ମୋଦି କେୟାରରେ ଫସିଗଲେଣି ମୋଦି ! ୨୦୧୯ ପୂର୍ବରୁ “ଆୟୁଷ୍ମାନ ଭାରତ”ରେ ୫୦ କୋଟି ଭାରତୀୟଙ୍କୁ ସାମିଲ କରାଇବା ନେଇ ସମସ୍ୟାରେ ମୋଦି ।
ଅଧୁରା ରହିଯିବ କି ‘ମୋଦି କେୟାର’ ତଥା ଆୟୁଷ୍ମାନ ଭାରତ ଭଳି ମହତକାଂକ୍ଷୀ ଯୋଜନା । ୨୦୧୯ ସାଧାରଣ ନିର୍ବାଚନ ପୂର୍ବରୁ ୫୦ କୋଟି ଭାରତୀୟଙ୍କୁ ସ୍ୱାସ୍ଥ୍ୟବୀମା କରାଇବା ପାଇଁ ମୋଦି ସରକାର ଉଦ୍ୟମ ଜାରି ର୍ଖିଛନ୍ତି । ହେଲେ ଏହାକୁ ଲାଗୁ କରିବା ପାଇଁ ମୋଦିଙ୍କ ସାମ୍ନାରେ ରହିଛି ଅନେକ ଚ୍ୟାଲେଞ୍ଜ । ମୋଦି କେୟାର ଯଥା ଆୟୁଷ୍ମାନ ଭାରତ ନାମରେ ଜଣାଶୁଣା ଏହି ଯୋଜନା ଘୋଷଣା ହେବାରେ ୫ ମାସ ବିତିବା ମଧ୍ୟରେ ଏବେବି ସରକାର ହସ୍ପିଟାଲ ଓ ବୀମା କମ୍ପାନୀମାନଙ୍କ ଚକ୍କରରେ ଫସି ରହିଥିଲା ଜଣାପଡିଛି । ତେବେ ଆସନ୍ତା ଅଗଷ୍ଟ ମାସରେ ଏହାକୁ ଲଞ୍ଚ କରିବାକୁ ଲକ୍ଷ୍ୟ ରଖିଛନ୍ତି ମୋଦି ସରକାର । ଏହି ଯୋଜନାରେ ମୋଦି ସରକାର ଯେତିକି ଲୋକଙ୍କୁ ଏହାର ଅର୍ନ୍ତଭୂକ୍ତ କରିବା ପାଇଁ ଯାଉଛନ୍ତି ତାହା ପୁରା ଦକ୍ଷିଣ ଆମେରିକାର ଜନସଂଖ୍ୟା ଠାରୁ ମଧ୍ୟ ଅଧିକ ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟ ମୁତାବକ ଆୟୁଷ୍ମାନ ଭାରତ ଯୋଜନା ଜରିଆରେ ଦେଶର ୪୦ ପ୍ରତିଶତ ଗରିବଙ୍କୁ ସ୍ୱାସ୍ଥ୍ୟବୀମାରେ ସାମିଲ କରିବାକୁ ଲକ୍ଷ୍ୟ ରଖାଯାଇଛି । ତେବେ ୨୦୧୭ ବିଶ୍ୱ ସ୍ୱାସ୍ଥ୍ୟ ସଂଗଠନ ରିପୋର୍ଟ ଅନୁଯାୟୀ ଦେଶରେ ବଢ଼ୁଥିବା ସ୍ୱାସ୍ଥ୍ୟ ଖର୍ଚ୍ଚ ଦେଶର ୫୨ କୋଟି ଜନତାଙ୍କୁ ଗରିବ ରେଖା ତଳକୁ ନେଇଯାଇଛି । ଅନ୍ୟପଟେ କଂଗ୍ରେସ ସମତେ ବିରୋଧୀ ଦଳ ମାନେ ମୋଦି ସରକାରଙ୍କ ଉପରେ ଗରିବଙ୍କ ତୁଳନାରେ ଉଦ୍ୟୋଗପତିଙ୍କ ପ୍ରତି ଅଧିକ ଧ୍ୟାନ ଦେଉଥିବାର ଅଭିଯୋଗ ମଧ୍ୟ ହେଉଛି । ସେପଟେ ମୋଦି ସରକାରଙ୍କ ଏହି ଯୋଜନା ୨୦୧୯ ଲୋକସଭା ନିର୍ବାଚନ ପୂର୍ବରୁ ଜନ ସମର୍ଥନ ହାସଲ କରିବା ଉପରେ ବେଶ ପ୍ରଭାବ ପଡିବାନେଇ ସାଧରଣରେ ଚର୍ଚ୍ଚା ହେଉଛି । ଦେଶର ସର୍ବ ବୃହତ ଜନସଂଖ୍ୟକ ଯୋଜନା କାରଣରୁ ଅନେକ ଲୋକ ବାଦ ପଡିବା ଯୋଗୁଁ ଆନ୍ଧ୍ରପ୍ରଦେଶ ,ପଶ୍ଚିମବଙ୍ଗ ସରକାର ଏବଂ ଓଡିଶା ସରକାର ଦୃଢ଼ ଭାବେ ଏହି ଯୋଜନାକୁ ବିରୋଧ କରୁଛନ୍ତି । ତେବେ ବିରୋଧ କରୁଥିବା ରାଜ୍ୟମାନେ ନିଜ ନିଜର ସ୍ୱାସ୍ଥ୍ୟବୀମାକୁ କାର୍ଯ୍ୟକାରୀ କରାଇବା ପାଇଁ ମଧ୍ୟ ରୋକଠୋକ କେନ୍ଦ୍ର ସରକାରକୁ ଜଣାଇ ଦେଇଛନ୍ତି ।
ଯୋଜନାରେ ହିତାଧୀକାରୀଙ୍କୁ ଚିହ୍ନଟ କରାଯିବା ସହ ଆଇଟି ଇନଫ୍ରାଷ୍ଟ୍ରକଚର ମଧ୍ୟ ପ୍ରସ୍ତୁତ ରହିଛି । କିନ୍ତୁ ଏହି ଯୋଜାନାରେ ସରକାରୀ ଓ ଘରୋଇ ହସ୍ପିଟାଲ ଏବଂ ବୀମା କମ୍ପାନୀକୁ ସାମିଲ କରିବାର ପ୍ରକ୍ରିୟାକୁ ଅନ୍ତିମ ରୂପ ଦେବା ପାଇଁ ମଧ୍ୟ ସମସ୍ୟା ଉପୁଜୁଛି । କାରଣ ବିନା ଘରୋଇ ସେକ୍ଟରର ସହାୟତାରେ ଏପରି ଜନସଂଖ୍ୟକ ଯୋଜନା କାର୍ଯ୍ୟକାରୀ କରିବା ଅସମ୍ଭବ ସଦୃଶ ଯାହା ମୋଦି ସରକାରଙ୍କ ପାଇଁ ବଡ ସମସ୍ୟା ହୋଇ ଛିଡା ହୋଇଛି । କିନ୍ତୁ ଆଶା କରାଯାଉଛି ଯେ ଅଗଷ୍ଟ ୧୫ ତାରିଖ ଭିତରେ କେନ୍ଦ୍ର ସରକାର ଏହି ମହତକାଂକ୍ଷୀ ଯୋଜନାକୁ କାର୍ଯ୍ୟକାରୀ କରିବେ ।