ସାବଧାନ ! ପ୍ଲାଷ୍ଟିକ ବୋତଲ ଓ ଟିଫିନ୍ ବକ୍ସ କରୁଛି ଆପଣଙ୍କୁ ରୋଗିଣା, କ୍ୟାନସର ଭଳି ଅସାଧ୍ୟ ରୋଗର ହୋଇପାରେ କାରଣ
ଆଜିକାଲି ପ୍ରତ୍ୟେକଙ୍କ ଘରେ ପ୍ଲାଷ୍ଟିକର ରଙ୍ଗ ବେରଙ୍ଗ ଭିନ୍ନ ଭିନ୍ନ ଡିଜାଇନ୍ ର ବାସନକୁସନ ଦେଖିବାକୁ ମିଳେ, ଯେଉଁଥିରେ ଭୋଜନ କରିବା ଲୋକଙ୍କୁ ଫ୍ୟାଶନ ଲାଗେ । କିନ୍ତୁ ଯେଉଁ ବାସନରେ ଭୋଜନ କରିବା ଆପଣ ସମ୍ମାନ ଭାବୁଛନ୍ତି, ତାହା ଆପଣଙ୍କ ଶରୀରରେ ଅନେକ ରୋଗକୁ ନିମନ୍ତ୍ରଣ କରୁଛି । ଯଦି ଆପଣ ପ୍ଲାଷ୍ଟିକ ବୋତଲରେ ପାଣି ପିଅନ୍ତି ବା ପ୍ଲାଷ୍ଟିକ ଟିଫିନ୍ ରେ ଖାଦ୍ୟ ଗରମ କରନ୍ତି, ତେବେ ଏହି ଖବର ଆପଣଙ୍କ ପାଇଁ ।
Kanak News is now on WhatsApp
Join and get latest news updates delivered to you via WhatsApp
ଅଧିକାଂଶ ଗର୍ଭବତୀ ସ୍ତ୍ରୀଙ୍କ ପାଇଁ ସବୁଠାରୁ କ୍ଷତିକାରକ ସାବ୍ୟସ୍ତ ହୋଇଥାଏ ଏହି ପ୍ଲାଷ୍ଟିକ୍ ବାସନ, କାହିଁକିନା ଏଥିରେ କ୍ଷତିକାରକ ରାସାୟନିକ ପଦାର୍ଥ ପାଇବାକୁ ମିଳେ । ଯାହା ଆପଣଙ୍କୁ କ୍ୟାନସର ଭଳି ରୋଗରେ ଗ୍ରାସିତ କରିପାରେ । ବିଶେଷଜ୍ଞଙ୍କ କହିବାନୁସାରେ, ପ୍ଲାଷ୍ଟିକ ଅନେକ କ୍ଷତିକାରକ କେମିକାଲ ଥାଏ, ଯାହା ଗରମ ହେବା ପରେ ଖାଦ୍ୟ ଓ ପାଣିରେ ମିଶିଯାଏ । ପାଣି ଓ ଖାଦ୍ୟ ଯୋଗେ ଏହି କେମିକାଲ ଆମ ଶରୀର ମଧ୍ୟକୁ ପ୍ରବେଶ କରେ । ପ୍ଲାଷ୍ଟିକ ଦ୍ୱାରା କ୍ୟାନସର ଭଳି ଜୀବନ ଘାତକ ରୋଗ ହୋଇପାରେ ।
ନିକଟରେ ହୋଇଥିବା ଏକ ଗବେଷଣାରୁ ଜଣାପଡିଛି ଯେ, ପ୍ଲାଷ୍ଟିକ ବୋତଲ କଣ୍ଟେନର୍ ର ବ୍ୟବହାର ଦ୍ୱାରା କ୍ୟାନସର ହୋଇପାରେ । ଫୁଜିମୋଟୋଙ୍କ କହିବା ମୁତାବକ, କାରରେ ରଖାଯାଇଥିବା ପ୍ଲାଷ୍ଟିକ ବୋତଲ ଯେତେବେଳେ ଖରା କିମ୍ବା ଅତ୍ୟଧିକ ତାପମାତ୍ରା ଯୋଗୁଁ ଗରମ ହୋଇଯାଏ, ତେବେ ପ୍ଲାଷ୍ଟିକରେ ଥିବା କ୍ଷତିକାରକ କେମିକାଲ ଡାଇଅକ୍ସିନ୍ ନିର୍ଗତ ହେବା ଆରମ୍ଭ ହୋଇଯାଇଥାଏ । ଏହି ଡାଇଅକ୍ସିନ୍ ପାଣିରେ ମିଶି ଆମ ଶରୀରରେ ପହଂଚେ । ଏହି ଡାଇଅକ୍ସିନ ଦ୍ୱାରା ମହିଳାଙ୍କ ଠାରେ ସ୍ତନ କର୍କଟର ଆଶଙ୍କା ବଢ଼ିଯାଏ ।
ପ୍ଲାଷ୍ଟିକ ବାସନର ଏଭଳି ଖରାପ ପ୍ରଭାବ ଦେଖି ଅନ୍ୟ ଦେଶ ଗୁଡିକରେ ଏହା ଉପରେ ପ୍ରତିବନ୍ଧକ ଲଗାଯାଇଛି । ଆପଣ ସେହି ପ୍ଲାଷ୍ଟିକ ବାସନର ପ୍ରୟୋଗ କରନ୍ତୁ ଯାହା ଉପରେ “ବିସ୍ଫେନୋଲ ଫ୍ରି” ଲେଖା ହୋଇଥିବ । ପ୍ଲାଷ୍ଟିକ କିଣିବା ସମୟରେ ଯଦି ଭଲ କ୍ୱାଲିଟିର ପ୍ଲାଷ୍ଟିକ କିଣାଯାଏ, ତେବେ କ୍ୟାନସରର ବିପଦ ଟଳିପାରେ ।