ଶେଷରେ ଗିରଫ ହେଲା ସୈତାନ ସ୍ୱାମୀ: ବାଜି ହାରିଯିବା ପରେ ସ୍ତ୍ରୀକୁ ଟେକି ଦେଇଥିଲା ପରପୁରୁଷ ହାତରେ
କନକ ବ୍ୟୁରୋ: ବାଲେଶ୍ୱର ବସ୍ତାରେ ଜୁଆ ଖେଳରେ ସ୍ତ୍ରୀକୁ ବାଜି ଲଗାଇବା ଘଟଣାରେ ଅଭିଯୁକ୍ତ ସ୍ୱାମୀକୁ ଗିରଫ କରିଛି ପୁଲିସ । ନିଜ ପତ୍ନୀଙ୍କୁ ବଳାକ୍ରାରୀଙ୍କ ହାତରେ ଟେକି ଦେଇଥିବା ସ୍ୱାମୀ କାର୍ତିକ ପଟ୍ଟାୟତଙ୍କୁ ଗିରଫ କରିଛି ବାଲିଆପାଳ ପୋଲିସ । ଏହା ସହ ଦୁଷ୍କର୍ମ କରିଥିବା ଅଭି ଦଳାଇକୁ ମଧ୍ୟ ପୋଲିସ ଗିରଫ କରିଛି । ଗତ ଦୁଇ ଦିନ ତଳେ ଘଟିଥିଲା ଏହି ଅମାନବୀୟ ଘଟଣା । ଅଭିଯୁକ୍ତ କାର୍ତିକ ନିଜ ପତ୍ନୀଙ୍କୁ ଡାକି ନେଇ ଗାଁର ଅଭି ଦଳାଇ ହାତରେ ଟେକି ଦେଇଥିଲା ।
Kanak News is now on WhatsApp
Join and get latest news updates delivered to you via WhatsApp
କୁହା ଯାଉଛି ଜୁଆ ଖେଳରେ ନିଜ ପତ୍ନୀଙ୍କୁ ବାଜି ଲଗାଇ ହାରିଯିବା ପରେ ପରପୁରୁଷ ହାତରେ ପତ୍ନୀଙ୍କୁ ଟେକି ଦେଇଥିଲା ସ୍ୱାମୀ । ଆଉ କାର୍ତିକର ଉପସ୍ଥିତିରେ ହିଁ ଅଭି ତାଙ୍କ ପତ୍ନୀଙ୍କୁ ବଳାକ୍ରାର କରିଥିଲା । ପ୍ରତିବାଦ କରିବାରୁ ତାଙ୍କ ମୁହଁରେ କନା ବିଣ୍ଡା ଭର୍ତି କରି ଦିଆଯାଇଥିଲା । ଏହା ପରେ କାର୍ତିକ ଏ ବିଷୟରେ କାହାକୁ ନକହିବା ପାଇଁ ଧମକ ଦେଇଥିଲା । ତେବେ ପତ୍ନୀ ନିଜ ବାପଘର ଲୋକଙ୍କୁ ଏ ସଂପର୍କରେ ଜଣାଇବା ପରେ କାର୍ତିକ ତାଙ୍କୁ ପ୍ରବଳ ମାଡ ମାରିଥିଲା ।
ଉଲ୍ଲେଖ ଥାଉ କି, କଳିଯୁଗର ପାଣ୍ଡବ ସାଜିଥିବା କାର୍ତିକ ଯିଏ ଜୁଆ ପାଇଁ ପତ୍ନୀକୁ ବାଜି ଲଗାଇ ଦେଇଥିଲା । ଜୁଆ ଖେଳରେ ହାରିଯିବା ପରେ ନିଜ ପତ୍ନୀକୁ ପରପୁରୁଷ ହାତରେ ଟେକି ଦେଇଥିଲା । ଆଉ ଜୁଆ ଖେଳରେ ବାଜି ଜିତିଥିବା ରାକ୍ଷସମାନେ ସ୍ୱାମୀର ଉପସ୍ଥିତିରେ ମହିଳାଙ୍କ ଇଜ୍ଜତ ସହ ଖେଳିଥିଲେ ଅତି ଅମାନବୀୟ ଖେଳ । ଏପରିକି କୁରୁସଭା ଭଳି ମଧ୍ୟ ଏଠାରେ ମୁହଁ ଖୋଲିନଥିଲା କଳିଯୁଗର ପାଣ୍ଡବ କାର୍ତିକ । ମହାଭାରତରେ ଯେମିତି ଭାଇ ବୋହୂଙ୍କ ଇଜ୍ଜତ ସହ ଖେଳଖେଳିବାକୁ ପଛାଇ ନଥିଲା ଦୁର୍ୟ୍ୟୋଧନ, ଠିକ୍ ଏଠି ବି ସଂପର୍କୀୟ ଭାଇ, ଭାଇବୋହୂର ଇଜ୍ଜତ ସହ ଖେଳିଗଲା ଏକ ସଂଘାତିକ୍ ଖେଳ । ବାଲେଶ୍ୱର ଜିଲ୍ଲାରେ ଘଟିଥିବା ଏହି ଘଟଣା ଏବେ ସାରା ରାଜ୍ୟକୁ ଦୋହଲାଇ ଦେଇଛି ।