ବେରୋଜଗାର ପ୍ରସଙ୍ଗରେ ରାହୁଲଙ୍କୁ ଜବାବ ଦେଲେ ମୋଦି, କହିଲେ କଂଗ୍ରେସ ସରକାର ସମୟରେ କେତେ ଜଣଙ୍କୁ ଚାକିରି ମିଳିଥିଲା ତାହର ଜବାବ ରଖ
କନକ ବ୍ୟୁରୋ : କେନ୍ଦ୍ର ସରକାରଙ୍କୁ ଅନେକ ସମୟରେ ବିରୋଧୀମାନେ ସମାଲୋଚନା କରିବାର ଦେଖାଯାଉଛି । ତେବେ ନିକଟରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ମୋଦି ସରକାରଙ୍କୁ ସମାଲୋଚନା କରିବା ସହ ଦେଶରେ ରୋଜଗାର କାହିଁକି କମିନାହିଁ ବୋଲି ପ୍ରଶ୍ନ କରିଥିଲେ । ସେହି ପ୍ରଶ୍ନର ଜବାବ ରଖି ମୋଦି କହିଛନ୍ତି ଯେ, ଆମ ସରକାର ଆସିବା ପରେ ବିଗତ ଏକ ବର୍ଷ ମଧ୍ୟରେ ୧କୋଟିରୁ ଅଧିକ ଯୁବକମାନଙ୍କୁ ଚାକିରି ମିଳିଛି । ତେଣୁ ଅଯଥାରେ ବିରୋଧୀମାନଙ୍କ କଥା ନ ଶୁଣିବାପାଇଁ ମୋଦି ନିଜ ପ୍ରତିକ୍ରିୟାରେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୋଦି ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ କହିଛନ୍ତି ଯେ, ସାରା ବିଶ୍ୱରେ ଭାରତର ଅର୍ଥନୈତିକ ଯଦି ସୁଦୃଢ ହେବାରେ ଲାଗିଛି ତେବେ ଏଠାକାର ଯୁବକ ଓ ଯୁବତୀମାନଙ୍କୁ ଚାକିରି ମିଳୁନାହିଁ ବୋଲି ଆମେ କିପରି ଭାବରେ କହିବା ? ଏହାସହ ମୋଦି କହିଛନ୍ତି ଯେ, ଦେଶରେ ସଡକପଥର ନିର୍ମାଣ ହେଉଛି , ରେଳପଥ ସହ ଅନେକ କ୍ଷେତ୍ରରେ ପୁଞ୍ଜି ନିବେଶ ହେଉଛି । ତେବେ ଏପରି କାମରେ ଚାକିର ତ ସୃଷ୍ଟି ହେଉଛି । ତେବେ ଅଯଥାରେ ସରକାରଙ୍କୁ ବଦନାମ କରିବା ପାଇଁ ବେକାରୀ ସମସ୍ୟା ବଢୁଥିବା କୁହାଯାଉଛି । ବର୍ତ୍ତମାନ ସମୟରେ ୪୫ ଲକ୍ଷ ବ୍ୟାଙ୍କ ଏକାଉଣ୍ଟ ଖୋଲିବା ସହ ବିଗତ ୯ ମାସରେ ୫.୬୮ ଲକ୍ଷ ଲୋକ ନୂଆ ସ୍କିମରେ ଟଙ୍କା ଲଗାଇଛନ୍ତି । ଏହାକୁ ଯଦି ଅନୁଧ୍ୟାନ କରାଯାଏ ତେବେ ସ୍ପଷ୍ଟ ଭାବରେ ଜଣାପଡିବ ଯେ, ୧ କୋଟିରୁ ଉଦ୍ଧ୍ୱର୍ ଲୋକ ରୋଜଗାର ପାଇଛନ୍ତି ।
ଏହାସହ ମୋଦି କହିଛନ୍ତି ଯେ, ଇଲେକ୍ଟ୍ରୋନିକ୍ସ କ୍ଷେତ୍ରରେ ଅନେକ ବିକାଶ ହେଉଛି । ୨୦୧୪ ମସିହାରେ ମୋବାଇଲ ଉପକରଣ ମାତ୍ର ୨ଟି ଥିଲା ବର୍ତ୍ତମାନ ସମୟରେ ତାହା ୧୨୦ ରୁ ଉଦ୍ଧ୍ୱର୍ ହେଲାଣି । କେବଳ ଏତିକି ନୁହେଁ ଅନେକ କ୍ଷେତ୍ରରେ ଦେଶର ବିକାଶ ହେଉଛି । ବର୍ତ୍ତମାନ ସମୟରେ ଭାରତରେ ବିଦେଶୀ କମ୍ପାନୀମାନେ ପୁଞ୍ଜି ନିବେଶ କରିବା ପାଇଁ ଇଚ୍ଛା ପ୍ରକାଶ କରୁଛନ୍ତି । ସେମାନେ ଟଙ୍କା ନିବେଶ କରୁଥିବାରୁ ଦେଶର ଆର୍ଥିକ ସ୍ଥିତି ମଜବୁତ ହୋଇଛି । ଏପରିକି ପର୍ଯ୍ୟଟନରେ ମଧ୍ୟ ୧୪ ପ୍ରତିଶତ ଅଧିକ ଲାଭ ହୋଇଥିବା ଜଣାଯାଏ । ଏତେ ସବୁ ପରେ ଯଦି କଂଗ୍ରେସ କହିବ ଦେଶରେ କୈାଣସି ପ୍ରକାର ଅଭିବୃଦ୍ଧି ହୋଇନାହିଁ ତେବେ ତାହର ଜବାବ ଲୋକମାନେ ଦେବେ ବୋଲି ମୋଦି କହିଛନ୍ତି । ମୋଦିଙ୍କ ଏପରି ଜବାବ ଉପରେ ବିରୋଧୀଦଳର କୈାଣସି ନେତା ପ୍ରତିକ୍ରିୟା ବର୍ତ୍ତମାନ ସମୟରେ ଦେଇନାହାନ୍ତି ।