ସ୍କୁଲରେ ଆରମ୍ଭ ହେବ ସେକ୍ସ ଏଜୁକେସନ ! ପ୍ରଧାନମନ୍ତ୍ରୀ ମୋଦିଙ୍କ ଗ୍ରୀନ ସିଗନାଲ ।
ସ୍କୁଲ ପାଠ୍ୟକ୍ରମରେ ସାମିଲ ହେବ ସେକ୍ସ ଏଜୁକେସନ । ଦେଶର ସମସ୍ତ ସ୍କୁଲର ପାଠ୍ୟକ୍ରମରେ ସେକ୍ସ ଏଜୁକେସନ ଏକ ଅଂଶ ହେବାକୁ ଯାଉଛି । ଏହି ଯୋଜନାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗ୍ରୀନ ସିଗନାଲ ଦେଇଛନ୍ତି । ଏହି କାର୍ଯ୍ୟକ୍ରମର ଶୁଭାରମ୍ଭ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ରାଷ୍ଟ୍ରୀୟ ସ୍ୱାସ୍ଥ୍ୟ ଯୋଜନା ‘ ଆୟୁଷ୍ମାନ ଭାରତ’ ଆଧାରରେ ଶନିବାର ଏପ୍ରିଲ ୧୪ ତାରିଖରେ ଛତିଶଗଡର ବିଜାପୁର ଠାରୁ ହେବ ।
Kanak News is now on WhatsApp
Join and get latest news updates delivered to you via WhatsApp
ସ୍କୁଲ ସ୍ୱାସ୍ଥ୍ୟ କାର୍ଯ୍ୟକ୍ରମ ଅନୁସାରେ ‘ରୋଲ ପ୍ଲେ ଏଣ୍ଡ ଆକ୍ଟିଭିଟି ବେସଡ’ ମଡ୍ୟୁଲ କୁ ପର୍ଯ୍ୟାୟକ୍ରମେ ଦେଶର ସମସ୍ତ ସ୍କୁଲରେ ଲାଗୁ କରାଯିବ । ଆଉ ଏଥି ପାଇଁ ଭଲ ଭାବେ ପ୍ରଶିକ୍ଷିତ ହୋଇଥିବା ଶିକ୍ଷକ ଏବଂ ଫେଲୋ ଏଜୁକେଟରଙ୍କର ସାହାଯ୍ୟ ନିଆଯିବ ।
ଯୁପିଏର ଏଭଳି ପ୍ରୟାସକୁ ଆଲୋଚନା କରିଥିଲେ ବିଜେପି ନେତା :
ଉଲ୍ଲେଖନୀୟ ଏହା ପୂର୍ବରୁ ମଧ୍ୟ ୟୁପିଏ ସରକାରଙ୍କ ଦ୍ୱାରା ଏଭଳି ଏକ କାର୍ଯ୍ୟକ୍ରମ ଆରମ୍ଭ କରାଯାଇଥିଲା । କିନ୍ତୁ ୨୦୦୫ ମସିହାରେ ବିଜେପି ନେତା ଭେଙ୍କେୟା ନାଇଡୁଙ୍କ ଅଧ୍ୟକ୍ଷତାରେ ଥିବା ରାଜ୍ୟସଭା ସମିତି ଏ ବାବଦରେ ଆଲୋଚନା କରିଥିଲେ । ଏବଂ ଏହାକୁ ଚତୁରତା ଭରା ମିଠା କଥା ବୋଲି କହିଥିଲେ । ଯାହାର ବାସ୍ତବିକ ଉଦ୍ଦେଶ୍ୟ ସ୍କୁଲ ଗୁଡିକରେ ସେକ୍ସ ଶିକ୍ଷା ଦେବା ରହିଥିଲା ।
