ଇମ୍ରାନଙ୍କ ଚିିଠିର ଜବାବ ଦେଲେ ମୋଦି ! କହିଲେ ଆତଙ୍କବାଦୀଙ୍କ ସହ ସମ୍ପର୍କ ଛିନ୍ନ କଲେ ହେବ ଦ୍ୱିପାକ୍ଷିକ କଥାବାର୍ତା , ଆଲୋଚନା ପାଇଁ ଗତ ସପ୍ତାହରେ ମୋଦିଙ୍କୁ ଚିଠି ଲେଖିଥିଲେ ପାକ୍ ପ୍ରଧାନମନ୍ତ୍ରୀ ।
ପାକିସ୍ତାନ ପ୍ରଧାନମନ୍ତ୍ରୀଙ୍କ ଚିଠିର ଉତ୍ତର ରଖିଲେ ମୋଦି । ଇମରାନ ଖାନ ପ୍ରଧାନମନ୍ତ୍ରୀ ମୋଦିଙ୍କୁ ଚିଠି ଲେଖିଥିବାବେଳେ ତାର ଜବାବ ରଖିଛନ୍ତି ନରେନ୍ଦ୍ର ମୋଦି । ଇମରାନ ଖାନଙ୍କୁ ମୋଦି ଚିଠି ଲେଖି କହିଛନ୍ତି ଯେ ପ୍ରଥମେ ଆତଙ୍କବାଦୀଙ୍କ ସାଥ୍ ଛାଡ,ତାପରେ ଯାଇ କୌଣସି ଆଲୋଚନା ହେବ । ଦୁଇ ଦେଶ ମଧ୍ୟରେ ଅନୁକୂଳ ବାତାବରଣ ଉପରେ ପୁନର୍ବିଚାର ଆବଶ୍ୟକତା ରହିଛି । କିନ୍ତୁ ଏସବୁ ସମ୍ଭବ ସେତେବେଳେ ହେବ ଯେତେବେଳେ ତୁମେ ଆତଙ୍କବାଦ ରାସ୍ତା ଛାଡିବ ।
Kanak News is now on WhatsApp
Join and get latest news updates delivered to you via WhatsApp
ଏଥିସହ ମୋଦି ଲେଖିଛନ୍ତି ଭାରତ ତାର ସମସ୍ତ ପଡୋଶୀ ଦେଶ ସହ ଉତ୍ତମ ସମ୍ପର୍କ ସ୍ଥାପନ କରିବାକୁ ଚାହୁଁଛି । ସୀମାର ବିକାଶ ପାଇଁ ଶାନ୍ତି ଓ ସ୍ଥିରତାର ଆବଶ୍ୟକତା ରହିଛି । ଭାରତ ପାଇଁ ସବୁବେଳେ ଜନତାଙ୍କ ବିକାଶ ପ୍ରାଥମିକତା ହୋଇ ରହିଆସିଛି । ପାକିସ୍ତାନ ସବୁବେଳେ ଭାରତ ସହ ଆଲୋଚନା କରିବା କଥା କହି ଆସୁଛି । କିନ୍ତୁ ଭାରତର ଷ୍ଟାଣ୍ଡ ସଫା । ଯେପର୍ଯ୍ୟନ୍ତ ପାକିସ୍ତାନ ଆତଙ୍କବାଦୀଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନନେଇଛି ସେପର୍ଯ୍ୟନ୍ତ କୌଣସି ଆଲୋଚନା ହେବ ନାହିଁ । ଗତ କିଛି ଦିନ ତଳେ କିର୍ଗିଜସ୍ତାନ ରାଜଧାନୀରେ ଆୟୋଜିତ ସଂଘାଇ କର୍ପୋରେସନ ଅର୍ଗାନାଇଜେସନ ବା ଏସସିଓ ସମ୍ମିଳନୀରେ ମୋଦିଙ୍କ ସହ ଇମରାନ ଖାନଙ୍କ ସାକ୍ଷାତ ହୋଇଥିଲା ।