ବିଜେପି କହିଲା ଦାମଙ୍କୁ ଜେଲ ପଠାଅ । ଦାମ କହିଲେ, ପ୍ରଭାରୀ ପଦ ଛାଡି ଡିଜିପି ହୋଇଯାଆନ୍ତୁ ଅରୁଣ ସିଂହ
କନକ ବ୍ୟୁରୋ : କୃଷିିମନ୍ତ୍ରୀ ଡାକ୍ତର ଦାମୋଦର ରାଉତଙ୍କୁ ଜେଲ ପଠାଅ ।ଚାଷୀ ପ୍ରସଙ୍ଗରେ ଯେତେ ଚେତାଇଲେ ବି ରାଜ୍ୟ ସରକାର ଚେତୁନାହାନ୍ତି । କିଛି ଏଭଳି ଢଙ୍ଗରେ ଆଜି ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି ରାଜ୍ୟ ବିଜେପି ପ୍ରଭାରୀ ଅରୁଣ ସିଂ । ସେ କହିଛନ୍ତି, ଚାଷୀର ମୈାଳିକ ସମସ୍ୟା ପ୍ରତି ରାଜ୍ୟ ସରକାର ସଚେତନ ହେଉନାହାନ୍ତି ଯାହାର ଜବାବ ଆଗାମୀ ଦିନରେ ରାଜ୍ୟବାସୀ ଦେବେ । ୧୭ ବର୍ଷ ପରେ ବି ଚାଷୀର ସମସ୍ୟା ପ୍ରତି ରାଜ୍ୟ ସରକାର ଉଦାସୀନ । ଏପରିକି ଚାଷୀଙ୍କ ସମସ୍ୟା ପ୍ରତି ରାଜ୍ୟ ସରକାର ଆଖି ବୁଜି ଦେଇଛନ୍ତି ବୋଲି ଅରୁଣ ସିଂହ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଉ ଏହାର ଜବାବରେ କୃଷିମନ୍ତ୍ରୀ ଦାମୋଦର ରାଉତ ଅରୁଣ ସିଂଙ୍କୁ ସମାଲୋଚନା କରି କହିଛନ୍ତି, ପ୍ରଭାରୀ ଦାୟିତ୍ୱ ଛାଡି ପୋଲିସ ଡିଜି ହୋଇଯାଆନ୍ତୁ ଅରୁଣ ସିଂ । ପରୋକ୍ଷ ଭାବେ ଚାଷୀ ଆତ୍ମହତ୍ୟାକୁ ନେଇ ବିଜେପିକୁ ତୀର ମାରିଛନ୍ତି ଦାମ । କହିଛନ୍ତି, ଟଙ୍କା ଦେଇ ବିଜେପି ଯେଉଁ କାର୍ଯ୍ୟ ଭିଆଉଛି, ତାର ପର୍ଦ୍ଦାଫାଶ ହେଲେ ବିଜେପି ଆଉ ମୁହଁ ଦେଖାଇ ପାରିବନି । ଚାଷୀଙ୍କ ପାଇଁ ରାଜ୍ୟ ସରକାର କଣ କରୁଛି, ତାହା ଓଡିଶାର ଚାଷୀକୁଳ ଜାଣିଛି ।
ଗୋଟିଏ ପଟେ ରାଜ୍ୟରେ ଚାଷୀ ଦୁର୍ଦ୍ଦିନର ସାମ୍ନା କରୁଥିବା ବେଳେ ରାଜନୈତିକ ଟଣାଓଟରା କମ ହେବାର ନାଁ ଧରୁନାହିଁ । ପ୍ରଥମେ ମରୁଡି ପରେ ଚକଡା ଆଉ ଏବେ ଅଦିନିଆ ବର୍ଷା ଚାଷୀର ଅବସ୍ଥାକୁ ସଂଗୀନ କରୁଥିବା ବେଳେ ନେତା ରାଜନୀତିର ରୁଟି ସେକିବାରେ ବ୍ୟସ୍ତ ଅଛନ୍ତି । ଚାଷ ଉପରେ ନିର୍ଭର କରୁଥିବା ୭୦ ପ୍ରତିଶତ ଲୋକଙ୍କ ହୃଦୟ ଜିଣିବାକୁ ବାକ୍ୟବାଣ ଚଲାଉଥିବା ନେତା କିନ୍ତୁ ବାସ୍ତବ ସମସ୍ୟା ଠାରୁ ଢେର ଦୁରରେ ରହିଛନ୍ତି ।