କନକ ବ୍ୟୁରୋ : ସରିବ ସିଲିଣ୍ଡରର ଯୁଗ । ରୋଷେଇ ଗ୍ୟାସ ପାଇଁ କଷ୍ଟମର କେୟାର ନମ୍ବରରେ ଫୋନ କରି ବୁକ କରିବେ, ତିନି ଚାରି ଦିନର ଅପେକ୍ଷା ପରେ ଘରେ ପହଞ୍ଚିବ ସିଲିଣ୍ଡର । ଏହି ଧାରାରେ ଲାଗିବାକୁ ଯାଉଛି ବ୍ରେକ୍ । କାରଣ ଏବେ ନବ୍ ଖୋଲିଲେ ଆସିବ ଏଲପିଜି ଗ୍ୟାସ । ମାତ୍ର ୨ ଦିନ ପରେ ରାଜଧାନୀର ନାଲକୋ ନଗରରେ ଏହି ଯୋଜନା କାର୍ଯ୍ୟକାରୀ ହେବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଡିପୋରୁ ସିଧାସଳଖ ପାଇପ ଯୋଗେ ଗ୍ୟାସ୍ ଆସି ଗ୍ରାହକଙ୍କ ଘରେ ଥିବା ରେଗୁଲେଟରରେ ସଂଯୋଗ, ଏହା ପରେ ରେଗୁଲେଟରରୁ ରୋଷେଇ ଘରକୁ ସଂଯୋଗ । ଘର ଭିତରେ ପାଇପରେ ଲଗାଯାଇଥିବା ମିଟରରୁ ପାଇପ ଯାଇଥାଏ ଗ୍ୟାସ ଷ୍ଟୋଭକୁ । ଏଣିକି ଗ୍ୟାସ ଯୋଗାଣ ବ୍ୟବସ୍ଥା ଏହିପରି ହେବ । ପାଇପ ଲାଇନ ଯୋଗେ ଗ୍ୟାସ ପାଇବାକୁ ଯାଉଛନ୍ତି ରାଜଧାନୀବାସୀ । ଗ୍ରାହକ ଯେତିକି ଗ୍ୟାସ ବ୍ୟବହାର କରିବେ ସେହି ଅନୁଯାୟୀ ବିଲ ପୈଠ କରିବେ । ଗ୍ୟାସ ଟାଙ୍କିଠାରୁ ଏହା ୩୦ରୁ ୪୦ ପ୍ରତିଶତ ଶସ୍ତା ହେବା ବୋଲି କୁହାଯାଉଛି ।
ପ୍ରଥମ ପର୍ଯ୍ୟାୟରେ ନାଲକୋନଗରର ୨୫୫ଟି ଘର ଏହି ସୁବିଧା ପାଉଥିବାବେଳେ ପରବର୍ତୀ ପର୍ଯ୍ୟାୟରେ ଭୁବନେଶ୍ୱର ମୈତ୍ରୀ ବିହାର ଓ କଟକରେ ଏହି ସୁବିଧା ପାଇପାରିବେ ଗ୍ରାହକ । ‘ପ୍ରଧାନମନ୍ତ୍ରୀ ଉର୍ଜା ଗଙ୍ଗା’ ଯୋଜନା ଆଧାରରେ ୭୬୯ କିଲୋମିଟର ଗ୍ୟାସ ପାଇପ ଲାଇନ ରାଜ୍ୟର ୧୩ଟି ଜିଲ୍ଲାରେ ଏହି ଯୋଜନା କାର୍ଯ୍ୟକାରୀ ହେବ ।