ମୋଦିଙ୍କୁ ଭରସା ନମୋ ଆପ୍ ! ମହାମେଣ୍ଟକୁ ନେଇ କ’ଣ ଭାବୁଛନ୍ତି ଦେଶବାସୀ, ମତାମତ ରଖିବାକୁ ଅନୁରୋଧ ।

କନକ ବ୍ୟୁରୋ: ୨୦୧୯ ନିର୍ବାଚନୀ ବୈତରଣୀ ପାର୍ ହେବାପାଇଁ ମୋଦିଙ୍କୁ ଭରସା ଏବେ ନମୋ ଆପ୍ । ଯେଉଁଥିରେ ଦେଶବାସୀଙ୍କ ମୁଡ଼୍ ବର୍ତ୍ତମାନ ସମୟରେ କ’ଣ ରହିଛି ତାକୁ ନେଇ ନମୋ ଆପ୍ ରେ ମତାମତ ଲୋଡ଼ିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବିଗତ ସାଢ଼େ ୪ ବର୍ଷରେ ମୋଦି ସରକାରଙ୍କ ବିଭିନ୍ନ ଯୋଜନା ଏବଂ ନିଷ୍ପତିକୁ ଦେଶବାସୀ କେଉଁଭଳି ବିଚାର କରୁଛନ୍ତି ସେମାନେ ଏହି ଆପରେ ମତାମତ ଦେବାକୁ ମୋଦି ଆଜି ଆମନ୍ତ୍ରଣ କରିଛନ୍ତି । ଏପରିକି କେଉଁ ଅଞ୍ଚଳରେ ମହାମେଣ୍ଟ ସରକାରର ଆବଶ୍ୟକତା ରହିଛ ତାହାର ମଧ୍ୟ ମତାମତ ଦେବାକୁ ଏକ ସର୍ଭେ କରୁଛନ୍ତି ମୋଦି ।

Kanak News is now on WhatsApp

Join and get latest news updates delivered to you via WhatsApp

Join Now

ଆସନ୍ତା ଲୋକସଭା ନିର୍ବାଚନରେ ବିଜେପି ଶାସିତ ରାଜ୍ୟରେ ବିଜେପି ବିରୋଧୀ ହାୱା ବହିବ ବୋଲି ଚର୍ଚ୍ଚା ହେଉଛି । ଏବଂ ଏହାର ନଜୀର ମଧ୍ୟ ଉତ୍ତରପ୍ରଦେଶରେ ସପା-ବିଏସପି ମହାମେଣ୍ଟରୁ ଜଣାପଡ଼ିଛି । ଯାହାକୁ ନେଇ ଚିନ୍ତାରେ ବିଜେପି କ୍ୟାମ୍ପ । ଗତ କିଛି ଦିନ ତଳେ ବିଜେପି ଜାତୀୟ କାର୍ଯ୍ୟକାରିଣୀ ବୈଠକରେ ମେଣ୍ଟ ସରକାର ଦୁର୍ବଳ ସରକାର କହି ସମାଲୋଚନା କରିଥିଲେ ମୋଦି । ତେଣୁ କେଉଁ ରାଜ୍ୟରେ ମହାଗଠବନ୍ଧନ ହେବାର ଆବଶ୍ୟକତା ରହିଛି ଏବଂ କାହିଁକି ଏନେଇ ଭୋଟରଙ୍କୁ ଠାରୁ ନମୋ ଆପ୍ ଜରିଆରେ ମତାମତ ଲୋଡ଼ିଛନ୍ତି ମୋଦି । ଏହାକୁ ନେଇ ନମୋ ଆପ୍ ରେ ଏକ ସର୍ଭେ ହେଉଛି, ଯେଉଁଥିରେ ନିଜ ଅଞ୍ଚଳରେ ଚର୍ଚ୍ଚିତ ବିଜେପି ନେତା କିଏ? ବିଜେପି ସରକାରରେ ଦେଶରୁ ଉନ୍ନତି ହେଉଛି ନା ନାହିଁ ? ଆପଣ ବିଜେପିରେ ଜଣେ ସ୍ୱଚ୍ଛାସେବକ ଭାବେ ଯୋଗଦେବେ କି ଏଭଳି ୯ଟି ପ୍ରଶ୍ନକୁ ନେଇ ନମୋ ଆପରେ ସର୍ଭେ କରାଯାଉଛି ।

I want your direct feedback on various issues…take part in the survey on the ‘Narendra Modi Mobile App.’ pic.twitter.com/hdshOPnOEY

— Narendra Modi (@narendramodi) January 14, 2019

ବିଜେପି ଶାସିତ ୩ ରାଜ୍ୟର କ୍ଷମତା ହାତରୁ ଯିବାପରେ ଏବେ ବିଜେପି ବିରୋଧରେ ବଳ କଷୁଛନ୍ତି ବିରୋଧୀ । ଯାହାକୁ ନେଇ ବିଜେପି ଶିବିରରେ ଛନକା ପଶିଛି, ଏହାକୁ ପ୍ରତିରୋଧ କରି ମିଶନ୍ ୨୦୧୯ ପୂରଣ କରିବାକୁ ମୋଦିଙ୍କୁ ଏବେ ଭରସା ନମୋ ଆପ୍ । ଏନେଇ ଖୋଦ୍ ମୋଦି ନିଜ ଟ୍ୱିଟ୍ ଜରିଆରେ ନମୋ ଆପ୍ ରେ ମତାମତ ଦେବାକୁ ଅନୁରୋଧ କରିଛନ୍ତି । ଯାହାକୁ ନେଇ ଏବେ ଜାତୀୟ ରାଜନୀତିରୁ ଆରମ୍ଭ କରି ରାଜ୍ୟ ରାଜନୀତିରେ ହଟଚମଟ ସୃଷ୍ଟି ହୋଇଛି । ଅନ୍ୟପଟେ ମୋଦିଙ୍କର ଏଭଳି ନମୋ ଆପ୍ ରେ ମତାମତ ଦେଶବାସୀଙ୍କୁ ମୁଡ଼ ବତ୍ତମାନ କ’ଣ ରହିଛି ତାହା ସ୍ପଷ୍ଟ କରିଦେବ । ଯାହାକୁ ନେଇ ବିଜେପି କାହା ସହିତ ଗଠବନ୍ଧନ କରିବା ନା ନାହିଁ ସେଭଳି କିଛି ସମୀକରଣ ମଧ୍ୟ ଦେଖିବାକୁ ମିଳିବ ।