ପଶ୍ଚିମବଙ୍ଗ ମିଦନାପୁରରେ ମୋଦିଙ୍କ ସଭାରେ ଅଘଟଣ : କୃଷକଙ୍କୁ ସମ୍ବୋଧିତ କରିବା ବେଳେ ଭାଙ୍ଗିଲା ଟେଣ୍ଟ,୨୦ରୁ ଅଧିକ ଆହତ
କନକ ବ୍ୟୁରୋ : ପଶ୍ଚିମବଙ୍ଗ ମିଦନାପୁରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମ୍ବୋଧନ ସମୟରେ ଭାଙ୍ଗିପଡ଼ିଲା ପେଣ୍ଡାଲ । ଆଜି ପ୍ରଧାନମନ୍ତ୍ରୀ ପଶ୍ଚିମବଙ୍ଗ ମିଦନାପୁରର କଲେଜ ଗ୍ରାଉଣ୍ଡରେ ଆୟୋଜିତ ଏକ କୃଷକ ରାଲିରେ ଯୋଗଦେଇଥିଲେ । ଯେଉଁଠି ମୋଦି ଭାଷଣ ଦେଉଥିବା ସମୟରେ ମଂଚର ଏକ ଅଂଶ ଗଳିପଡ଼ିଥିଲା । ଆଉ ସେଥିରେ ୨୦ରୁ ଅଧିକ ଲୋକ ଆହତ ହୋଇପଡ଼ିଥିଲେ । ଏହି ଦୁର୍ଘଟଣା ପରେ ଆହତଙ୍କୁ ଜିଲ୍ଲା ଚିକିତ୍ସାଳୟରେ ଭର୍ତ୍ତି କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଭାଷଣ ସମୟରେ ଅନେକ ଲୋକ ମଂଚ ଉପରେ ଚଢ଼ୁଥିବାର ଦେଖି ମୋଦି ଏପରି କରିବା ପାଇଁ ବାରଣ କରିଥିଲେ ଓ ତଳକୁ ଓହ୍ଲାଇବା ପାଇଁ ଅନୁରୋଧ କରିିଥିଲେ । ତେବେ ଏହି ଦୁର୍ଘଟଣା ପରେ ପ୍ରଧାନମନ୍ତ୍ରୀ ଆହତ ସମର୍ଥକଙ୍କୁ ଭେଟିବା ପାଇଁ ମେଡ଼ିକାଲରେ ପହହଞ୍ଚିଛନ୍ତି । ସୂଚନାଯୋଗ୍ୟ ଏହା ପୂର୍ବରୁ ପ୍ରଧାନମନ୍ତ୍ରୀ ମୋଦି କୃଷକ ରାଲିରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀର ମମତା ବାନାର୍ଜୀଙ୍କ ସହ ବାମପନ୍ତୀ ଦଳକୁ ଟାଗେର୍ଟ କରିଥିଲେ ।