ସେନା ସହ ଦୀପାବଳି ପାଳିଲେ ପ୍ରଧାନମନ୍ତ୍ରୀ ! କେଦାରନାଥରେ ପୂଜାର୍ଚ୍ଚନା ପରେ ଜ୍ୟୋତିର୍ଲିଙ୍ଗରେ କଲେ ଜଳାଭିଷେକ ।
ପ୍ରଧାନମନ୍ତ୍ରୀଙ୍କ ଶିବ ଭକ୍ତ ଅବତାର ।
କନକ ବ୍ୟୁରୋ: ପ୍ରଧାନମନ୍ତ୍ରୀଙ୍କ ଶିବ ଭକ୍ତ ଅବତାର । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି କେଦାରନାଥ ଗସ୍ତ କରି ଦୀର୍ଘ ଅଧ କିଲୋମିଟର ବାଟ ପାଦରେ ଚାଲି ଚାଲି ମହାଦେବଙ୍କ ପୀଠରେ ପହଁଚି ପୂଜାର୍ଚ୍ଚନା କରିଛନ୍ତି । ଶିବଙ୍କୁ ଜଳାଭିଷେକ କରିଛନ୍ତି ମୋଦି । ପୂର୍ବରୁ ସେନା ବେସରେ ଯବାନଙ୍କ ସହ ଦୀପାବଳି ପାଳନ କରିଥିଲେ ପ୍ରଧାନମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଉତରାଖଣ୍ଡ ହର୍ଷାଲିରେ ଯବାନଙ୍କ ସହ ଦୀପାବଳି ପାଳିବା ପରେ ବାବାଙ୍କ ଦର୍ଶନ ଲାଗି ପହଂଚିଥିଲେ ପ୍ରଧାନମନ୍ତ୍ରୀ । ଗର୍ଭଗୃହରେ ଜ୍ୟୋତିର୍ଲିଙ୍ଗରେ କରିଛନ୍ତି ଜଳାଭିଷେକ । ୨୦୧୪ରେ ପ୍ରଧାନମନ୍ତ୍ରୀ ହେବା ପରେ ତୃତୀୟଥର ଲାଗି କେଦାରନାଥରେ ପୂଜାର୍ଚ୍ଚନା କରିଛନ୍ତି । ମୋଦିଙ୍କ ଗସ୍ତଲାଗି ମନ୍ଦିରରେ ସ୍ୱତନ୍ତ୍ର ବନ୍ଦୋବସ୍ତ କରାଯାଇଥିଲା । ୩ ଟନ୍ ଫୁଲରେ ସୁସଜ୍ଜିତ ହୋଇଥିଲା ମନ୍ଦିର ପରିସର । ମନ୍ଦିର ମୁଖ୍ୟଦ୍ୱାରକୁ ଫୁଲ ଓ ରଙ୍ଗୋଲିରେ ବେଶ ଆକର୍ଷଣୀୟ ଭାବେ ସଜା ଯାଇଥିଲା । ହେଲିକପ୍ଟରରୁ ଓହ୍ଲାଇବା ପରେ ଅଧ କିଲୋମିଟର ବାଟ ପାଦରେ ଚାଲି ଚାଲି ମହାଦେବଙ୍କ ପୀଠକୁ ଯାଇଥିଲେ ମୋଦି । କେଦାରନାଥ ପୀଠର ପୁନଃରୁଦ୍ଧାର କାର୍ଯ୍ୟର ସମୀକ୍ଷା କରିବା ସହ ନୂତନ ରାସ୍ତାର ଲୋକାର୍ପଣ କରିଛନ୍ତି ପ୍ରଧାନମନ୍ତ୍ରୀ । ସେଠାରେ ଉପସ୍ଥିତ ଲୋକମାନେ ମୋଦିଙ୍କୁ ସ୍ୱାଗତ କରିବା ସହ ସେଲଫି ଉଠାଇବାକୁ ମଧ୍ୟ ଭୁଲିନଥିଲେ ।
କେଦାରନାଥ ଧାମ ଗସ୍ତ ପୂର୍ବରୁ ୧୧ହଜାର ଫୁଟ ଉଚ୍ଚରେ ଭାରତ-ଚୀନ ସୀମା ହର୍ଷାଲିରେ ସେନା ସହ ଦୀପାବଳି ପାଳନ କରିଛନ୍ତି ପ୍ରଧାନମନ୍ତ୍ରୀ । ଯବାନଙ୍କୁ ସମ୍ବୋଧିତ କରିବା ସହ ସେନାଙ୍କୁ ମିଠା ଖୁଆଇ ଜଣାଇଥିଲେ ଦୀପାବଳୀର ଶୁଭେଚ୍ଛା । ଭାରତୀୟ ସେନାର ନେଲାଙ୍ଗ ପୋଷ୍ଟରେ ଆଜି ସକାଳୁ ପହଂଚିଥିଲେ ପ୍ରଧାନମନ୍ତ୍ରୀ । ପର୍ବପର୍ବାଣୀରେ ନିଜ ଘର ପରିବାରଠାରୁ ଦୂରରେ ରହି ଦେଶର ସେବା କରୁଥିବା ସୁରକ୍ଷା କର୍ମୀଙ୍କ ସହ ସମୟ ବିତାଇଥିଲେ ମୋଦି । ସେନା ମୁଖ୍ୟ ବିପିନ ରାୱତ ଓ ଆଇଟିବିପି ଡିଜି ଏସଏସ ଦେଶବାଲ ମଧ୍ୟ ଏହି ଉତ୍ସବରେ ସାମିଲ ହୋଇଥିଲେ ।