କନକ ବ୍ୟୁରୋ: ଗୋଟିଏ ମଂଚରେ ମୋଦି ଓ ମମତା । ରାଜନୈତିକ ମୈଦନାରେ ପରସ୍ପର ବିରୋଧୀ ଭାବରେ ଜଣାଶୁଣା ଥିବା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ପ୍ରଧାନମନ୍ତ୍ରୀ ମୋଦିଙ୍କୁ ଆଜି ଏକ ଭିନ୍ନ ଢଙ୍ଗରେ ନଜର ଆସିଛନ୍ତି । ମମତା ଖୋଦ୍ ପ୍ରଧାନମନ୍ତ୍ରୀଙ୍କୁ ଫୁଲତୋଡ଼ା ଏବଂ ଉତରୀୟ ଦେଇ ସ୍ୱାଗତ କରୁଥିବା ବେଳେ ମୋଦି ହାତ ଦେଖାଇ ବାଟ କଢ଼ାଇ ଦେଉଥିବାରୁ ଚିତ୍ର ସାମ୍ନାକୁ ଆସିଛି । ବିଭିନ୍ନ ଜାତୀୟ ଗଣମାଧ୍ୟମଠୁ ଆରମ୍ଭ ସୋସିଆଲ ମିଡ଼ିଆରେ ବର୍ତମାନ ଏହି ଖବରକୁ ନେଇ ବେଶ ଚର୍ଚ୍ଚା ଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
ସ୍ୱତନ୍ତ୍ର ହେଲିକପ୍ଟର ଯୋଗେ ଶାନ୍ତିନିକେତରେ ପହଁଚିବା ପରେ ପ୍ରଥମେ ରାଜ୍ୟପାଳ କେଶରୀନାଥ ତ୍ରିପାଠି ପ୍ରଧାନମନ୍ତ୍ରୀଙ୍କୁ ସ୍ୱାଗ ଜଣାଇଥିଲେ ।ତେବେ ହେଲିପ୍ୟାଡ ନିକଟକୁ ସାମାନ୍ୟ ବିଳମ୍ବରେ ପହଁଚିବା ପରେ ମୋଦିଙ୍କୁ ପାଛୋଟି ନେଇଛନ୍ତି ମମତା । ମୋଦିଙ୍କୁ ପୁଷ୍ପଗୁଚ୍ଛ ପ୍ରଦାନ କରିବା ସହ ଖରାପ ରାସ୍ତା ଯୋଗୁଁ ମୋଦିଙ୍କୁ ରାସ୍ତା ଦେଖାଇ ଆଗକୁ ବଡିବା ପାଇଁ କହିଥଲେ ମମତା ।
ବିଶ୍ୱଭାରତୀୟ ବିଶ୍ୱବିଦ୍ୟାଳୟର ସମାବର୍ତନ ଉତ୍ସବରେ ଏହି ଦୁଇ ନେତାଙ୍କୁ ଗୋଟିଏ ମଂଚରେ ନଜର ଆସିଛନ୍ତି । ଉଭୟ ନେତା ଜଣେ ଆଉ ଜଣଙ୍କ ପାଶ୍ୱର୍ରେ ବସିଥିବା ବେଳେ ମଝିରେ ବସିଛନ୍ତି ବାଂଲାଦେଶ ପ୍ରଧାନମନ୍ତ୍ରୀ ଶେଖ୍ ହସିନ । ବିଶ୍ୱ ଭାରତୀ ବିଶ୍ୱବିଦ୍ୟାଳୟର ୪୯ତମ ସମାବର୍ତନ ଉତ୍ସବରେ ମୁଖ୍ୟ ଅତିଥିଭାବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବାଙ୍ଗାଲାଦେଶ ପ୍ରଧାନମନ୍ତ୍ରୀ ଶେଖ ହସିନା କାର୍ଯ୍ୟକ୍ରମରେ ଯୋଗ ଦେଇଛନ୍ତି ।
ପ୍ରଥମ ଥର ପାଇଁ କୌଣସି କାର୍ଯ୍ୟକ୍ରମକୁ ମିଳିତଭାବେ ସମ୍ବୋଧିତ କରିଛନ୍ତି ମୋଦି ଓ ହସିନା । ବିଶ୍ୱବିଦ୍ୟାଳୟର କାର୍ଯ୍ୟକ୍ରମ ଶେଷ କରିବା ପରେ ବାଙ୍ଗାଲାଦେଶ ଭବନର ଉଦଘାଟନ କରିବେ ମୋଦି ଓ ହସିନା । ପରେ ଶାନ୍ତିଭବନରେ ଦୁଇଦେଶର ରାଷ୍ଟ୍ରନେତାତାଙ୍କ ମଧ୍ୟରେ ଦ୍ୱିପାକ୍ଷୀକ ଆଲୋଚନା କରାଯିବ । ମୋଦି ଓ ଶେଖ ହସିନାଙ୍କ ବ୍ୟତିତ କାର୍ଯ୍ୟକ୍ରମରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ରାଜ୍ୟପାଳ ଏନ ତ୍ରୀପାଠି ଯୋଗ ଦେଇଛନ୍ତି । ଶେଖ ହସିନାଙ୍କ ସହ ୧୫୦ ଜଣ ପ୍ରତିନିଧିମଣ୍ଡଳୀ ଭାରତରେ ପହଁଚିଛନ୍ତି ।