କନକ ବ୍ୟୁରୋ : ଉଦଳା ଅଂଚଳରୁ ଗହଣା ଚୋରି କରି ଖସି ପଳାଉଥିବା ବେଳେ ୨ ଡକାୟତଙ୍କୁ ନୀଳଗିରି ପୋଲିସ କାବୁ କରିଛି । ସଂଧ୍ୟା ୮ଟା ସମୟରେ ଉଦଳାସ୍ଥିତ ଏକ ଗହଣା ଦୋକାନରେ ବୋମା ମାଡ଼ ସହ ଗୁଳି ଚଳାଇ ଗହଣା ଚୋରିକରି ନୀଳଗିରି ଦେଇ ଫେରାର ହେଉଥିବା ବେଳେ ନୀଳଗିରି ପୋଲିସ ଚଢ଼ାଉ ଆରମ୍ଭ କରିଥିଲା । ଗହଣା ଦୋକାନରୁ ଚୋରି ହେବା ପରେ ପୋଲିସ ପୂରା ଅଞ୍ଚଳକୁ ଘେରାବନ୍ଦି କରି ନେଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସଦନାଗଡ଼ ଅଂଚଳରେ ଚେକିଂ ଚାଲିଥିବା ବେଳେ ଗୋଟିଏ ବାଇକରେ ଦୁଇଜଣ ଦୁର୍ବୃତ ଆସି ପୋଲିସ ଉପରକୁ ଫଲ୍ସ ଫାଇରିଂ କରି ସନ୍ତରାଗଡ଼ିଆ ଅଂଚଳକୁ ଚାଲିଯାଇଥିଲେ । ତେବେ ଏହି ସମୟରେ ଆଉ ଏକ ପଲସର ଗାଡ଼ି କପ୍ତିପଦା ଆଡ଼କୁ ମୁହାଁଇଥିଲା । ଏହି ସମୟରେ ଛତ୍ରପୁର ଅଂଚଳର ଏକ ହମ୍ପସରେ ବାଇକ ପଡ଼ିଯିବା ପରେ ପୋଲିସ ଓ ସ୍ଥାନୀୟ ଲୋକେ ୨ ଡକାୟତଙ୍କୁ କାବୁ କରିଥିଲେ । ଘଟଣାସ୍ଥଳରୁ ଜଣେ ଦୁର୍ବୃତ ଖସି ପଳାଇଥିବା ବେଳେ ଅନ୍ୟ ଦୁଇ ଜଣଙ୍କୁ ପୋଲିସ ଗିରଫ କରିଛି ।
ସେମାନଙ୍କଠାରୁ ଏକ ପଲସର ବାଇକ୍ ଓ ଏକ ରିଭରଭଲ ପୋଲିସ ଜବତ କରିଛି । ଉଦଳା ଥାନା ଛକରେ ଥିବା ଗହଣା ଦୋକାନ ଉପରକୁ ବୋମା ଓ ଗୁଳି ମାଡ କରିବା ଫଳରେ ଜଣେ କର୍ମଚାରୀ ଆହତ ହୋଇଛନ୍ତି । ତାଙ୍କୁ ଗୁରୁତର ଅବସ୍ଥାରେ ପ୍ରଥମେ ଉଦଳା ଓ ପରେ କଟକ ଡାକ୍ତରଖାନା ସ୍ଥାନାନ୍ତର କରାଯାଇଛି ।