କିଂଦାଓରେ ରାଷ୍ଟ୍ରପତି ଜିନପିଙ୍ଗଙ୍କୁ ଭେଟିଲେ ପ୍ରଧାନମନ୍ତ୍ରୀ ମୋଦି : କହିଲେ, ଭାରତ ଓ ଚୀନ ମଜବୁତ ସମ୍ପର୍କ ବିଶ୍ୱଶାନ୍ତି ପାଇଁ ପ୍ରେରଣା
କନକ ବ୍ୟୁରୋ : ଚୀନ ରାଷ୍ଟ୍ରପତିଙ୍କୁ ଭେଟିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କିଙ୍ଗଦାଓରେ ଅନୁଷ୍ଠିତ ସାଂଘାଇ ସହଯୋଗ ସଂଗଠନ ବୈଠକରେ ମୋଦି ଯୋଗ ଦେଇ ଏସସିଓ ସାଧାରଣ ସମ୍ପାଦକ ରାଶିଦ ଆଲିନୋଭ୍ ତଥା ଅନ୍ୟ ପ୍ରମୁଖ ପ୍ରତିନିଧିଙ୍କୁ ଭେଟିଛନ୍ତି । ରାଷ୍ଟ୍ରପତି ସି ଜିନପିଙ୍ଗଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦ୍ୱିପାକ୍ଷିକ ଆଲୋଚନା କରିଛନ୍ତି । ଏହାପରେ ଦୁଇ ଦେଶ ମଧ୍ୟରେ ଦ୍ୱିପାକ୍ଷୀକ ଚୁକ୍ତି ସ୍ୱାକ୍ଷରିତ ହୋଇଛି । ସଦସ୍ୟ ରାଷ୍ଟ୍ରଗୁଡ଼ିକ ମଧ୍ୟରେ ସହଯୋଗ ବୃଦ୍ଧି କରି ଶାନ୍ତି ଓ ସ୍ଥିରତା ବଜାୟ ରଖିବା ଉପରେ ଆଲୋଚନା ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ଆତଙ୍କବାଦକୁ କିପରି ପ୍ରଭାବଶାଳୀ ଉପାୟରେ ପ୍ରତିହତ କରିହେବ ସେ ସମ୍ପର୍କରେ ମଧ୍ୟ ପ୍ରଧାନମନ୍ତ୍ରୀ ସଦସ୍ୟ ରାଷ୍ଟ୍ର ମୁଖ୍ୟମାନଙ୍କ ସହ ଆଲୋଚନା କରିଛନ୍ତି । ସେପଟେ ହୋଟେଲ ଲି ମେରିଡିୟନରେ ଚୀନରେ ରହୁଥିବା କିଛି ପ୍ରବାସୀ ଭାରତୀୟଙ୍କୁ ଭେଟିଛନ୍ତି ମୋଦି । ପ୍ରଥମ ଥର ଭାରତ ପୂର୍ଣ୍ଣକାଳୀନ ସଦସ୍ୟ ଭାବେ ଏହି ବୈଠକରେ ଯୋଗଦେଉଛି । ଗତବର୍ଷ ଭାରତ ଓ ପାକିସ୍ତାନକୁ ଏସସିଓର ସଦସ୍ୟ ରାଷ୍ଟ୍ର ଭାବେ ଗ୍ରହଣ କରାଯାଇଥିଲା । ତେଣୁ ଚଳିତ ବର୍ଷ ପୂର୍ଣ୍ଣକାଳୀନ ସଦସ୍ୟ ଭାବେ ୨ ଦେଶ ଯୋଗ ଦେଉଛନ୍ତି । କିଛି ଦିନ ପୂର୍ବରୁ ଏକ ଅନୌପଚାରିକ ଗସ୍ତରେ ଚୀନ ଯାଇ ମୋଦି ଜିନପିଙ୍ଗଙ୍କୁ ଭେଟିଥିଲେ ।