ନିର୍ବାଚନ ସମୟରେ ରାଜନୈତିକ ଦଳ ଗୁଡିକ ବିଭିନ୍ନ ମାଧ୍ୟମରେ ନିଜ ନିଜ ପ୍ରଚାର କରିଥାନ୍ତି । କିନ୍ତୁ ସୋସିଆଲ ମିଡିଆ ପ୍ରଚାରର ପ୍ରମୁଖ ମାଧ୍ୟମ ପାଲଟିଥାଏ । ଆଗାମୀ ବିଧାନସଭା ନିର୍ବାଚନରେ ରାଜନୈତିକ ଦଳ କିମ୍ବା ଆଶାୟୀ ପ୍ରାର୍ଥୀ ସୋସିଆଲ ମିଡିଆର ଉପଯୋଗ ପ୍ରଚାର ପାଇଁ କରିପାରିବେ ନାହିଁ । ଏଥିପାଇଁ ଭାରତୀୟ ନିର୍ବାଚନ ଆୟୋଗ ନିର୍ଦ୍ଦେଶ ଜାରି କରିଛି । ଯଦି କୌଣସି ଆଶାୟୀ ପ୍ରାର୍ଥୀ କିମ୍ବା ରାଜନୈତିକ ଦଳ ସୋସିଆଲ ମିଡିଆରେ ବିଜ୍ଞାପନ ପ୍ରକାଶିତ କରିବା ପାଇଁ ଚାହୁଁଛନ୍ତି ତେବେ ଏଥିପାଇଁ ତାଙ୍କୁ ଜିଲ୍ଲା ସ୍ତରୀୟ ମିଡିଆ ପର୍ଯ୍ୟବେକ୍ଷକ ସମିତି ଠାରୁ ପ୍ରି-ସାର୍ଟିଫିକେଟ ନେବା ପାଇଁ ପଡିବ । ଏହି ନିୟମ ଇ-ପେପରରେ ମଧ୍ୟ ଲାଗୁ ହେବ ।

ଆଶାୟୀପ୍ରାର୍ଥୀ ସେମାନଙ୍କ ନାମାଙ୍କନ ଦାଖଲ କରିବା ସମୟରେ ଫର୍ମ ନଂ ୨୬ରେ ନିଜ ମୋବାଇଲ, ଇମେଲ୍ ଏବଂ ସୋସିଆଲ ସାଇଟ ଆକାଉଣ୍ଟ ସମ୍ବନ୍ଧରେ ସୂଚନା ଦେବା ପାଇଁ ପଡିବ । ଭାରତୀୟ ନିର୍ବାଚନ ଆୟୋଗର ନିର୍ଦ୍ଦେଶ ଅନୁସାରେ, ଜିଲ୍ଲା ନିର୍ବାଚନ ବିଭାଗ ରାଜନୈତିକ ଦଳ ଏବଂ ଆଶାୟୀମାନଙ୍କୁ ସୋସିଆଲ ମିଡିଆର ଉପଯୋଗକୁ ପାଳନ କରିବା ପାଇଁ ନିର୍ଦ୍ଦେଶ ଜାରି କରିଛନ୍ତି । ଏହି ନିର୍ଦ୍ଦେଶ ଅନୁଯାୟୀ, ରାଜନୈତିକ ଦଳ ଏବଂ ଆଶାୟୀପ୍ରାର୍ଥୀ ମାନଙ୍କୁ ସୋସିଆଲ ମିଡିଆରେ ବିଜ୍ଞାପନ ଦେବା ପାଇଁ ହେଲେ ଅନୁମତି ନେବା ପାଇଁ ପଡିବ । କେବଳ ଏତିକି ନୁହେଁ ନିର୍ବାଚନ ସମ୍ବନ୍ଧୀୟ ଏସଏମଏସ ପଠାଇବାରେ ମଧ୍ୟ ରାଜନୈତିକ ଦଳ ଗୁଡିକ ଉପରେ ପ୍ରତିବନ୍ଧକ ଲାଗିବ ।