ସିଏଏ ବିରୋଧୀ ହିଂସାକୁ ପ୍ରଧାନମନ୍ତ୍ରୀଙ୍କ ନିନ୍ଦା : ସର୍ବସାଧାରଣ ସମ୍ପତ୍ତି ନଷ୍ଟ ଓ ହିଂସାତ୍ମକ ପ୍ରଦର୍ଶନ ଦୁର୍ଭାଗ୍ୟଜନକ, ଶାନ୍ତି ବଜାୟ ରଖିବାକୁ ଦେଶବାସୀଙ୍କୁ ଅନୁରୋଧ କଲେ ମୋଦି
କନକ ବ୍ୟୁରୋ : ନାଗରିକତା ସଂଶୋଧନ ଆଇନକୁ ବିରୋଧ କରି ସାରାଦେଶରେ ବିରୋଧ ପ୍ରଦର୍ଶନ ହେଉଛି । ସାରା ଦେଶରେ ଆକ୍ଟ ବିରୋଧୀ ହିଂସାକାଣ୍ଡରେ ବ୍ୟଥିତ ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ହିଂସାତ୍ମକ ପ୍ରଦର୍ଶନ ନେଇ ଟ୍ୱିଟ୍ କରିଛନ୍ତି ନରେନ୍ଦ୍ର ମୋଦି । ଦେଶରେ ଶାନ୍ତି ବଜାୟ ରଖିବାକୁ ଦେଶବାସୀଙ୍କୁ ବିନୀତ ଅନୁରୋଧ କରିଛନ୍ତି । ନାଗରିକତା ସଂଶୋଧନ ଆଇନ ବିରୋଧରେ ହେଉଥିବା ହିଂସାତ୍ମକ ପ୍ରଦର୍ଶନ ନିନ୍ଦନୀୟ ।
Kanak News is now on WhatsApp
Join and get latest news updates delivered to you via WhatsApp
ସିଏଏ ବିରୋଧୀ ହିଂସାକୁ ପ୍ରଧାନମନ୍ତ୍ରୀଙ୍କ ନିନ୍ଦା । ବିତର୍କ, ଆଲୋଚନା, ମତଭେବ ଗଣତନ୍ତ୍ରର ଅଂଶବିଶେଷ । ହେଲେ ସର୍ବସାଧାରଣ ସମ୍ପତ୍ତି ଓ ଜନଜୀବନ ପ୍ରଭାବିତ କରିବା ଅନୁଚିତ । ପ୍ରଧାନମନ୍ତ୍ରୀ କହିଛନ୍ତି, ଏବେ ଶାନ୍ତି ବଜାୟ ରଖିବା ସହ ଏକତା ଦେଖାଇବାର ସମୟ । କୌଣସି ମିଛ କାହାଣୀ ପ୍ରଘଟ ନକରିବାକୁ ଦେଶବାସୀଙ୍କ ଉଦ୍ଦେଶ୍ୟରେ ମୋଦି ଅପିଲ କରିଛନ୍ତି ।
ମୋଦି ଲେଖିଛନ୍ତି, ନାଗରିକତା ସଂଶୋଧନ ଆକ୍ଟ ୨୦୧୯, ସଂସଦରେ ଉଭୟ ସଦନରେ ପାସ୍ କରାଯାଇଛି । ରାଜନୈତିକ ଦଳ ଓ ସାଂସଦମାନଙ୍କ ବିପୁଳ ସମର୍ଥନ ପରେ ଏହା ଆଇନରେ ପରିଣତ ହୋଇଛି । ଏହି ଆଇନ୍ ପ୍ରାଚୀନ ସଂସ୍କୃତି ଓ ଭାଇଚାରାର ସନ୍ଦେଶ ଦେଉଛି ।
The Citizenship Amendment Act, 2019 was passed by both Houses of Parliament with overwhelming support. Large number of political parties and MPs supported its passage. This Act illustrates India’s centuries old culture of acceptance, harmony, compassion and brotherhood.
— Narendra Modi (@narendramodi) December 16, 2019
ପ୍ରଧାନମନ୍ତ୍ରୀ ଲେଖିଛନ୍ତି ଭାରତର ସମସ୍ତ ନାଗରିକଙ୍କୁ ମୁଁ ଭରସା ଦେଉଛି, ନାଗରିକ ସଂଶୋଧ ଆକ୍ଟ କୌଣସି ବି ପ୍ରକାର ଧର୍ମ ଉପରେ ଆଞ୍ଚ ଆଣବ ନାହିଁ । କୌଣସି ନାଗରିକ ଏହି ଆଇନ୍ ଦ୍ୱାରା ପ୍ରଭାବିତ ହେବେନାହିଁ । କୌଣସି ବି ଭାରତୀୟ ଏହି ଆକ୍ଟ ପାଇଁ ଚିନ୍ତିତ ହେବାର ଆବଶ୍ୟକତା ନାହିଁ । ଏହି ନିୟମ କେବଳ ସେହି ଲୋକଙ୍କ ପାଇଁ ଯେଉଁମାନେ ହଂସାର ଶିକାର ହୋଇଛନ୍ତି, ତାଙ୍କ ପାଇଁ ଭାରତ ଠାରୁ ଆଉ ପ୍ରକୃଷ୍ଟ ସ୍ଥାନ ନାହିଁ । ତାଙ୍କ ହିତ ପାଇଁ ଏହି ଆଇନ୍ ପ୍ରଣୟନ କରାଯାଇଛି ।
ଏପରି ସମୟରେ ହିଂସା ଛାଡ଼ି ଦେଶବାସୀ ସମସ୍ତ ଭାରତୀୟ ବିକାଶ ପାଇଁ କାମ କରିବା ଉଚିତ୍ । ଗରିବ ପଛୁଆ ବର୍ଗଙ୍କୁ ସଶକ୍ତ କରିବା ପାଇଁ ପ୍ରଣ ନେବା ଆବଶ୍ୟକ । ଦେଶରେ ଏପରି ଅରାଜକତା ସୃଷ୍ଟି କରିବା ଶୁଭଙ୍କର ନୁହେଁ ।