ପ୍ରଧାନମନ୍ତ୍ରୀ ମୋଦି ଲଂଚ କଲେ ଉମଙ୍ଗ୍ ଆପ୍ ! ଯୋଗାଇବ ୧୦୦ରୁ ଉର୍ଦ୍ଧ୍ୱ ସେବା
ପ୍ରଧାନମନ୍ତ୍ରୀ ମୋଦି ଡିଜିଟାଲ ନେଣଦେଣ ଉପରେ ଅଧିକ ଗୁରୁତ୍ୱ ଦେଉଛନ୍ତି । ବିମୁଦ୍ରାକରଣର ବର୍ଷେ ପରେ ୧୮୦୦ କୋଟି ଛୁଇଁଛି ଡିଜିଟାଲ ନେଣଦେଣ । ମୋବାଇଲ ପେମେଣ୍ଟ, ପେପର ଭାଇଚର, ମୋବାଇଲ ବ୍ୟାଙ୍କିଂ ମଧ୍ୟ ଏକ ବର୍ଷ ମଧ୍ୟରେ ୧୨୨ ପ୍ରତିଶତ ବଢ଼ିଛି । ଡିଜିଟାଲ କାରବାରକୁ ପ୍ରୋତ୍ସାହିତ କରିବା ପାଇଁ ବିଭିନ୍ନ ସମୟରେ ଆପ୍ ଲଂଚ ହେଉଛି । ତେବେ ଆଜି ମୋଦି ଭିନ୍ନ ଭିନ୍ନ ସରକାରୀ ସେବା ପର୍ଯ୍ୟନ୍ତ ସହଜରେ ପହଞ୍ଚିବା ପାଇଁ ଏକ ଆପ୍ ଲଂଚ କରିଛନ୍ତି । ଏହି ଆପର ନାମ ହେଲା ଉମଙ୍ଗ ଆପ୍ । ଏହି ଆପକୁ ୨୦୧୬ରେ ଲଂଚ କରାଯିବା ପାଇଁ ଘୋଷଣା କରାଯାଇଥିବଲା । ତେବେ କୌଣସି କାରଣବଶତଃ ଅଟକି ଯାଇଥିଲା କାମ । ଏହି ଆପ ସମସ୍ତ ସରକାରୀ କାମ ପାଇଁ ବହୁତ ଦରକାରୀ ।
Kanak News is now on WhatsApp
Join and get latest news updates delivered to you via WhatsApp
ଉମଙ୍ଗ୍ ଆପକୁ ଡାଉନଲୋଡ଼ କରିବା ପରେ ପ୍ରୋଭିଡେଣ୍ଟ ଫଣ୍ଡ୍, ନ୍ୟାସନାଲ ପେନସନ ସିଷ୍ଟମ(ଏନପିଏସ)ର ବିସ୍ତୃତ ବିରଣୀ, ଗ୍ୟାସ ସିଲିଣ୍ଡର ବୁକିଂ କରବା, ନୂଆ ପାନକାର୍ଡ଼ ତିଆରି କରବା ପାଇଁ କିମ୍ବା ବିଜୁଳ ବିଲ୍ ଦାଖଲ ପାଇଁ ବ୍ୟବହାର କରିପାରିବେ । ଆପଣ ଏହି ଆପ୍ ସାହାଯ୍ୟରେ ଘରେ ବସି ସବୁ କାମ କରିପାରିବେ । ଉମଙ୍ଗ ଆପ୍ ଜରିଆରେ ଗୋଟିଏ ସ୍ଥାନରେ ଥାଇ ୧୦୦ରୁ ଅଧିକ ସେବାର ଲାଭ ଉଠାଇ ପାରିବେ । ଭିନ୍ନ ଭିନ୍ନ ସରକାରୀ ସେବା ପାଇଁ ଆପଣଙ୍କୁ ଭିନ୍ନ ଭିନ୍ନ ଆପ୍ ଡାଉନଲୋଡ଼ କରିବା ପାଇଁ ପଡ଼ିବ ନାହିଁ । ବିଭିନ୍ନ କାମ ପାଇଁ କେବଳ ଉମଙ୍ଗ୍ ଆପ୍ ହିଁ ଡାଂଉନଲୋଡ଼ କରିବା ପାଇଁ ପଡ଼ିବ ।
ଏହି ଆପକୁ ଇଲୋକ୍ରୋନିକ୍ସ ଏବଂ ଆଇଟି ମନ୍ତ୍ରାଳୟ ଓ ନ୍ୟାସନାଲ ଇ-ଗର୍ଭନାସ ଡିଭିଜନ ବିକଶିତ କରିଛି । ଏବେ ଯଦି ଆପଣ ଉମଙ୍ଗ୍ ଆପ୍ ଡାଉନଲୋଡ଼୍ କରୁଛନ୍ତି, ତେବେ ଏଥିରେ ପ୍ରଥମେ ଆପଣଙ୍କୁ ନିଜର ଆଧାର ନମ୍ବର ଲିଙ୍କ କରିବା ପାଇଁ କୁହାଯିବ । ତେବେ ବିନା ଆଧାର ଯୋଡ଼ି ମଧ୍ୟ ଆପଣ ଏହି ଆପ ବ୍ୟବହାର କରିବାପାରିବେ ।
