କନକ ବ୍ୟୁରୋ : ଗଣତନ୍ତ୍ର ଦିବସ ଅବସରରେ ଗାନ୍ଧି ମାର୍ଗରେ ଯେତେବେଳେ ପରେଡ୍ ଚାଲିଥିଲା ସେତେବେଳେ ସୁରକ୍ଷା ଦାୟିତ୍ୱରେ ଥିବା ଜଣେ ଯବାନ ନିଜ ମହିଳା ବନ୍ଧୁଙ୍କୁ ଏକେ-୪୭ ବନ୍ଧୁକ ଦେଖିବା ପାଇଁ ଦେଇଥିଲେ । ସେହି ସମୟରେ ବନ୍ଧୁକରେ ଗୁଳି ଭର୍ତି ହୋଇ ରହିଥିଲା । ସାଧାରଣତନ୍ତ୍ର ଦିବସରେ ରେକର୍ଡ ହୋଇଥିବା ଏହି ଭିଡିଓ ଏବେ ଭାଇରାଲ୍ ହୋଇଛି । ଏହାପରେ କାର୍ଯ୍ୟରେ ଅବହେଳା ପାଇଁ ଯବାନଙ୍କୁ ସସପେଣ୍ଡ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସାଧାରଣତନ୍ତ୍ର ଦିବସରେ ରାଜଧାନୀର ମହାତ୍ମାଗାନ୍ଧି ମାର୍ଗରେ ରେକର୍ଡ କରାଯାଇଥିବା ଏହି ଘଟଣାର ଦୃଶ୍ୟ ଏବେ ମୋବାଇଲରୁ ମୋବାଇଲକୁ ଘୁରି ବୁଲୁଛି । ଜଣେ ଯବାନଙ୍କ ପାଖରେ ଜଣେ ଯୁବତୀ ମାରତ୍ମକ ଏକେ- ୪୭ ବନ୍ଧୁକକୁ ନିରିଖି ନିରିଖି ଦେଖୁଛନ୍ତି । ବନ୍ଧୁକକୁ ବୁଲାଇ ବୁଲାଇ ବି ଦେଖୁଛନ୍ତି । ତାଙ୍କ ସହ ଆଉ ଜଣେ ଯୁବତୀ ବି ଅଛନ୍ତି । ଯବାନ ଜଣକ କିନ୍ତୁ ବ୍ୟସ୍ତ ହୋଇ ପଡୁଛନ୍ତି, କାଳେ କିଏ କେଉଁଠି ଦେଖିଦେବ । କିନ୍ତୁ ସେ ଜାଣି ନାହାଁନ୍ତି ଏସବୁ ଦୃଶ୍ୟ ମୋବାଇଲରେ ରେକର୍ଡ ହେଉଛି । ଖାଲି ମୋବାଇଲରେ ରେକର୍ଡ ହୋଇନି, ସେ ଜାଣିବା ବେଳକୁ ଭାଇରାଲ ହୋଇଯାଇଛି ଏହି ଭିଡିଓ । ଆଉ ଏହି ଘଟଣା ପରେ, କାଳ ବିଳମ୍ବ ନକରି ତାଙ୍କୁ ସସପେଣ୍ଡ କରି ଦିଆଗଲା ।
ସକାଳେ ଯୁବତୀଙ୍କ ହାତରେ ଏକେ-୪୭ ଦେଲେ, ରାତିରେ ପୋଲିସ ବାବୁଙ୍କ ଚାକିରି ଗଲା ! pic.twitter.com/I0mySpyGc7
— Kanak News (@kanak_news) January 26, 2019
ରୁଷିଆରେ ନିର୍ମିତ ଏହି ଏକେ-୪୭ ବନ୍ଧୁକ ଲକ୍ଷ୍ୟ ଭେଦରେ ସବୁଠାରୁ ସଠିକ ବନ୍ଧୁକ ବୋଲି କୁହାଯାଏ । ୱିକିପିଡିଆର ତଥ୍ୟ ଅନୁସାରେ, ୧୦୦ ମିଟର ପର୍ଯ୍ୟନ୍ତ ମଣିଷ ଆକାରର ବସ୍ତୁକୁ ଲକ୍ଷ୍ୟ କରିବାକୁ ଚାହିଁଲେ ସେଥିରେ ଜମା ଭୁଲ ହେବ ନାହିଁ ବୋଲି କୁହାଯାଏ । ଏକାଥରକେ ୨୦ ରାଉଣ୍ଡ ଗୁଳି ନିକ୍ଷେପ କରିପାରୁଥିବା ଏକେ-୪୭, ବର୍ତମାନ ୧୨ଟି ଦେଶର ସେନା ବ୍ୟବହାର କରନ୍ତି । ୮୦୦ ମିଟର ପର୍ଯ୍ୟନ୍ତ ସହଜରେ ଲକ୍ଷ୍ୟଭେଦ କରିପାରୁଥିବା ଏହି ରୁଷିୟ ବନ୍ଧୁକ ସେଥିପାଇଁ ସବୁଠାରୁ ମାରାତ୍ମକ ବୋଲି ବିଚାର କରାଯାଏ । ଯେତେବେଳେ ପରେଡ୍ ଚାଲିଥିଲା ସେତେବେଳେ ସୁରକ୍ଷା ଦାୟିତ୍ୱରେ ଥିବା ଏହି ଯବାନ ଜଣକ ମହିଳା ବନ୍ଧୁଙ୍କୁ ଏକେ-୪୭ ଦେଖିବା ପାଇଁ ଦେଇଥିଲେ । ଗୁରୁତ୍ୱପୁର୍ଣ୍ଣ କଥା ହେଉଛି ଏହି ସମୟରେ ବନ୍ଧୁକରେ ଗୁଳି ଭର୍ତ୍ତି ହୋଇଥିଲା ।