବା ଶ୍ରଦ୍ଧାଳୁ ହୋଲି ଖେଳିବା ସହ ପ୍ରସାଦ ଗ୍ରହଣ କରିଛନ୍ତି ।

ଶ୍ରଦ୍ଧାଳୁଙ୍କ ସହ ହୋଲି ଖେଳି ଦେଶବାସୀଙ୍କୁ ହୋଲିର ଶୁଭେଚ୍ଛା ଜଣାଇଛନ୍ତି ହେମାମାଳିନୀ । ସେପଟେ ୟୁପିର ସୈଫେଇରେ ଧୁମଧାମରେ ହୋଲି ପାଳନ କରିଛନ୍ତି ସମାଜବାଦୀ ପାର୍ଟିର ମୁଖିଆ ତଥା ଯାଦବ ପରିବାର । ଅଖିଳେଶ ଯାଦବ ଓ ମୁଲାୟମ ସିଂ ଯାଦବ ଗୋଲାପ ପାଖୁଡାରେ କର୍ମୀ, ସମର୍ଥକ ଓ ସାଧାରଣ ଲୋକଙ୍କ ସହ ହୋଲି ଖେଳିଛନ୍ତି । ବରିଷ୍ଠ କଂଗ୍ରେସ ନେତା ସନ୍ଦୀପ ଦୀକ୍ଷିତ ମଧ୍ୟ ହୋଲି ଖେଳର ମଜା ନେଇଛନ୍ତି । ସଂପର୍କୀୟ, ଦଳୀୟ କର୍ମୀଙ୍କ ଗହଣରେ ଏହି ବରିଷ୍ଠ ନେତା ଗଣପର୍ବ ହୋଲିର ମଜା ନେଇଛନ୍ତି । ସେହିପରି ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦୀୟାଙ୍କ ବାସଭବନରେ ହୋଲିର ଧୁମ ଦେଖିବାକୁ ମିଳିଥିଲା

ଲୋକଙ୍କ ସହ ମନଭରି ଅବିର ଖେଳିଛନ୍ତି ସିସୋଦୀୟା । ଆପ ସାଂସଦ ସଂଜୟ ସିଂ ଓ ଆପର ବରିଷ୍ଠ ନେତା କୁମାର ବିଶ୍ୱାସ ମଧ୍ୟ ହୋଲି ଖେଳି ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ଅହମ୍ମଦାବାଦରେ ନିଆରା ଢଙ୍ଗରେ ଖେଳାଯାଇଛି ହୋଲି । ରଙ୍ଗ ଅବିର ବଦଳରେ ଟମାଟୋରେ ହୋଲି ଖେଳିଛନ୍ତି ଲୋକେ । ଏହାକୁ ସେଠାରେ ଟମାଟୋ ପର୍ବ ବୋଲି ନାଁ ଦିଆଯାଇଛି । ନିଆରା ଢଙ୍ଗରେ ହୋଲି ପାଳନକୁ ସେଠାରେ ଯୁବକଯୁବତୀଙ୍କ ମଧ୍ୟରେ ବେଶ କ୍ରେଜ ଦେଖିବାକୁ ମିଳିଛି ।

Comments are closed.