ସାବଧାନ ମାଛ ନାଁରେ ଆଉ ବିଷ ଖାଉନାହାନ୍ତି ତ ? ତେବେ କିଭଳି ଚିହ୍ନିବେ ଏହି ବିଷାକ୍ତ ମାଛକୁ ଆସନ୍ତୁ ଜାଣିବା ।
ଭାରତ ଏକ କୃଷି ପ୍ରଧାନ ଦେଶ ହୋଇଥିଲେ ହେଁ ଏଠାକାର ଅଧିକାଂଶ ଲୋକେ ଆମିଷ ପ୍ରିୟ ହୋଇଥାନ୍ତି । ତେବେ କିଛି ଲୋକ ମାଂସାହାରୀ ହୋଇଥିବା ବେଳେ ଆଉ କିଛି ଲୋକ ମାଛ ଖାଇବାକୁ ପସନ୍ଦ କରିଥାନ୍ତି । କିନ୍ତୁ ବେଳେବେଳେ ବିଷାକ୍ତ ମାଛ ଖାଇବା ଦ୍ୱାରା ବିଭିନ୍ନ ପ୍ରକାର ରୋଗ ହେବା ସହ ଡାକ୍ତରଖାନାର ଚକ୍କର କାଟିବା ଭଳି ପରିସ୍ଥିତି ଆସି ପହଞ୍ଚିଯାଏ ।
Kanak News is now on WhatsApp
Join and get latest news updates delivered to you via WhatsApp
ସଜ ମାଛର ଏଭଳି ଚାଂଚଲ୍ୟକର ସତ ସାମ୍ନାକୁ ଆସିବା ପରେ ସ୍ୱାଭାବିକ ଭାବରେ ପ୍ରଶ୍ନ ଉଠୁଛି କେଉଁ ମାଛରେ ରହିଛି ବିଷ, ଏବଂ ତାହା ଆପଣ ଜାଣିବେ କେମିତି । ତାଜା ମାଛ ନାଁରେ ଆପଣଙ୍କୁ ବିକ୍ରି କରାଯାଉଥିବା କେମିକାଲ ମିଶା ମାଛକୁ ଚିହ୍ନିବେ କିଭଳି ? ତେବେ ଆମେ ଆପଣଙ୍କୁ ଏ ବିଷୟରେ କିଛି ଟିପ୍ସ ଦେବାକୁ ଯାଉଛୁ ଯାହାଦ୍ୱାରା ଆପଣଙ୍କୁ ବିଷାକ୍ତ ମାଛ ଚିହ୍ନିବାରେ ଅସୁବିଧା ହେବନାହିଁ ।
୧. ମାଛରେ ‘ଫର୍ମାଲ୍ ଡିହାଇଡ’ ମିଶାଯାଇଥିଲେ ଏହା ସାଧାରଣ ମାଛଠାରୁ ଅଧିକ ଟାଣୁଆ ଲାଗିବ ।
୨.କେମିକାଲ ମିଶା ମାଛକୁ ଚୋବାଇବା ସମୟରେ ଏହା ରବର ଭଳି ଲାଗିବ ।
୩.କେମିକାଲ ମିଶା ମାଛର କାତି ମଧ୍ୟ ସଜ ମାଛଠାରୁ ଅଧିକ ଟାଣୁଆ ।
୪.ମାଛର ଗାଲି ଅତ୍ୟଧିକ ଲାଲ ଓ ଆଖି ଅଧିକ ସଫା ।
୫. ମାଛ ଭାଜିବା ସମୟରେ ଯେଉଁ ବାସ୍ନା ଆସେ, କେମିକାଲ ମିଶା ମାଛର ବାସ୍ନା ତାଠାରୁ ଭିନ୍ନ ରହିବ ।
୬. ଜିଅନ୍ତା ମାଛରେ କୌଣସି କେମିକାଲ ମିଶାଯାଇନଥିବା ସମ୍ଭାବନା ଅଧିକ ।