କାଶ୍ମୀରରେ ପଥର ଫିଙ୍ଗାଳୀଙ୍କ ଉପରେ ପ୍ୟାଲେଟ୍ ବଦଳରେ ବର୍ଷିବ ପ୍ଲାଷ୍ଟିକ୍ ବୁଲେଟ୍, ହେବନି କୌଣସି କ୍ଷତି
କାଶ୍ମୀରରେ ପଥର ଫିଙ୍ଗାଳୀଙ୍କୁ ଦମନ କରିବା ପାଇଁ ବ୍ୟବହାର କରାଯାଉଥିବା ପ୍ୟାଲେଟ୍ ଗନ୍ କୁ ନେଇ ବଡ ହଙ୍ଗାମା ହୋଇସାରିଛି । ଏହା ଠାରୁ ବଂଚିବା ପାଇଁ ରକ୍ଷା ଅନୁସଂଧାନ ଓ ବିକାଶ ସଂଗଠନ ପ୍ଲାଷ୍ଟିକର ବୁଲେଟ୍ ବିକସିତ କରିଛନ୍ତି, ଯାହାକି କମ୍ ଘାତକ । ପ୍ୟାଲେଟ୍ ଗନ୍ ର ବ୍ୟବହାର କାରଣରୁ ଲୋକଙ୍କ ଅନ୍ଧ ହୋଇଯିବା ପରେ ଗୃହ ମନ୍ତ୍ରଣାଳୟ ତୁରନ୍ତ ଓ ପ୍ରଭାବକାରୀ ସମାଧାନର ଦାବି କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ପଂଜାବର ଜଳନ୍ଧର ସହରରେ ଚାଲୁଥିବା ଭାରତୀୟ ବିଜ୍ଞାନ କଂଗ୍ରେସରେ ଏହାକୁ ପ୍ରଦର୍ଶିତ କରିବା ସମୟରେ କହିଲେ କି, ପ୍ଲାଷ୍ଟିକର ଗୁଳିକୁ ଏକେ-୪୭ ରାଇଫଲରେ ଲୋଡ କରି ଗୁଳି କରାଯାଇପାରିବ । ଏହା ରବର ର ଗୁଳି ତୁଳନାରେ କମ୍ କ୍ଷତିକାରକ । ପ୍ଲାଷ୍ଟିକର ଗୁଳି ଭିଡକୁ ନିୟନ୍ତ୍ରଣ କରିବା ପାଇଁ ଏକ ପ୍ରଭାବକାରୀ ଉପାୟ ଏବଂ ଜମ୍ମୁ-କାଶ୍ମୀର ପୁଲିସଙ୍କୁ ପ୍ରଥମରୁ ଏକ ଲକ୍ଷ ଗୁଳି ଦିଆଯାଇସାରିଛି । ପ୍ଲାଷ୍ଟିକର ଗୁଳି ୫୦ ମିଟର ଦୂରତାରୁ ଫାୟାରିଙ୍ଗ କଲେ ଆଘାତ ପହଂଚାଇଥାଏ । ଏହା ନାୟଲନରୁ ତିଆରି ହୋଇଥାଏ ଓ ୫୦୦ ଗୁଣ କମ୍ କ୍ଷତିକାରକ ହୋଇଥାଏ । ବୁଲେଟ୍ ହେଡ୍ ବହୁତ ସମାନ୍ୟ ହୋଇଥାଏ ଓ ଏହାର ଓଜନ ବହୁତ କମ୍ ହୋଇଥାଏ, ସେଥିପାଇଁ ଏହି ଗୁଳି ଅଙ୍ଗକୁ ଆହତ କରିବା ପାଇଁ ଶରୀର ମଧ୍ୟକୁ ପ୍ରବେଶ କରିପାରେନି ।
ପ୍ଲାଷ୍ଟିକ ଗୁଳିରେ ସୀସାର ବ୍ୟବହାର ହୁଏନି । ସେଥିପାଇଁ ଏଥିରେ ବିଷର ଡର ନଥାଏ । ଯେବେ ଫାୟରିଙ୍ଗ କରାଯାଏ, ତେବେ ଏହା ସାମାନ୍ୟ ଫାୟରିଙ୍ଗ ଭଳି ଲାଗେ । ସେଥିପାଇଁ ମନୋବୈଜ୍ଞାନିକ ପ୍ରଭାବ ସାମାନ୍ୟ ରୂପରେ ପଡେ ।