ମିଳିଲା ୨ ନିଖୋଜ କଂଗ୍ରେସ ବିଧାୟକଙ୍କ ପତ୍ତା । ବେଙ୍ଗଳୁରୁର ହୋଟେଲ ଗୋଲ୍ଡ ଫିଂଚରେ ଆନନ୍ଦ ସିଂ ଓ ପ୍ରତାପ ଗୌଡା ଥିବା ସୂଚନା
କନକ ବ୍ୟୁରୋ: ନିର୍ବାଚନ ଫଳାଫଳ ଆସିବା ପରଠାରୁ ନିଖୋଜ ହୋଇଯାଇଥିବା କଂଗ୍ରେସର ଦୁଇ ବିଧାୟକଙ୍କର ପତା ମିଳିଛି । ବେଙ୍ଗାଲୁରୁର ହୋଟେଲ ଗୋଲ୍ଡ ଫିଂଚରେ ନିଖୋଜ ଦୁଇ କଂଗ୍ରେସ ନେତା ତଥା ଆନନ୍ଦ ସିଂ ଏବଂ ପ୍ରତାପ ଗୌଡ ଥିବା ପୁଲିସକୁ ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖ ଥାଉ କି, ସଂଖ୍ୟା ଗଣିତରେ ଫେଲ ମାରିବା ଭୟରେ ବିଜେପି ଏହି ଦୁଇ ନେତାଙ୍କୁ ଅପହରଣ କରିନେଇଥିବା ଅଭିଯୋଗ କରିଥିଲା କଂଗ୍ରେସ । ତାଙ୍କ ବିରୋଧରେ ଆୟକର ଓ ପ୍ରବର୍ତନ ନିର୍ଦ୍ଦେଶାଳୟ ତଦନ୍ତର ଭୟ ଦେଖାଇ ବିଜେପି ନିଜ ସପକ୍ଷରେ ଭୋଟ ପାଇଁ ବାଧ୍ୟ କରୁଥିବା ଅଭିଯୋଗ କରିଥିଲେ ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସ ବିଧାୟକ ଦଳ ନେତା ସିଦ୍ଧରମୈୟା । ଆନନ୍ଦ ସିଂହଙ୍କୁ ବିଜେପି ଅଜଣା ସ୍ଥାନରେ ନେଇ ଅଟକ ରଖିଛି ଓ ଫ୍ଲୋର ଟେଷ୍ଟ ସମୟରେ ତାଙ୍କୁ ହାଜର କରିବାକୁ ଚକ୍ରାନ୍ତ କରୁଛି ବୋଲି ସେ ଅଭିଯୋଗ ବାଢିଥିଲେ । କିନ୍ତୁ ଆନନ୍ଦ ଫ୍ଲୋର ଟେଷ୍ଟ ସମୟରେ କଂଗ୍ରେସ-ଜେଡିଏସ ମେଂଟକୁ ସମର୍ଥନ କରିବେ ବୋଲି ସେ ଦମ୍ଭୋକ୍ତି କରିଛନ୍ତି ।
ସେହିପରି ମାସ୍କି ଆସନରୁ ବିଜୟୀ କଂଗ୍ରେସ ବିଧାୟକ ପ୍ରତାପ ଗୌଡା ପାଟିଲ ଗତ ବୁଧବାର ବିଧାୟକ ଦଳ ବୈଠକରେ ଯୋଗ ଦେଇଥିଲେ । ରାଜ୍ୟପାଳଙ୍କୁ ଦିଆଯାଇଥିବା ବିଧାୟକଙ୍କ ତାଲିକାରେ ଦସ୍ତଖତ ବି କରିଥିଲେ । ହେଲେ ଗୁରୁବାରଠାରୁ ସେ ନିଖୋଜ ଥିବା ଅଭିଯୋଗ ଆସିଥିଲା ।