ଏହି ପାଠ୍ୟକ୍ରମରେ ବଢୁଥିବା ପିଲାମାନଙ୍କ ସହ ଯୋଡି ହୋଇଥିବା ବିଭିନ୍ନ କାହାଣୀକୁ ସାମିଲ କରାଯିବ । ଯେଉଁଥିରେ ଯୌନ ଏବଂ ପ୍ରଜନନ ସମ୍ବନ୍ଧୀୟ ସ୍ୱାସ୍ଥ୍ୟ, ଯୌନ ଉତ୍ପୀଡନ, ଗୁଡ ଟଚ୍ ଏବଂ ବ୍ୟାଡ ଟଚ୍, ପୋଷଣ, ମାନସିକ ସ୍ୱାସ୍ଥ୍ୟ, ଯୌନ ସମ୍ବନ୍ଧରୁ ହେଉଥିବା ରୋଗ, ସଂକ୍ରାମକ ରୋଗ, କ୍ଷତ ଏବଂ ହିଂସା ଆଦି ବିଷୟ ସାମିଲ ହେବ । ପାଖାପାଖି ୨୨ ଘଣ୍ଟାର ଏହି କାର୍ଯ୍ୟକ୍ରମ କେନ୍ଦ୍ରୀୟ ସ୍ୱାସ୍ଥ୍ୟ ମନ୍ତ୍ରାଳୟ ଏବଂ ମାନବ ସମ୍ବଳ ବିକାଶ ମନ୍ତ୍ରାଳୟ ସହ ପ୍ରଥମରୁ ହିଁ ସଂଯୁକ୍ତ ରହିଛି । ଏବଂ ଏହା ପାଖାପାଖି ୨୬ କୋଟି କିଶୋରଙ୍କୁ ଫାଇଦା ମିଳିବ ।
ସ୍ୱାସ୍ଥ୍ୟ ମନ୍ତ୍ରାଳୟର ଜଣେ ବରିଷ୍ଠ ଅଧିକାରୀ କହିଛନ୍ତି, ସପ୍ତାହରେ ଗୋଟିଏ ପିରିୟଡ ଏହି କାର୍ଯ୍ୟକ୍ରମ କରିବା ପାଇଁ ନିର୍ଦ୍ଦେଶ ଦିଆଯାଇଛି । ଏହି ମଡ୍ୟୁଲରେ କିଶୋରମାନଙ୍କ ସମ୍ବନ୍ଧିତ ସମସ୍ୟାକୁ ଉପଯୁକ୍ତ ଭାବେ କୁହାଯିବ ।
ବିଜାପୁର ପୁରା ଦେଶର ୧୧୫ ଆଶାୟୀ ଜିଲ୍ଲା ଗୁଡିକରେ ସାମିଲ ରହିଛି । ଯାହାର ପରିଚୟ ସରକାର କରିଛନ୍ତି । ଏହି କାର୍ଯ୍ୟକ୍ରମ ଦ୍ୱାରା ସରକାର ଜିଲ୍ଲା ଗୁଡିକରେ ସବୁ ସମୟରେ ବିକାଶ କାର୍ଯ୍ୟ କରିଥାନ୍ତି । ଅଧିକାରୀ ଜଣଙ୍କ କହିଛନ୍ତି ଯେ, ପ୍ରଥମ ପର୍ଯ୍ୟାୟରେ ନବମ ରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କ ଉପରେ ଧ୍ୟାନ କେନ୍ଦ୍ରିତ କରାଯିବ । ଏବଂ ପରେ ଅନ୍ୟ ଛୋଟ ଶ୍ରେଣୀର ଛାତ୍ରଛାତ୍ରୀଙ୍କୁ ମଧ୍ୟ ପର୍ଯ୍ୟାୟକ୍ରମେ ଏଥିରେ ସାମିଲ କରାଯିବ । ଆଉ ଏଥି ପାଇଁ ପ୍ରତି ସ୍କୁଲର ଦୁଇ ଜଣ ଶିକ୍ଷକଙ୍କୁ ଚୟନ କରାଯାଇ ସେମାନଙ୍କୁ ପ୍ରଶିକ୍ଷଣ ଦିଆଯିବ ।