କଳାହାଣ୍ଡିରେ ନାବାଳିକାକୁ ଜିଅନ୍ତା ଜାଳିଦେବା ମାମଲା : ଦୁଇ ଅଭିଯୁକ୍ତଙ୍କୁ ୫ ଦିନିଆ ରିମାଣ୍ଡରେ ନେବ କ୍ରାଇମବ୍ରାଂଚ୍
କନକ ବ୍ୟୁରୋ: କଳାହାଣ୍ଡିରେ ନାବାଳିକାଙ୍କୁ ଜୀଅନ୍ତା ପୋଡି ହତ୍ୟା ଘଟଣାରେ ଗିରଫ ଅଭିଯୁକ୍ତଙ୍କୁ ରିମାଣ୍ଡରେ ନେବ କ୍ରାଇମବ୍ରାଂଚ୍ । ମାମଲାର ଦୁଇ ଅଭିଯୁକ୍ତ ପୀଡିତା ନାବାଳିକାଙ୍କ ସମ୍ପର୍କୀୟ ମାମୁଁ ସାନା ସାହୁ ଓ ବୁଲୁ ଦାସଙ୍କୁ ରିମାଣ୍ଡରେ ନେବାକୁ ଅନୁମତି ଦେଇଛନ୍ତି କଳାହାଣ୍ଡି ଏଡିଜେ କୋର୍ଟ । ସେପଟେ ମୃତ୍ୟୁ ସହ ସଂଘର୍ଷରେ ହାରି ଯାଇଛନ୍ତି ପୀଡିତା । ରାଉରକେଲା ଆଇଜିଏଚରେ ଚିକିତ୍ସାଧୀନ ଅବସ୍ଥାରେ ଆଜି ଭୋର ୪ଟା ସମୟରେ ନାବାଳିକାର ମୃତ୍ୟୁ ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ଗତ ବୁଧବାର ଦିନ ସମ୍ପର୍କୀୟ ମାମୁ ନାବାଳିକାକୁ ଦୁଷ୍କର୍ମ ଉଦ୍ୟମ କରି ବିଫଳ ହେବା ପରେ ଜୀଅନ୍ତା ପୋଡି ହତ୍ୟା କରିବାକୁ ଉଦ୍ୟମ କରିଥିଲେ । କଳାହାଣ୍ଡିର ରାମଚନ୍ଦ୍ରପୁର ପଂଚାୟତର ମଧୁପୁର ଗାଁରେ ଘଟିଥିଲା ଏହି ଅଘଟଣ । ତପସ୍ୱୀନୀଙ୍କର ଶରୀର ୮୦ପ୍ରତିଶତ ପୋଡି ଯାଇଥିଲା । ଗୁରୁତର ଅବସ୍ଥାରେ ତାଙ୍କୁ ଭବାନୀପାଟଣା ଡାକ୍ତରଖାନାରୁ ବୁର୍ଲା ବଡ ମେଡିକାଲ ଓ ତାପରେ ରାଉରକେଲା ଆଇଜିଏଚର ବର୍ଣ୍ଣିଂ ୱାଡରେ ଚିକିତ୍ସା କରାଯାଉଥିଲା । ଆଉ ଝିଅର ମୃତ୍ୟୁ ପରେ ଦୋଷୀଙ୍କୁ ଫାଶି ଦିଆଯାଉ ବୋଲି କହିଛନ୍ତି ନାବାଳିକାର ବାପା ।