କନକ ବ୍ୟୁରୋ : ଚଳିତ ଶିକ୍ଷାବର୍ଷରେ ସିବିଏସଇ ଢାଂଚାରେ ଯୁକ୍ତ ଦୁଇ ପରୀକ୍ଷା ହେବ କି ନା ତାକୁ ନେଇ ଦ୍ୱନ୍ଦ୍ୱ। ପୂର୍ବ ବର୍ଷଗୁଡିକରେ ଦୁଇବର୍ଷରେ କେବଳ ଗୋଟିଏ ପରୀକ୍ଷା କରାଯାଉଥିବାବେଳେ ଏଥିରେ ପରିବର୍ତନ କରି ପ୍ରଥମ ବର୍ଷରେ ମଧ୍ୟ ପରୀକ୍ଷା କରାଇବାକୁ ନିଷ୍ପତି ହୋଇଥିଲା । ହେଲେ ଏପର୍ଯ୍ୟନ୍ତ ଛାତ୍ରଛାତ୍ରୀ ଓ ଅଭିଭାବକ ସନ୍ଦିହାନ ଯେ, ପରୀକ୍ଷା ପଦ୍ଧତିରେ ପରିବର୍ତନ ହେବ ନା ନାହିଁ । ନୂଆ ପାଠ୍ୟକ୍ରମ ଓ ପରୀକ୍ଷା ପଦ୍ଧତି ପ୍ରସ୍ତୁତ ହୋଇସାରିଛି । ଏନେଇ ଚାରିମାସ ତଳୁ ଗଣଶିକ୍ଷା ବିଭାଗକୁ ମଧ୍ୟ ଚିଠି କରି ଜଣାଇସାରିଛି ଉଚ୍ଚ ମାଧ୍ୟମିକ ଶିକ୍ଷା ପରିଷଦ । ହେଲେ ବିଭାଗୀୟ ସଚିବ କହିଛନ୍ତି ପରୀକ୍ଷା ପଦ୍ଧତିରେ କୌଣସି ପରିବର୍ତନ ହେବନାହିଁ।
Kanak News is now on WhatsApp
Join and get latest news updates delivered to you via WhatsApp
ଶିକ୍ଷାର ମାନ ବୃଦ୍ଧି ସହ ଛାତ୍ରଛାତ୍ରୀମାନେ କିପରି ପରୀକ୍ଷାରେ ଭଲ ନମ୍ବର ରଖିପାରିବେ ସେଥିଲାଗି ସିବିଏସଇ ଢାଂଚାରେ ପରୀକ୍ଷା କରିବାକୁ ପୂର୍ବରୁ ନିଷ୍ପତି ନିଆଯାଇଛି । ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଏହି ପରୀକ୍ଷା ପରିଚାଳନା କରିବ । ନିଷ୍ପତି ମୁତାବକ ପ୍ରଥମ ବର୍ଷ ଛାତ୍ରଛାତ୍ରୀ ୬ଟି ବିଷୟରେ ମୋଟ ୩୦୦ ମାର୍କର ପରୀକ୍ଷା ଦେବେ । ପ୍ରତି ପେପର ୫୦ ମାର୍କ ଏବଂ ଓଏମଆର ସିଟରେ ଏହି ପରୀକ୍ଷା କରାଯିବ । ସେହିପରି ଦ୍ୱିତୀୟ ବର୍ଷ ମୋଟ ୬୦୦ ମାର୍କର ପରୀକ୍ଷା ଦେବେ ଛାତ୍ରଛାତ୍ରୀ । ଏ ସଂପର୍କୀତ ଏକ ରିଜୋଲ୍ୟୁସନ ପାସ କରି ଗଣଶିକ୍ଷା ବିଭାଗକୁ ପଠାଇ ଦିଆଯାଇଥିବା କହିଛନ୍ତି ଉଚ୍ଚ ମାଧ୍ୟମିକ ଶିକ୍ଷା ପରିଷଦର ଅଧ୍ୟକ୍ଷ । ଏଥିପାଇଁ ଆବଶ୍ୟକ ଅନୁମତି ପରେ ହିଁ ଚଳିତବର୍ଷ ନୂଆ ଢାଂଚାରେ ପରୀକ୍ଷା ସମ୍ଭବ ହେବ।