ଦୃଢ଼ ମନୋବଳ ଆଗରେ ହାର ମାନିଲା ଅର୍ଥାଭାବ : ବିନା ବକ୍ସିଙ୍ଗ ଗ୍ଲଭସ୍ ରେ ପ୍ରଶିକ୍ଷଣ ନେଇ ଅମିତ ଜିତିଲେ ସ୍ୱର୍ଣ୍ଣ
‘ଥ୍ରୋଇଂଗ ଇନ୍ ଦି ଟାୱଲ’ ଏହି ବାକ୍ୟ ସହିତ ପାଖାପାଖି ସମସ୍ତ ବକ୍ସର ବା ମୁଷ୍ଟିଯୋଦ୍ଧା ପରିଚିତ ଥିବେ । ଏହି ବାକ୍ୟର ଅର୍ଥ ପରାଜୟକୁ ସ୍ୱୀକାର କରିନେବା । କିନ୍ତୁ ଅମିତ ପଙ୍ଘଲଙ୍କ ପାଇଁ ଏହି ଶବ୍ଦର କୈାଣସି ଅର୍ଥ ନାହିଁ । ହାର ମାନି ନଥିବା ଅମିତ ଶନିବାର ଦିନ ଏସିଆନ୍ ଗେମ୍ ରେ ସ୍ୱର୍ଣ୍ଣ ଜିତି ଏହା ସାବ୍ୟସ୍ତ କରିଦେଇଛନ୍ତି । ସ୍ୱର୍ଣ୍ଣ ଜିତିବା ପରେ ଅମିତଙ୍କ ଭାଇ ଅଜୟ ପଙ୍ଘଲ ତାଙ୍କ ସଂଘର୍ଷକୁ ମନେପକାଇ କହିଛନ୍ତି କି, ଯେବେ ଏହି ଚାଷୀ ପରିବାରର ଆର୍ଥିକ ଅବସ୍ଥା ଠିକ୍ ନଥିଲା, ସେତେବେଳେ ଅମିତ ବିନା ବକ୍ସିଙ୍ଗ ଗ୍ଲଭସ୍ ରେ ନିଜର ଟ୍ରେନିଙ୍ଗ କରୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ହରିୟାଣାର ରୋହତକ ଜିଲ୍ଲାର ମୈନା ଗାଁର ନିବାସୀ ଅମିତଙ୍କ ପିତା ବିଜେନ୍ଦର ସିଂହ ଜଣେ ସାଧାରଣ କୃଷକ, ଯିଏ ନିଜର ୧ ଏକର ଜମିରେ ଗହମ ଓ ବାଜରା ଚାଷ କରନ୍ତି । ତାଙ୍କର ଆର୍ଥିକ ପରିସ୍ଥିତି କେବେ ବି ଠିକ୍ ନଥିଲା । ସେଥିପାଇଁ ଅମିତଙ୍କ ବଡ ଭାଇ ଅଜୟ ପିଙ୍ଘଲ ବକ୍ସିଙ୍ଗ ଛାଡିଦେଇଥିଲେ । ତାଙ୍କ ବଡ଼ ଭାଇ ଆଜି ସେନାରେ ଅଛନ୍ତି ।
ବକ୍ସିଙ୍ଗ ପାଇଁ ଅମିତଙ୍କ ଇଚ୍ଛା ଶକ୍ତି ଏତେ ଦୃଢ଼ ଥିଲା ଯେ, ସେ ବିନା ବକ୍ସିଙ୍ଗ ଗ୍ଲଭସ୍ ରେ ୬ ମାସ ପର୍ଯ୍ୟନ୍ତ ଟ୍ରେନିଙ୍ଗ କରିଥିଲେ । ତାଙ୍କର ବକ୍ସିଙ୍ଗ ଗ୍ଳଭସ୍ ଛିଣ୍ଡି ଯାଇଥିଲା ଓ ନୂଆ କିଣିବା ପାଇଁ ତାଙ୍କ ପାଖରେ ଟଙ୍କା ନଥିଲା । ତଥାପି ବି ସେ ହାର ମାନି ନଥିଲେ । ଏହି ସମସ୍ତ ଚ୍ୟାଲେଂଜ ସତ୍ୱେ ଅମିତ କଠିନ ପରିଶ୍ରମ କରି ନିଜ ଦୃଢ଼ ମନୋବଳ ଯୋଗୁଁ ବଡ଼ ବଡ଼ ବକ୍ସରଙ୍କୁ ହରାଇ ସ୍ୱର୍ଣ୍ଣ ହାସଲ କଲେ । ବେଳେବେଳେ ଅମିତ ଖାଲି ପେଟରେ ମଧ୍ୟ ଟ୍ରେନିଙ୍ଗ ନେଇଛନ୍ତି ଓ ବିଜୟ ହାସଲ କରିଛନ୍ତି ।