କେମିତି କରିବେ ଡାଉନଲୋଡ଼୍ – ଉମଙ୍ଗ୍ ଆପ୍ ସମସ୍ତ ମୋବାଇଲ ପ୍ଲାଟଫର୍ମରେ ଉପଲବ୍ଧ । ଏହା ବ୍ୟତୀତ ଇପିଏଫଓ ୱେବସାଇଟରୁ ଏହି ଆପକୁୁ ଡାଉଲୋଡ଼ କରିପାରିବେ । ୟୁଜର ୯୭୧୮୩-୯୭୧୮୩କୁ ମିସକଲ କରି ଏହି ଆପର ଲିଙ୍କ ପାଇ ପାରିବେ । ଏହି ଆପ ୧୩ ଟି ଭିନ୍ନ ଭିନ୍ନ ଭାଷାରେ ସେବା ପ୍ରଦାନ କରୁଛି । ତେବେ ଆସନ୍ତୁ ଜାଣିବା ଉମଙ୍ଗ ଆପ୍ ଜରିଆରେ ଆପଣ କେଉଁ କେଉଁ ସେବାର ଲାଭ ଉଠାଇ ପାରିବେ –
ନୂଆ ପାନକାର୍ଡ଼ ତିଆରି କରିପାରିବେ – ଉମଙ୍ଗ୍ ଆପ୍ ବ୍ୟବହାର କରି ନୂଆ ପାନକାର୍ଡ଼ ପାଇଁ ଆବେଦନ କରିହେବ । ଯଦି କେହି ପାନକାର୍ଡ଼ ପାଇଁ ଆବେଦନ କରିଛନ୍ତି ସାରିଛନ୍ତି, ତେବେ ଏହି ଆପ ମାଧ୍ୟମରେ ନିଜର ଷ୍ଟାଟସ ଚେକ୍ କରିପାରିବେ ।
ଏନପିଏସ୍ ଆକାଉଂଟର ଟଙ୍କା ଚେକ୍ କରିପାରିବେ – ନ୍ୟାସନାଲ ପେସନ୍ ସିଷ୍ଟମ୍ ଆକାଉଂଟ ଥିଲେ, ଏହି ଆପ୍ ସାହାଯ୍ୟରେ ହୋଲ୍ଡିଙ୍ଗସ, ଆକାଉଂଟ ବବରଣୀ ଆଦି ତଥ୍ୟ ହାସଲ କରିପାରିବେ । ଏହି ଆପ୍ ବ୍ୟବହାର କରି କିଛି ସେବାର ଠିକଣା ମଧ୍ୟ ବଦଳାଇପାରିବେ ।
ଚାକିରି ପାଇଁ ଆବେଦନ- ଚାକିରି ପାଇଁ ଆଶାୟୀ ପ୍ରାର୍ଥୀ ମାନଙ୍କ ଏହି ଆପ୍ ବହୁତ ସାହାଯ୍ୟ କରିବ । ଉମଙ୍ଗ୍ ଆପ ଜରିଆରେ ପ୍ରଧାନମନ୍ତ୍ରୀ କୌଶଳ ବିକାଶ ଯୋଜନା ଅନୁସାରେ ଆପଣ ରେଜିଷ୍ଟର କରାଇପାରିବେ ।
ବୁକିଂ କରିପାରିବେ ଗ୍ୟାସ ସିଲିଣ୍ଡର- ଏଚପି, ଇଣ୍ଡେନ୍ ଓ ଭାରତ ଗ୍ୟାସ ପରି ସେବା ଉମଙ୍ଗ ଆପରେ ଜରିଆରେ କରିପାରିବେ । ସବସ୍କ୍ରାଇବର ସିଲିଣ୍ଡର ରିଫିଲ ବୁକିଂ ବ୍ୟତୀତ ସିଲିଣ୍ଡର ପାଇଁ ମଧ୍ୟ ଏହି ଆପ୍ ଜରିଆରେ ଆବେଦନ କରିପାରିବେ ।
ଉପରୋକ୍ତ ସେବା ବ୍ୟତୀତ ଆଉ ଅନେକ ସେବା ପାଇଁ ଆପଣ ଉମଙ୍ଗ୍ ଆପର ବ୍ୟବହାର କରିପାରିବେ । ତେବେ ବତ୍ତର୍ମାନ ସକରାର ଏହି ଆପର ଆଉ ଏକ ରିଭାଇଜନ ଭର୍ସନ ଲଆଣିବା ପାଇଁ ପ୍ରସ୍ତୁତି ଚାଲୁ ରଖିଛନ୍ତି, ଯେଉଁଠି ଆଉ ଅନେକ ସେବା ସାମିଲ ହେବ ।