ଆସାମରେ ମଦର ତାଣ୍ଡବ । ବିଷାକ୍ତ ଦେଶୀମଦ ପିଇ ୧୧୦ ମୃତ, ୩୦ରୁ ଅଧିକ ମହିଳାଙ୍କ ସମେତ ଶତାଧିକ ଅସୁସ୍ଥ ହୋଇ ମେଡିକାଲରେ ଭର୍ତି
ଆସାମରେ ସଙ୍ଗିନ ହେଲା ମଦମୃତ୍ୟୁ ଘଟଣା
କନକ ବ୍ୟୁରୋ : ଆସାମରେ ସଙ୍ଗିନ ହେଲା ମଦମୃତ୍ୟୁ ଘଟଣା । ଆସାମର ଗୋଲହାଟ୍ ଓ ଜୋରହାଟ୍ ଜିଲ୍ଲାରେ ବିଷାକ୍ତ ଦେଶୀ ମଦ ପିଇ ୧୧୦ ଜଣଙ୍କ ମୃତ୍ୟୁ ହୋଇଛି । ଏଥିସହ ୨୦୦ରୁ ଅଧିକ ବ୍ୟକ୍ତି ଡାକ୍ତରଖାନାରେ ଭର୍ତି ହୋଇଥିବା ଜଣାପଡ଼ିଛି । ରାଜ୍ୟ ସରକାର ମୃତକଙ୍କ ପରିବାରକୁ ୨ ଲକ୍ଷ ଟଙ୍କାର ଅନୁକମ୍ପା ମୂଳକ ସହାୟତା ରାଶି ଘୋଷଣା କରିଥିବା ବେଳେ ଆକ୍ରାନ୍ତଙ୍କୁ ୫୦ ହଜାର ଟଙ୍କାର ଚିକିତ୍ସା ସହାୟତା ଘୋଷଣା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ମୃତକଙ୍କ ସଂଖ୍ୟା ବଢ଼ୁଥିବାରୁ ରାଜ୍ୟ ସରକାର ଦେଶୀ ମଦ ପ୍ରସ୍ତୁତିରେ ବ୍ୟବହୃତ ନାଲି ଗୁଡ଼କୁ ନିଶିଦ୍ଧ କରା ଯାଇଛି । ସେପଟେ ଏହି ଘଟଣାରେ ୧୨ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି । ସେହିପରି ରାଜ୍ୟରେ ୧୫ ହଜାର ଲିଟର୍ ଦେଶୀ ମଦ ନଷ୍ଟ କରାଯାଇଥିବା ଜଣାପଡ଼ିଛି । ତେବେ ଏପରି ଭାବରେ ବିଶାକ୍ତ ମଦ ପିଇ ପୂର୍ବରୁ ୟୁପି ଓ ଉତ୍ତରାଖଣ୍ଡରେ ଅନେକ ଲୋକ ପ୍ରାଣତ୍ୟାଗ କରିଥିଲେ । ହେଲେ ବିଷାକ୍ତ ମଦ କେଉଁଠାରୁ ଆସିଲା ତାହାର ତଦନ୍ତ ଚାଲିଥିବା ଜଣାପଡିଛି ।